1 SAMUEL 9:16 - BUKUIT NE TILIIL Sireet ne Dutero Kanon

¹⁶ “Koteni asiis mutai, ayoogun chii ne punu emetap Benjamin, si iil koek pounindetap piikyuk Israel. Saru piikyuk eng' eunegap Philistiik amu ko ageer piikyuk ak ko kogoityo riirekwak.”

Bukuit Ne Tilil

¹⁶ “Koteni asiis mutai, ayoogun chii ne punu emetap Benjamin, si iil koek pounindetap piikyuk Israel. Saru piikyuk eng' eunegap Philistiik amu ko ageer piikyuk ak ko kogoityo riirekwak.”

BUKUIT NE TILIL

¹⁶ Ayogun mutai chito ne bunu emetab Benjamin koteni asis, si iil inendet koek bounindet eng’ bikyuk Israel, ak soru bikyuk eng’ eunekab Pilistik: amu kiageer bikyuk, amu kigoit oldanyu rirekwak.

1 SAMUEL 9:16 Referencias Cruzadas

2 SAMUEL 3:18

Ara anyun oyai, amu ki komwa Kamuktaindet ne Toroor agobo Daudi kole, ‘Asaru piikyuk Israel eng' otwogindennyu Daudi eng' eunegap Philistiik ak eng' eunegap puunikwak tugul.’ ”

2 LAITORINIK 20:5

“Weege kogeny, ak ileenji Hezekiah pounindetap piikyuk, Kamwa Kamuktaindet ne Toroor, Kamuktaindetap kwandang'ung' Daudi, kole: Kaagas saaeng'ung', kaageer peeguk po kong'; ara asaabin anyun. Itogostoi kootap Kamuktaindet ne Toroor eng' peetuutap somok.

TIENWOGIKAL 102:1

Kas saaennyu, ee Kamuktaindet ne Toroor, ak ingobwonjin riirekyuk.

TIENWOGIKAL 106:44

Ago ki keer pichiindanywa, ye kingo kas riirekwak.

TIENWOGIKAL 25:18

Keer nyalildanyu ak aragenennyu; ak nyoiywo kaat tengekwogikyuk tugul.

KALEWANAIK 16:9

Chobei muguleldap chii ooreennyi, ago indochin `Kamuktaindet ne Toroor kakwautikyik.

JEREMIA 32:8

Kinyonjo anyun Hanamel weeriitap imamennyu eng' seremutap riibiik ko uu ng'olyootap Kamuktaindet ne Toroor, ak koleenjo, Asoomin ale, al mbareennyu ne mi Anatoth, ne mi emetap Benjamin: amu neng'ung' imanitap poroteet, ak neng'ung' katyaget; aljige nooto. Ki anai anyun ale po Kamuktaindet ne Toroor ng'olyoondoniito.

1 SAMUEL 10:1

Ki inem anyun Samuel chuboitap mwaita ak koroong'ji metinnyi, yeityo kong'utut ineendet ak koleenji, “Tos ma kagoiilin Kamuktaindet ne Toroor iegu pounindet ne po piikyik?

1 SAMUEL 14:20

Ki iyumgei piik tugul che ki mi ak Saulo ak koba pooryeet. Ki nyoor Philistiik komi eng' wasetapkei ak ki par chii tugul chiito ne kitokyigei, ak kieet miising' parisyet.

1 SAMUEL 14:23

Kosar anyun `Kamuktaindet ne Toroor Israel eng' peetuunooto; ak ki landa lugeet kwo Beth-aben.

1 SAMUEL 15:1

Ak ki leenji `Samuel Saulo, “Ki iyookwo Kamuktaindet ne Toroor anyo aiiliin iegu laitoryatap piikyik si ibou Israel. Ara kas anyun ng'aleegap Kamuktaindet ne Toroor!”

1 SAMUEL 16:1

Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”

1 SAMUEL 16:3

Kuur Jesse konyo ole itisisye si aboorun kiit ne iyae, yeityo iilwa chiito ne amwaun.”