1 SAMUEL 30:8 - BUKUIT NE TILIIL Sireet ne Dutero Kanon

⁸ Kingo ip koteebe `Daudi Kamuktaindet ne Toroor koleenji, “Tos ngot asup lugoni, aname?” Kowolji Kamuktaindet ne Toroor koleenji, “Isup, amu iname iman, ak ne matiny isaru tuguuk tugul.”

Bukuit Ne Tilil

⁸ Kingo ip koteebe `Daudi Kamuktaindet ne Toroor koleenji, “Tos ngot asup lugoni, aname?” Kowolji Kamuktaindet ne Toroor koleenji, “Isup, amu iname iman, ak ne matiny isaru tuguuk tugul.”

BUKUIT NE TILIL

⁸ Ak kiteebe Daudi Jehovah kolenji, Ngot asub lugoni, aname? Ak kiwolji kolenji, Isub: amu iname iman, ak ne matiny imutu tugul.

1 SAMUEL 30:8 Referencias Cruzadas

TAUNET 14:16

Ki sar ak koweech tuguuk tugul kobooto chebyosok ak piik. Ki sar Lot ne po ornywa agine ak tuguukyik.

2 SAMUEL 5:19

koteebe `Daudi Kamuktaindet ne Toroor koleenji, “Awe kebargei ak Philistiik? Tos indoi icheek eunnyu?” Ak ki leenji `Kamuktaindet ne Toroor Daudi, “Togoste, amu andoi iman Philistiik eung'ung'.”

2 SAMUEL 5:23

Ak ye kingo teebee `Daudi Kamuktaindet ne Toroor, kowolji koleenji ineendet, “Metogoste, ago alagu patennywa ak iyem yeityo ibookyi icheek eng' ye itoorchingei keetiigap logoek.

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

KOMONG'U 15:9

Ki le puunyoot, Asubi, aname ak apchei che kagiluul, ak kobiyong'e magennyu icheek. Ang'usu rotwennyu po chok, ak kobar eunnyu icheek.

KAITOSYEK 27:21

Ingotonon ineendet eng' taitap Eleazar tisiindet, si koteepchi ineendet kandoiset eng' taitap Kamuktaindet ne Toroor eng' kirwoogetap Urim. Eng' ng'olyoondennyi ko mandoi ak kaweeksei ineendet ak piigap Israel, agot tuiyet komugul.”

KIRUOGIK 20:18

Ki ng'eetyo piigap Israel kotogosta Bethel, ole kiteebe Kamuktaindet kiit ne kanyool koyai. Ak ki le, “Ng'oo ne sip kotogostoi koba kobargei ak lagogap Benjamin?” Ak ki le Kamuktaindet ne Toroor, “Judah ne indoi.”

KIRUOGIK 20:23

(Ki togosta piigap Israel koba koriiryo eng' taitap Kamuktaindet ne Toroor agoi koskoleny, ak ki teebe `icheek Kamuktaindet ne Toroor kole, “Awe kogeny ayai lugeet ak lagogap Benjamin tupchennyu?” Ak ki le Kamuktaindet ne Toroor, “Togoste obargei ak ineendet.”)

KIRUOGIK 20:28

ak kitonone taitap moingonooto Phineas, weeriitap Eleazar, weeriitap Aron, eng' peetuusyechooto,) koleenji, “Ta awe kogeny kebarge ak lagogap Benjamin tupchennyu, anan atebi?” Ak ki le Kamuktaindet ne Toroor, “Togoste, amu andoi ineendet eung'ung' mutai.”

KIRUOGIK 8:4

Ki it Gideon kobooto murenik pogol somok Jordan ak kolanda. Nganda kiga kong'etyo icheek, ko ki testai koonei puunikwak.

1 SAMUEL 10:22

Koteebse `icheek Kamuktaindet ne Toroor anyun kogeny koleenji, “Ta komi chii neta konyonei yu? Kowol `Kamuktaindet ne Toroor kole, Wei kaung'egei kurubet.”

1 SAMUEL 14:37

ki teebee `Saulo Kamuktaindet kiit ne yaei kole, “Achoortegei asup Philistiik? Tos indoi icheek eutap Israel?” Ago ma wolji ineendet eng' peetuunooto.

1 SAMUEL 23:2

koteebe anyun Daudi Kamuktaindet ne Toroor koleenji, “Tos myee awo abar Philistichuuto?” Ak ki leenji `Kamuktaindet ne Toroor Daudi, “Ui ak ibar Philistiik ak isaru Keila.”

1 SAMUEL 23:4

koteebee anyun Daudi Kamuktaindet ne Toroor kogeny, ak ki wolji `Kamuktaindet ne Toroor ineendet koleenji, “Ng'eet, choortegei Keila, amu andoi Philistiik euneguk.”

1 SAMUEL 28:6

Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.

1 SAMUEL 30:18

Ki sar `Daudi tugul che kiga luul Amelegik. Ki sar `Daudi kora osotikyik tuwai.

1 SAMUEL 30:19

Ki ma petee kiy icheek, ngo ne ming'in anan ko ne oo, ngo weeriik anan ko tiibiik anan ko parunenik anan ko kiy age tugul ne kiga ip, ko ki ip Daudi tugul koweek.