1 TIMOTEO 2:6 - BUKUIT NE TILIIL Sireet ne Dutero Kanon

⁶ ne ki igoitogei koek ne kityage tugul; ne tuun kibaoryanjin eng' peetuusyekyik;

Bukuit Ne Tilil

⁶ ne ki igoitogei koek ne kityage tugul; ne tuun kibaoryanjin eng' peetuusyekyik;

BUKUIT NE TILIL

⁶ ne kiigoitogei koek ne kitiage tugul; ne tun kibaorianjin eng’ betusiekyik;

1 TIMOTEO 2:6 Referencias Cruzadas

Kitabuutap JOB 33:24

koriiree ineendet anyun, ak kole, ‘Saru ineendet si ma rorokyi Keriinget, kaanyooru katyaget.

ISAIAH 53:6

Ki uu acheek tugul keechiirek che ki kobetyo; kigosup age tugul eng' acheek ooreennyi; ak kigonde `Kamuktaindet ne Toroor ineendet tengekwogikyok acheek tugul.

KAITOSYEK 7:15

kirgit agenge ne neran, mengit agenge, mengit age ne ma siirei kenyiit agenge, kobunji kagoochinet ne kibeelei;

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MARIKO 1:15

koleen, “Kagosulda peetuusyek, ak kagoriik laitornatetap Kamuktaindet; osigu, ak oyan logoiywek che myach.”

MARIKO 10:45

Amu ki ma nyo agot Weeriitap chii si keboisyechi, ago si kobois ineendet ak kogoito saboondanyi koek kiit ne kityage che chaang'.”

JOHANA 10:15

ko uu ye ingeno Kwanda, ak angen Kwanda; ak agoitoi saboondanyu agobo keechiirek.

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

ROMANIK 5:6

Amu ye kita ko kinyalulyotin, kome Kristo agobo che yaacheen eng' peetuut ne kiga kelewen.

1 KORINTOEK 1:6

ko uu ye ki kigimit paornateetap Kristo eng' okweek:

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

GALATYEK 4:4

ago ye kingo it peetuut ne kiyamgei, koyook Kamuktaindet Weeriinnyi, ne ki sich kobogoryot, kosich eng' Ng'atuutyet,

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 3:5

ne ki ma kiboorchi weeriigap piik eng' ibinwek alak ko uu ye kageng'aang'ji nguno che kiyooktoi chechiik che tiliileen ak maotik eng' Kabuuset ne Tiliil;

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

2 THESSALONIKEK 1:10

ye tuun nyo si kobiit kitoroor eng' chechiik che tiliileen; ak kekwong'ee icheek tugul che iyani (amu ki kiyan paornatennyo eng' okweek), eng' peetuunooto.

1 TIMOTEO 6:15

ne tuun iboortoi eng' peetuusyekyik, ne ineendet ne iberuurot ak ko Kamuktaindet ineegei, Laitoryat ne po laitorinik, ak Kiptaiyat ne po kiptainik;

2 TIMOTEO 1:8

Amelilanji anyun paornateetap Kiptaiyandennyo, anan anee kimonjororyondennyi: ago nam yamdaetap nyalilwogik amu logoiywek che myach ko uu ye tee kamuktaetap Kamuktaindet;

TITO 1:3

ago ki ng'aany ng'olyoondennyi eng' peetuusyekyik eng' amdaet, ne ki kiyanwa ko uu ng'atuutyetap Kamuktaindet Yetindennyo:

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 9:12

ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.