1 TIMOTEO 1:12 - BUKUIT NE TILIIL Sireet ne Dutero Kanon

¹² Amwachini kongoi ineendet, ne ki imuktaiwa, ineendet Kristo Jeso Kiptaiyandennyo, amu kiita kole aa chiito ne kiyani, kondea poisyet;

Bukuit Ne Tilil

¹² Amwachini kongoi ineendet, ne ki imuktaiwa, ineendet Kristo Jeso Kiptaiyandennyo, amu kiita kole aa chiito ne kiyani, kondea poisyet;

BUKUIT NE TILIL

¹² Amwachini kongoi inendet, ne kiimuktawa, inendet Kristo Jesu Kiptaiyandennyo, amu kiita kole a chito ne kiyani, kondea boisiet;

1 TIMOTEO 1:12 Referencias Cruzadas

MATAYO 20:4

Ak ki leenji icheek, ‘Oba ak okweek oboisye eng' mbareetap sabibuk si agoonok ne nyolu.’ Ak ki pa anyun.

JOHANA 5:23

si kobiit koteech tugul Weeriit, ko uu ye teechei Kwanda. Ineendet ne ma teechei Weeriit koma teechei Kwanda ne ki iyook ineendet.’ ”

POISYONIGAP CHE KIYOKTOI 16:15

Ye kiga kibatisan ineendet ak piigap koonnyi, kogaigaech kole, “Ngo kaogeer ole ayani Kiptaiyat, obwa koonnyu ak otebi.” Ak kibirchech keebe.

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

POISYONIGAP CHE KIYOKTOI 9:22

Ago kitesak Saulo kogimit, ak ki igoochi kokwong'yo Yahudik che ki menyei Damasko, koboorchin icheek komyee kole Jeso niito ko Kristo.

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

1 KORINTOEK 3:5

Nee anyun Apolo? Ko nee Paulo? Kiboitiinik che ki koonok oyan; ak ko uu ye ki igoochi Kiptaiyat age tugul.

1 KORINTOEK 7:25

Ma tinyei anyun ng'atuut eng' Kiptaiyat agobo pergeinik: ago amwae ko uu ole ageertoi, ko uu chii ne kigonyoor rireenetap Kiptaiyat aek ne kiyani.

2 KORINTOEK 4:1

Nooto anyun, amu ki tinyei poisyoni, ko uu ye ki kenyooru rireenetapkei, ko mameech mugulel:

GALATYEK 3:26

Amu okweek tugul ko oo weeriigap Kamuktaindet, eng' kayaneet, eng' Kristo Jeso.

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

PILIPIK 2:11

si kong'aany ng'elyepta age tugul kole Jeso Kristo ko Kiptaiyat, agoi toroornatetap Kamuktaindet Kwanda.

PILIPIK 4:13

Amuuchi ayai tuguuk tugul eng' ineendet ne igimita.

KOLOSAIK 1:25

ak, ki kiyaa agobo nooto aek kiboityot, eng' tononjinetap Kamuktaindet ne ki kigoono amu okweek, si ayai ng'olyootap Kamuktaindet kosulda,

1 TIMOTEO 1:1

Paulo, kayooktoindet ne po Kristo Jeso ko uu ng'atuutyetap Kamuktaindet Yetindennyo, ak Kristo Jeso ne kamang'unennyo;

1 TIMOTEO 1:11

ko uu ye mwaei logoiywek che myach che po toroornatetap Kamuktaindet ne iberuurot, che ki kigoono atononji.

1 TIMOTEO 1:2

asirchini Timoteo lakweennyu, ne po iman eng' kayaneet: Ingotep kobooten myeeindo, ak rireenetapkei, ak kaalyeet, che punu Kamuktaindet Kwanda ak Kristo Jeso Kiptaiyandennyo.

1 TIMOTEO 6:13

Kang'atiin anyun eng' taitap Kamuktaindet, ne riibei tuguuk tugul kosapcho, ak eng' taitap Kristo Jeso, ne kibaoryan ng'ang'et ne myee eng' taitap Pontio Pilato;

2 TIMOTEO 2:2

Ak tuguuk che ki igasena eng' kwenutap paorinik che chaang', igoochi chooto piik che kiyani, che imuuchi koneet alak ak icheek.

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

TITO 1:4

asirchini Tito, lakweennyu ne po iman eng' kayaneet ne kiyamdoi: Ingotep kobooten myeeindo ak kaalyeet che punu Kamuktaindet Kwanda ak Kristo Jeso Yetindennyo.

PILEMON 1:9

ago, amu chamyet asoomin miising', anee Paulo ne koaositu, ak nguno kogeny ko aa kimonjororyot ne po Kristo Jeso.