2 ATEPTAP PEETUUSYEK 17:3 - BUKUIT NE TILIIL Sireet ne Dutero Kanon

³ Ki mi Kamuktaindet ne Toroor ak Jehoshaphat amu kiwendote ortinwek che po tai che po kwandanyi Daudi. Ki ma cheeng' `ineendet Baalik,

Bukuit Ne Tilil

³ Ki mi Kamuktaindet ne Toroor ak Jehoshaphat amu kiwendote ortinwek che po tai che po kwandanyi Daudi. Ki ma cheeng' `ineendet Baalik,

BUKUIT NE TILIL

³ Ak kimi Jehovah ak Jeosapat, amu kiwendote ortinwek che bo tai che bo kwandanyi Daudi, ama cheng’ Baalik;

2 ATEPTAP PEETUUSYEK 17:3 Referencias Cruzadas

TAUNET 39:21

Ago ki mi Kamuktaindet ne Toroor kobooto Joseph, ak ki riiregei ineendet ak ki igoochi konyoor chameet eng' pounindetap korgoreet.

2 SAMUEL 5:10

Ki eet Daudi kotesak amu ki mi Kamuktaindet ne Toroor, Kamuktaindetap lugoosyek, kobooto ineendet.

2 SAMUEL 8:15

Ak ki laitoran Daudi eng' Israel tugul; ak ki irwookyi Daudi piikyik tugul eng' lititindo ak iman.

1 LAITORINIK 11:6

Ki yai Solomon yaityet eng' taitap Kamuktaindet ne Toroor, ama isup Kamuktaindet ne Toroor konyi, ko uu ye ki yai Daudi kwandanyi.

1 LAITORINIK 22:43

Kiwendote ortinwek tugul che po Asa kwandanyi; ma masta eng' ortinwechooto, ki yai ne myee eng' taitap Kamuktaindet ne Toroor. Nganda ki ma kiisto komoswek che torooreen, ak kita koenyei piik tiseiywek ak kobeelei nyamdutik eng' komoswechooto torooreen.

1 LAITORINIK 3:3

Ki cham `Solomon Kamuktaindet ne Toroor, kowendote ng'atuutigap Daudi kwandanyi; ago kienyei tiseiywek ak kobeelei nyamdutik eng' komoswek che torooreen.

2 LAITORINIK 14:3

Ki yai ne myee eng' taitap Kamuktaindet ne Toroor, ago ma igei Daudi kwandanyi. Ki yai ko uu tugul che kiga yai kwandanyi Joash.

2 LAITORINIK 16:2

Ki po kenyiisyek tiptem Ahaz ye ki tau kolaitorani, ak ki laitoran kenyiisyek taman ak lo eng' Jerusalem. Ki ma yai ne myee eng' taitap Kamuktaindet ne Toroor Kamuktaindennyi, ko uu ye ki yai Daudi kwandanyi.

2 LAITORINIK 18:3

Ki yai ne myee eng' taitap Kamuktaindet ne Toroor, ko uu tugul che kiga yai Daudi kwandanyi.

2 LAITORINIK 22:2

Ki yai ne myee eng' taitap Kamuktaindet ne Toroor ak kowendote ortinwek tugul che po Daudi kwandanyi, ama masta kwo tai anan ko kaataam.

1 ATEPTAP PEETUUSYEK 22:18

“Tos ma mi kobootok Kamuktaindet ne Toroor Kamuktaindeng'wong'? Ak ma koonok kamuung'et eng' komoswek tugul? Amu ki inde eunnyu piik che menyei emoni, ak ki kiterteer emet eng' taitap Kamuktaindet ne Toroor, ak eng' taitap piikyik.

2 ATEPTAP PEETUUSYEK 14:11

Ki riirchi `Asa Kamuktaindet ne Toroor Kamuktaindennyi, kole, “Kamuktaindet ne Toroor, ma mi age kobatenen ne imuuchi kotoretis eng' kwenutap ne kiim ak ne ma tinyei kimnateet: toretech, ee Kamuktaindet ne Toroor, Kamuktaindennyo; amu kimang'un, ak kagibwa kebarge ak tuiyoni eng' kaineng'ung'. Ee Kamuktaindet ne Toroor, ii Kamuktaindennyo; amat koterteerin chii.”

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 17:2

Ki inde lugoosyek nganasook tugul che ng'ootaatiin che po Judah, ak konde riibiik emetap Judah, ak nganasoogap Ephraim, che kiga rep kwandanyi Asa.

2 ATEPTAP PEETUUSYEK 17:4

ago ki cheeng' Kiptaiyat Kamuktaindetap kwandanyi ak kowendote ng'atuutikyik, ama isup tuguuk che ki yai Israel.

2 ATEPTAP PEETUUSYEK 20:32

Kiwendote ortinwegap kwandanyi Asa ak ma masta kometo, ki yai ne myee eng' taitap Kamuktaindet ne Toroor.

2 ATEPTAP PEETUUSYEK 21:12

Ki nyoonji ineendet parweet ne ki punu maotyot Elijah, koleenji, “Kamwa ko uu ni Kamuktaindet ne Toroor, Kamuktaindetap Daudi kwandang'ung', kole: Amu ma iwendote ortinwegap Jehoshaphat kwandang'ung' anan ortinwegap Asa laitoryatap Judah,

2 ATEPTAP PEETUUSYEK 22:9

Ki cheeng' Ahasia, ak ki nam ineendet ye ki ung'egei eng' Samaria. Ki kimutyi Jehu ak ki par ineendet. Kitup `icheek ineendet, amu ki le “Ineendet ko weeriitap Jehoshaphat, ne ki cheeng' Kamuktaindet ne Toroor eng' muguleldanyi tugul.” Ak ma sich kootap Ahasia kimnateet konam laitornatet.

2 ATEPTAP PEETUUSYEK 27:6

Ki kimiit anyun Jotham amu ki chop ortinwekyik eng' taitap Kamuktaindet ne Toroor Kamuktaindennyi.

2 ATEPTAP PEETUUSYEK 29:2

Ak ki yai ne myee eng' taitap Kamuktaindet ne Toroor, ko uu tugul che ki yai Daudi kwandanyi.

2 ATEPTAP PEETUUSYEK 34:2

Ak ki yai ne myee eng' taitap Kamuktaindet ne Toroor, ak kiwendote ortinwegap Daudi kwandanyi, ama masta kwo eutap tai anan ne po kaataam.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

KOMONG'U 3:12

Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”

KOMONG'U 4:12

Ara anyun, tau panda ui, ami kobooten eng' ng'alaaleng'ung', ak aneetiin che kanyool imwa.”

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 8:10

Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

JEREMIA 2:23

Imuktoi ano anyun ile, “Ma aa murwoon, ma asup Baalik”? Keer oreng'ung' eng' atebweet, nai kiit ne kaiyai. Ii moitap tambeesyet ne chepchep ne isubi ortinwekyik,

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 18:20

Amu ole katuiyechi aeng'u anan somok eng' kainennyu, ami kwenunnywa eng' olooto.”

MATAYO 25:16

Ki wo anyun ineendet ne kitaach talendaisyek muut ak kwo koboisyee, ak kinyoor talendaisyek alak muut.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

2 TIMOTEO 4:22

Ingotep Kiptaiyat kobooto saboondang'ung'. Ingotep myeeindo kobootok.

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

KIRUOGIK 2:11

Ki yai piigap Israel yaityet eng' taitap Kamuktaindet ne Toroor koot Baalik.

KIRUOGIK 2:18

Kingo ng'eetyi `Kamuktaindet ne Toroor kirwoogik, ko ki mi Kamuktaindet ne Toroor kobooto kirwoogindet, ak kosar icheek eng' eunegap puunikwak eng' peetuusyek tugul che po kirwoogindonooto. Ki riiree Kamuktaindet ne Toroor eng' tigenennywa ak eng' icheek che ki inyalili ak koimi.

KIRUOGIK 6:12

Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

KIRUOGIK 8:33

Ak ye kingo pata meetap Gideon, koweek kogeny piigap Israel, koibotkei ak Baalik, ak koyai Baal-berit koek kamuktaindennywa.

1 SAMUEL 18:12

Ki iywei `Saulo Daudi, amu ki mi Kamuktaindet ne Toroor kobooto ineendet, ak kiga kobagaakta Saulo.

1 SAMUEL 18:14

Ki tebi Daudi eng' ng'omnateet eng' ortinwekyik tugul ak ki mi Kamuktaindet ne Toroor kobooto ineendet.

1 SAMUEL 18:5

Ki wo Daudi oldo age tugul ole ki iyookto Saulo, ak ki tebi eng' ng'omnateet. Ki inde `Saulo ineendet koboi murenigap lugeet ak ki myeeit kioto eng' taitap piik tugul, ak eng' taitap otwogigap Saulo ak icheek.