1 TIMOTEO 1:10 - BUKUIT NE TILIIL Sireet ne Dutero Kanon

¹⁰ agobo che soksei, ak murenik che ibegei ak murenik, ak che chorei piik, ak kiplembechonik, ak che iyastos lembech, ak ngo mi kiit age tugul ne ketei kaneetisyet ne po imanit;

Bukuit Ne Tilil

¹⁰ agobo che soksei, ak murenik che ibegei ak murenik, ak che chorei piik, ak kiplembechonik, ak che iyastos lembech, ak ngo mi kiit age tugul ne ketei kaneetisyet ne po imanit;

BUKUIT NE TILIL

¹⁰ agobo che soksei, ak murenik che ibegei ak murenik, ak che chorei bik, ak kiplembechonik, ak che iyostos lembech, ak ngo mi kit age tugul ne ketei konetisiet ne bo imanit;

1 TIMOTEO 1:10 Referencias Cruzadas

TAUNET 19:5

Ki kuur `icheek Lot ak koleenji, “Ngorcho piik che ketaach eng' koong'ung' kemouni? Imutwech kobwa saang', si kobiit kenai icheek.”

TAUNET 37:27

Ongebe anyun kealdochi Ismaelik, ago amongeyachi kiy ne ya; amu ineendet ko tupchennyo, ak ko po korotiikyok.” Ak ki kas tupchosyekyik ng'aleekyik.

TAUNET 40:15

Amu ki kichoora iman eng' emetap Yahudik, ak ma ayai kiy eng' olito ne yamei ketoorcho keriinget.”

KOMONG'U 20:7

Amemwa kainetap Kamuktaindet ne Toroor Kamuktaindeng'ung' eng' tangoi. Amu iityin Kamuktaindet ne Toroor ng'oogisto ne mwaei kainennyi eng' tangoi.

KOMONG'U 21:16

Ineendet ne choorei chii ak koalda anan ngenamji komi eunekyik, kebarei iman.

HOSEA 10:4

Mwaei icheek ng'aleek che po puch, iyastos eng' lembechek koyaei arorutik: piitei anyun kirwooget ko uu keetit ne ng'waan eng' mbareet ne ibatat.

ATEPTAP LAWIK 18:22

“Amoruiye ak muren ko uu ye ruitos chii ak osotyo; etan nooto.

ATEPTAP LAWIK 20:13

Ngo ruiyo mureno ak muren, ko uu ye ruitos ak kobogorisyek, kagoyai tuwai kiit ne samis. Kibarei iman, ak tebee icheek korotiikwak.

SEKARIA 5:4

Ayooktoi kitabuunooto, mwaei Kamuktaindet ne Toroor ne po lugoosyek kochut kootap choriindet, ak kochut kootap chiito ne iyastos lembechek eng' kainennyu: ak kotebee kwenutap koonnyi, ak kogees koyooto kobooto keetiikyik ak koikyik.

SEKARIA 8:17

Amat kobwaat chii age tugul eng' okweek yaityet eng' muguleldanyi agobo chiitap kokwennyi, amocham kayasyoet age tugul ne po lembech; amu aweche tuguuchuuto tugul, mwaei Kamuktaindet ne Toroor.”

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

ROMANIK 1:26

Amu niito ki pagaakyi Kamuktaindet icheek maguutik che po teweernateet. Ki wal kobogorisyekwak piteet ne nyolu koek ne ma nyolu.

NG'ATUTIK 24:7

“Ngenyoor chii ne kachoor tupchennyi age ne po piigap Israel ak koyachi ko uu otwogin anan koalda, ko ingome anyun choorindonooto. Iste ko uu nooto anyun yaityet eng' kwenung'ung'.”

1 TIMOTEO 4:6

Ngot ibwaatyi che kitupche tuguuchu, iegu anyun kiboityot ne myee ne po Kristo Jeso, ne paat komyee eng' ng'aleek che po kayaneet, ak eng' kaneetisyet ne myee ne ki isup inyee:

1 TIMOTEO 6:3

Ngo neeti chii age tugul kaneetisyet ne teer, ama chamei ng'aleek che po iman, ng'aleegap Kiptaiyandennyo Jeso Kristo, ak kaneetisyet ne namegei ak atebeet ne po kaiyweisyetap Kamuktaindet;

2 TIMOTEO 1:13

Nam itoondap ng'aleek che po iman che ki igasena, eng' kayaneet ak chamyet ne miitei eng' Kristo Jeso.

2 TIMOTEO 4:3

Amu nyoonei peetuut ne ma tuun epchin iit agot kitigin kaneetisyet ne po imanit; ago, tinyei iitiik che iututos, iyumjigei kaneetik che isubi maguutikwak;

TITO 1:13

Po iman paornataniito. Kergong' anyun eng' kimnateet amu nooto, si kobiit koek che po iman eng' kayaneet,

TITO 1:9

ne namei ng'olyoot ne kiyani ko uu ole teptoi kaneetisyet, si komuuch koteechi eng' kaneetisyet ne po iman, ak koterteer kiptiyotinik.

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 18:13

ak kinamon, ak nyamdutik, ak nyamdutik che kibeelei, ak mwanik che ki ilegei, ak tuguuk che nyamdut, ak divaik, ak mwanik, ak peek che ng'ootiin che tambulul, ak nganuuk, ak tuuga, ak keechiirek; ak paraisisyek ak chepkichutisyek ak mutwoorik; ak saboonwegap piik.

NG'ANG'UTYET 21:27

Ak ma koi wo oriit kiy age tugul ne murwoon, anan ko ne yaei kiy ne kiwechei, ak lembeita, kobatee icheek che ki kisirchi bukuitap saboondo ne po Aarwet.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.