1 TIMOTEO 2:15 - BUKUIT NE TILIIL Sireet ne Dutero Kanon

¹⁵ ago kisaru eng' sigisyet, ngo tebyei icheek eng' kayaneet ak chamyet ak katabaanet kobooto riibetapkei.

Bukuit Ne Tilil

¹⁵ ago kisaru eng' sigisyet, ngo tebyei icheek eng' kayaneet ak chamyet ak katabaanet kobooto riibetapkei.

BUKUIT NE TILIL

¹⁵ ago kisoru eng’ sigisiet, ngo tebyei ichek eng’ kayanet ak chamnyet ak katabanet koboto ribetab ge.

1 TIMOTEO 2:15 Referencias Cruzadas

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 31:22

Iombenoti kot kotyanit, ee inyee chepto ne iweechigei let? Amu ki kotoi Kamuktaindet ne Toroor koyai kiit ne leel eng' ng'wony; yiemei kwondo muren.

LUKA 2:7

Ak ki sich weeriinnyi ne po tai; ak kolaakyi ngoroigap lakwandit, ak komogonji kaptugut, amu ki ma komi poroindo eng' kootap toek.

1 KORINTOEK 12:23

ak kebeberwechooto po poorto, che kiiti keele matya teegistanywa, ko chooto che kilaakyin teegisto ne oo kosiir; ak kebeberwekyok che ma tinyei korooronindo ko chooto che tinyei korooronindo ne oo kosiir;

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

1 TIMOTEO 1:5

Ago kasuldaetap ng'atuutyoni ko chamyet ne punu muguleldo ne tiliil ak kabwaatet ne myee ak kayaneet ne ma tinyei keniisyet:

1 TIMOTEO 2:9

Ko uu nooto kobogorisyek ingolaachkei eng' kalaakset ne nyolu, eng' teegisto ak riibetapkei; ma eng' laetap suumeek, ak thahabu anan sonoek che korooron anan ngoroik che po kamanuutyet ne oo;

TITO 2:12

Ineetech kole keeesye ooreet ne ma tokyingei Kamuktaindet, ak maguutik che po ng'wony, ak ketebi eng' ng'omnateet ne litit, ak eng' imanda, ak eng' ooreet ne tokyingei Kamuktaindet eng' kenyisyechu;

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet: