2 ATEPTAP PEETUUSYEK 2:3 - BUKUIT NE TILIIL Sireet ne Dutero Kanon

³ Ki iyookto Solomon koba kap Huram laitoryatap Tyro, keleenji, “Yaiywo agane ko uu ye ki iyachi abba Daudi, ye ki iyookyi ineendet taragonik koteege koonnyi ne menyei.

Bukuit Ne Tilil

³ Ki iyookto Solomon koba kap Huram laitoryatap Tyro, keleenji, “Yaiywo agane ko uu ye ki iyachi abba Daudi, ye ki iyookyi ineendet taragonik koteege koonnyi ne menyei.

BUKUIT NE TILIL

³ Ak kiiyokto Solomon kemwachi Huram laitoriatab Turo, kelenji, Ko u ye kiiyachi baba Daudi, ak iyokyi inendet taragonik koteege gonnyi ne menyei, ko u noto, yaiywa agane.

2 ATEPTAP PEETUUSYEK 2:3 Referencias Cruzadas

2 SAMUEL 5:11

Ki iyookto `Iram laitoryatap Tyro piik koba kap Daudi koibei taragonik, kobooto musogik ak che waei koik, che kiteekyi koot Daudi.

1 ATEPTAP PEETUUSYEK 14:1

Ki iyookto `Hiram laitoryatap Tyro piik koba kap Daudi koipchi taragonik; kiyookyi piik che waei koik ak musogigap pagoinik koba koteekyi ineendet koot.

2 ATEPTAP PEETUUSYEK 13:11

Peeljin `icheek Kamuktaindet ne Toroor kagoochinoik che kibeelei, ak nyamdutik che ng'uu ne anyiny, karonet age tugul ak koskoleng'ut age tugul, tetei magatiinik che itabaanatiin eng' meset ne tiliil, ak keldap tait ne po thahabu kobooto taisyekyik, si kolal koskoleng'ut age tugul; amu kiriibe acheek poisyetap Kamuktaindet ne Toroor, Kamuktaindennyo, ago ki omete ineendet.

2 ATEPTAP PEETUUSYEK 24:14

Kingo kagogees, koipchi `icheek laitoryat ak Jehoiada fedhaisyek che kiga ng'et; chuuto che ki kiyae tuguuk che po kootap Kamuktaindet ne Toroor, che chooto ko ki tuguuk che ki kiotisye, che ki kigoitoisye, kechigosyek ak tuguuk che po thahabu ak che po fedha. Ki igoitoi kotugul kagoochinoik che kibeelei eng' kootap Kamuktaindet ne Toroor eng' peetuusyek tugul che po Jehoiada.

2 ATEPTAP PEETUUSYEK 4:19

Ak ki yai Solomon tuguuk tugul che ki mi kootap Kamuktaindet, kapkorosutap thahabu, ak mesosyek che ki tebee magatiinik che itabaanatiin;

2 ATEPTAP PEETUUSYEK 8:13

ko uu ye yamei poisyetap peetuut age tugul, kogoitoi ko uu ng'atuutyetap Musa, eng' sabatoisyek, eng' ye kaleel arawet, ak eng' igoorwek che ki king'at, konyil somok eng' kenyiit, igoorto ne po magatiinik che ma kinde mermereek, igoortap wigisyek ak igoortap keryosyek.

EZRAH 6:3

Eng' kenyiit ne po tai ne po Laitoryat Cyrus, koyai Cyrus ng'atuutyet agobo kootap Kamuktaindet eng' Jerusalem kole ngeteech koot, ole kigoitoe tiseiywek, ak kelumda lumeiywekyik kouegitu; ingoek kooindap tononennyi mitainik tamanwogik lo che po euut ak tebeesindanyi mitainik tamanwogik lo che po euut,

NEEMIA 10:34

Ki kiseer acheek parbareek, kobooto tisiik, Lawiik ak piik, agobo kagoochinetap kweenik, si kobiit keip kobwa kootap Kamuktaindennyo, ko uu kooriigap kwanisyekyok, eng' peetuusyek che ki king'at eng' kenyiit age tugul, si kebeel eng' kaptisisyetap Kamuktaindet ne Toroor, Kamuktaindennyo, ko uu ye siraat eng' Ng'atuutik.

KOMONG'U 25:30

Inde magatiinik che itabaanatiin meset kotebee tainnyu kotugul.

KOMONG'U 29:38

“Chu che igoitoi eng' kaptisiisyo; igoitoi peetuut age tugul aarek aeng' che mengichik che po keechiir che ma siirei kenyiit agenge koek kiit ne po agoi.

KOMONG'U 29:39

Igoite aarwet age karon ak igoite aarwet ne po aeng' koskoleny.

KOMONG'U 29:41

Igoite aarwet age koskoleny ak iyachi ko uu kagoochinetap peek ni kabo karon ak ko uu kagoochinennyi ne kirong'u, koek nyamdutyet ne anyiny, kagoochinet ne kigoochin Kamuktaindet ne Toroor ne punei maat.

KOMONG'U 30:7

Peelei Aron nyamdutik che po tuguuk che ng'uu ne anyiny eng' olooto eng' karonet age tugul ye chobei taisyek,

ATEPTAP LAWIK 23:2

“Mwachi piigap Israel leenjin, Igorwegap Kamuktaindet ne Toroor che ki king'at keele omwaite koek kayumosyegapkei che itabaanatiin, chooto igoorwekyuk che ki king'at.

ATEPTAP LAWIK 9:17

Ki ip kagoochinetap peek, komugut konyi euut ak kobeel eng' kaptisisyonooto kobooto kagoochinet ne kibeelei karon agine.

KAITOSYEK 28:11

“Eng' taunetap arawet age tugul, ogoochi Kamuktaindet ne Toroor kagoochinet ne kibeelei: kiruugik aeng' che mengeechen, mengit agenge ak aarek tisap che mengichik che libwoben, che ma siirei kenyiit agenge.

KAITOSYEK 28:9

“Igoite aarek aeng', che mengichik, che libwoben, che ma siirei kenyiit agenge eng' peetuutap sabato, kobooto keruutik aeng' che po peek che ng'ootiin, kobunji kagoochinetap peek, che kiburuktoi mwaita kobooto kagoochinennyi ne kieei.