1 TIMOTEO 2:8 - BUKUIT NE TILIIL Sireet ne Dutero Kanon

⁸ Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.

Bukuit Ne Tilil

⁸ Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.

BUKUIT NE TILIL

⁸ Amache anyun ale kosaei murenik eng’ komosta age tugul, konamjin barak eunekwak che tililen, ko mami neregek ak tiiyet.

1 TIMOTEO 2:8 Referencias Cruzadas

1 LAITORINIK 3:11

Ki leenji `Kamuktaindet ineendet, “Amu kaisoom kii, ama isoomjigei isap keny anan mogornatosyek, ama isoom kebar puuniguk, ago kesoomjigei kaguiyet ibesye kirwooget,

Kitabuutap JOB 16:17

Agot ngo ma mi koroomnateet eunekyuk, ak ko tiliil saaennyu.

TIENWOGIKAL 134:2

Otokyi eunekwok ye mi tiliilindo, ak olasu Kamuktaindet ne Toroor.

TIENWOGIKAL 141:2

Ingotogosta saaennyu ko uu nyamdutik eng' taing'ung'; ingoigei eunekyuk che anamjini parak korosyot ne po koskoleny.

TIENWOGIKAL 24:4

Ineendet ne tiliileen eunek ak ko tiliil muguleldanyi, ne ma lasyingei saboondanyi tuguugap yaityo, ama iyastos eng' ng'aalseet.

TIENWOGIKAL 26:6

Auni eunekyuk amu ma tiinya lelutyo, si amuut kaptisisyeng'ung', ee Kamuktaindet ne Toroor,

TIENWOGIKAL 28:2

Kas soomutikyuk, ye ariirchinin, ye anamjini parak eunekyuk atokyini oldang'ung' ne tiliil.

TIENWOGIKAL 35:13

Ago ye kingo myandos icheek ko ki alaachi kuniok; ki aming'in saboondanyu eng' karugutet. Ki asaa ang'uruuksei,

TIENWOGIKAL 63:4

Ara anyun alasun kota asabe; anamjini parak eunekyuk amu kaineng'ung'.

TIENWOGIKAL 66:18

Ye abwaat tengekto eng' muguleldanyu, koma kaswa Kiptaiyat.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 21:27

Kiit ne kiwechei korosyotap kiptengeginik, kotam nee anyun ye ibu korosyondonooto kotinyei kabwaatutik che yaach.

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

MATAYO 21:21

Ki wolji Jeso koleenji, “Amwaiwok iman ale, ngo tinye kayaneet, amosage, ko moyae ne kageyachi mogoywondoni kityo, ago agot ngo mwachi tulwooni oleenji ‘Ngesutin ak kewiirchin araraita,’ koyaaksei.

MATAYO 5:44

Ago amwaiwok ale, Ocham puunikwok ak osachi icheek che usook,

MATAYO 6:12

Ak inyoiywech kaat lelutikyok, ko uu ye kinyochini kaat che lelweech.

LUKA 23:34

Ak ki le Jeso, Abba, nyochi kaat icheek; amu ma nai kiit ne yaei. Ak kipchechigei ngoroikyik, eng' seretap parbareek.

LUKA 24:50

Ak ki indochi icheek agoi koit Bethania: ak ki namji parak eunekyik, ak koberuur icheek.

JOHANA 4:21

Koleenji Jeso, Kobogoryondoni, iyana, nyoonei sait, ye ma kosaae Kwanda eng' tulwooni, anan eng' Jerusalem.

POISYONIGAP CHE KIYOKTOI 10:2

Ki chiito ne kigonyiti ak koywei Kamuktaindet kobooto koonnyi tugul; ki igoochin piik kagoochinoik che chaang' ak kosaaei Kamuktaindet kotugul.

POISYONIGAP CHE KIYOKTOI 10:31

ak kole, ‘Korneli, kigegas saaeng'ung', ak ki koek kabwaatet eng' taitap Kamuktaindet kagoochinoiguk.

POISYONIGAP CHE KIYOKTOI 10:4

Keer `Korneli ineendet miising' eng' kaiyweisyet ak kole, “Tos nee, Kiptaiyat?” Koleenji, “Kigoit parak saautiguk ak kagoochinoiguk koek kabwaatet eng' taitap Kamuktaindet.

POISYONIGAP CHE KIYOKTOI 21:5

Ak kingo kagigesu peetuusyechooto, keebe pandanyo; ak ki iyomiseech icheek tugul kobooto osotik ak lagok, agoi kemande eng' nganaseet, ak kegutung'se eng' ngeguut, kesaa

POISYONIGAP CHE KIYOKTOI 7:60

Ak kigutuny ak komwa eng' kutit ne oo kole, “Kiptaiyat, ameiityi icheek tengegi.” Ak kingo kagomwa niito, konuuch.

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

1 KORINTOEK 7:7

Ago kata achame koigei piik tugul anee. Ago tinyei chii age tugul konunennyi ne punu Kamuktaindet, age ko uu ni, ak age ko uu no.

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

PILIPIK 1:12

Ago amache, che kitupche, ale, onai ole tuguuk che kibwanjo, ko ki kotoret logoiywek che myach koba tai;

1 THESSALONIKEK 1:8

Amu ki kogasak ng'olyootap Kiptaiyat kobun olong'wong', ma eng' Makedonia ak Akaia kityo, ago ki koyom komosta age tugul kayaneng'wong' ne otinye eng' Kamuktaindet; kot koma kemage kiy kota kemwa kiy age tugul.

1 TIMOTEO 5:14

Nooto anyun achame ale kitun mosoogik che ta ko mengeechen, si kosich lagok, ak koriip koot, amat kogoochi poroindo puunyoot kochuris eng' ui tugul;

TITO 3:8

Po iman ng'olyoondoni, ak amache imwa tuguuchuuto eng' kimnateet, si kobwaat icheek che ki koyan Kamuktaindet, koyai kotugul poisyonik che myach. Myachen tuguuchuuto ak kotoreti piik:

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

1 PETERO 3:7

Okweek manong'otaichu, otebi ko uu nooto kobooto osotikwok eng' ng'omnateet, ogoochini kwondo teegisto, amu ineendet ko nyalulat eng' muren, ko uu ye tuun onyooru tugul myeeindap saboondo; si ma kiger saautikwok.