1 SAMUEL 28:6 - BUKUIT NE TILIIL Sireet ne Dutero Kanon

⁶ Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.

Bukuit Ne Tilil

⁶ Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.

BUKUIT NE TILIL

⁶ Ak ye kingolen koteebe Saul Jehovah, ko ma kowolji Jehovah, eng’ karuotitaosiek, anan eng’ Urim, anan eng’ maotik.

1 SAMUEL 28:6 Referencias Cruzadas

2 SAMUEL 22:42

Ki riiryo, ago ki ma piit ne ki sar icheek; ki riirchi Kamuktaindet ne Toroor, ago ki ma wolji.

TIENWOGIKAL 74:9

Ma kigeere kaboorunoikyok; Ma komi maotyondo; Ama mi kwenunnyo age tugul ne ingen kole tyanitu.

KOMONG'U 28:20

Eng' ooreet ne po ang'wan inde berulo, soam ak jasipi. Kitetyin koichooto kelongonigap thahabu.

KOMONG'U 28:30

Inde ngoryonooto po tegeet ne po kirwooget Urim ak Tumim si kotebee chooto muguleldap Aron ye mandoi taitap Kamuktaindet ne Toroor. Eng' nooto anyun koibei Aron kirwoogetap piigap Israel eng' muguleldanyi eng' taitap Kamuktaindet ne Toroor kotugul.

KALEWANAIK 27:1

Amechaugei agobo mutai; amu mengen kiit ne piitu eng' peetuut age tugul.

JEREMIA 23:28

Ingomwa maotyot karwotitoet ne koirwotyi; ak ineendet ne tinyei ng'olyoondennyu komwa eng' imanda. Ting'egei nee meteteek ak nganuuk? Mwaei Kamuktaindet ne Toroor.

RIREKAB JEREMIA 2:9

Isuwe kobendi ng'wony ormariichokyik; ki ng'em ak koiri temeleiywekyik. Mi laitoryandennyi ak pounikyik kwenutap pororyosyek ole ma mi ng'atuutyet; ma nyooru maotikyik ng'ang'utyet ne punu Kamuktaindet ne Toroor.

JOEL 2:28

Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

ATEPTAP LAWIK 8:8

Ki ilaakyi ineendet ngoryeetap tegeet ak konde ngoryonooto Urim ak Tumim.

MIKAH 3:7

Ak kolilaanso keerik, ak kotoptobenso piik che ng'oorsei; ak kagonamgei kuut tugul, amu ma mi waluunet ne punu Kamuktaindet.

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

KAITOSYEK 27:21

Ingotonon ineendet eng' taitap Eleazar tisiindet, si koteepchi ineendet kandoiset eng' taitap Kamuktaindet ne Toroor eng' kirwoogetap Urim. Eng' ng'olyoondennyi ko mandoi ak kaweeksei ineendet ak piigap Israel, agot tuiyet komugul.”

MATAYO 1:20

Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.

JOHANA 9:31

Kingen keele ma kasei Kamuktaindet kiptengeginik: ago ngo lasu chii age tugul Kamuktaindet, ak koyai magennyi, kogasei ineendet.

NG'ATUTIK 33:8

Ki mwa ni `Musa agobo Lawi, “Ki igoochi Tumim neng'ung' ak Urim neng'ung', kiboityong'ung' ne tiliil, Ne ki ityem eng' Massah, Ak ki oborye ak ineendet eng' peegap Meribah;

JAKOBO 4:3

Osoome, amosiche, amu ya soomeng'wong', si oyae maguutikwok.

1 SAMUEL 14:37

ki teebee `Saulo Kamuktaindet kiit ne yaei kole, “Achoortegei asup Philistiik? Tos indoi icheek eutap Israel?” Ago ma wolji ineendet eng' peetuunooto.

1 SAMUEL 28:15

Ki mwachi `Samuel Saulo koleenji, “Amu nee si iima imutwaa atogos?” Kowolji `Saulo koleenji, “Atinye nyalilda ne ng'waan amu kabwa Philistiik kebarge ak ki kometa Kamuktaindet, ama kowolwo kiy eng' maotik anan eng' karwotitaosyek. Nooto anyun kaguurin si kobiit iboorwo kiit ne ayae.”

1 SAMUEL 28:5

Kingo keer `Saulo lugeetap Philistiik, koywei ak ki rukrugen muguleldanyi miising'.