1 SAMUEL 30:6 - BUKUIT NE TILIIL Sireet ne Dutero Kanon

⁶ Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.

Bukuit Ne Tilil

⁶ Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.

BUKUIT NE TILIL

⁶ Ak kiimgei mising’ Daudi, amu kimwa bik kole kilache inendet eng’ koik, amu kiarogenso sobonwekab bik tugul, kiarogen chi age tugul agobo werikyik ak tibikyik: ago kiigimitgei Daudi eng’ Jehovah Kamuktaindennyi.

1 SAMUEL 30:6 Referencias Cruzadas

TAUNET 32:7

Ki iywei ak koaragen anyun Jakobo miising'.Yeityo kopcheune aeng' piik che ki mi tugul, ak neego, tuuga ak tambeesik,

2 SAMUEL 17:8

Ki le kogeny Hushai, “Ingen kwandang'ung' ak piikyik ile piik che nyigoonen ak tinyei ng'wanindo eng' kabwaatutikwak ko uu magalaluut ne kagirebe aarekyik eng' timiin. Ne siirei ko kwandang'ung' ko chiitap lugeet; ma koi ruiyo ak piik.

2 LAITORINIK 4:27

Kingo it ole miitei chiitap Kamuktaindet eng' tulweet, konam keelyekyik. Ki nyo Geasi koriik konyo koleen kotoorta ineendet, ago ki le chiitap Kamuktaindet, “Mete! Amu tinyei ng'wanindo eng' muguleldanyi, ak kagoung'ena `Kamuktaindet ne Toroor ma mwaiwo.”

Kitabuutap JOB 13:15

Agot ngo para, kota ageni ineendet: ago agimiiti ortinwekyuk eng' tainnyi.

TIENWOGIKAL 116:10

Ki atinye kayanet, agot ye ki amwa ale: “Ki kinyalila miising';”

TIENWOGIKAL 138:3

Ki iwolwoo eng' peetuut ne ki aguurin, ki igimita eng' kimnateet eng' saboondanyu.

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 18:6

Eng' pichiindanyu ko ki aguur Kamuktaindet ne Toroor, ki ariirchi Kamuktaindennyu ale kotoreta. Ki kas kutinnyu eng' hekalunnyi, ak kiit itiikyik riirekyuk.

TIENWOGIKAL 25:17

Katesak nyalilwogik che po muguleldanyu; imaanda eng' pichiinwekyuk.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

TIENWOGIKAL 31:24

Ogimegitu, ak ingonyiganitu mugulelwekwok, okweek tugul che ogeni Kamuktaindet ne Toroor!

TIENWOGIKAL 42:11

Amu nee si ing'uruuge, ee saboondanyu? Amu nee si iimige eng' anee? Imang'u Kamuktaindet; amu ta alasu ineendet, ineendet toretindennyu ak Kamuktaindennyu.

TIENWOGIKAL 42:5

Amu nee si ing'uruuge, ee saboondanyu? Amu nee si iimge eng' anee? Imang'u Kamuktaindet; amu ta alasu ineendet amu yetunet ye mi ineendet kobooto.

TIENWOGIKAL 42:7

Kuurei `rireet rireet age eng' cheetap peeguk che isururtoi. Ki komaluucha peeguk tugul che mildogei ak che somotitogei.

TIENWOGIKAL 56:11

Kamuktaindet ne amang'u, ma yweisyei. Tos imuuchi koita nee chii?

TIENWOGIKAL 62:1

Igeni Kamuktaindet kityo saboondanyu, punu yetunennyu ineendet.

TIENWOGIKAL 62:5

Ee saboondanyu, igen Kamuktaindet kityo; amu punu kamang'unennyu ineendet.

TIENWOGIKAL 71:4

Koono achilil, ee Kamuktaindennyu, eng' eutap kiptengekyot, eng' eutap chiito ne ma po imanda, ak ne kolgol.

TIENWOGIKAL 71:5

Amu inyee ne ageniin, ee Kiptaiyat Kamuktaindet ne Toroor, Ii kamang'unennyu kobooch ko aa ming'in.

KOMONG'U 17:4

Ki riirchi `Musa Kamuktaindet ne Toroor koleenji, “Alyonji pichu? Neegit kolacha!”

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JONAH 2:2

Ak ki le, “Eng' nyalildanyu ko ki aguur Kamuktaindet ne Toroor, ak ki wolwo; ami ye mi che ki kobek ko ki aguurse, ak ki igas kutinnyu.

KAITOSYEK 14:10

Ago kimwae tuiyet komugul kole kelach icheek eng' koik. Ki took ak komong'ji piigap Israel tugul liilindap Kamuktaindet ne Toroor eng' emait ne kituiyechin.

MATAYO 21:9

Kimwaoti tuiyosyek che ki indoe ineendet ak che ki isubi eng' kutit ne oo koleen, “Hosanna weeriitap Daudi! Iberuurot ineendet ne nyoonei eng' kainetap Kiptaiyat! Hosanna eng' ole toroor miising'!”

MATAYO 27:22

Koleenji Pilato, “Alyonji anyun Jeso ne kiguure Kristo?” Kole icheek tugul, “Ingigartaat ineendet!”

JOHANA 8:59

Ki inem anyun koik komachei kowiire ineendet: ago ki unygei Jeso, ak komanda eng' Hekaluut.

ROMANIK 4:18

Ki iyan eng' kamang'unet ye ki ma komi kiy ne kimang'u, si kobiit koek kwandap pororyosyek che chaang', kiga kemwa ko uu nooto keele, “Tenitu chooto iyoteng'ung'.”

ROMANIK 4:20

ee, ki ma sage kobistoe ye ki ibwaati arorutyetap Kamuktaindet, ago kitesak kogimit eng' kayaneet, kotoroori Kamuktaindet,

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

2 KORINTOEK 1:6

Ago nginyalilech, ko agobo kagaigaeng'wong' ak yetuneng'wong'; anan ngigoigoech, ko agobo kagaigaeng'wong', ne poisyei eng' muitaet ye omuitoi eng' nyalilwogichooto kinyaliili agacheek:

2 KORINTOEK 4:8

kinyalilech eng' komosta age tugul, ago ma kigichech; kitoptobeni, ago ma petwech kamang'unet;

2 KORINTOEK 7:5

Amu agot ye ki ngeitu Makedonia, koma nyoor poorwekyok kamuung'et, ago ki kinyalilech eng' komosta age tugul; kimi saang' pooryosyek, ak ki mi oriit kaiyweisyosyek.

HEBRANIK 13:6

Nooto anyun kimwae eng' nyiganateet ne myee keele, Toretindennyu Kiptaiyat; maiyweisyei: Yaiywo nee chii?

KIRUOGIK 18:25

Ak ki leenji `lagogap Dan ineendet, “Amengegas kuting'ung' eng' kwenunnyo, si ma parin piik che nereektos, ak ibeet saboondang'ung', kobooto saboonwegap piigap koong'ung'.”

KIRUOGIK 20:22

Ki igimitkei piik, murenigap Israel, ak kotet lugeet kogeny eng' yu ki paregei eng' tai.

1 SAMUEL 1:10

Eng' ng'wanindo ne ki tinyei eng' saboondanyi ko ki sa Kamuktaindet ne Toroor eng' riirek ak eng' ng'wanindo.

1 SAMUEL 23:16

Ki ng'eet Jonathan weeriitap Saulo ak kwo ole mi Daudi eng' timiin kogimit ineendet eng' Kamuktaindet.

1 SAMUEL 28:15

Ki mwachi `Samuel Saulo koleenji, “Amu nee si iima imutwaa atogos?” Kowolji `Saulo koleenji, “Atinye nyalilda ne ng'waan amu kabwa Philistiik kebarge ak ki kometa Kamuktaindet, ama kowolwo kiy eng' maotik anan eng' karwotitaosyek. Nooto anyun kaguurin si kobiit iboorwo kiit ne ayae.”