1 SAMUEL 27:1 - BUKUIT NE TILIIL Sireet ne Dutero Kanon

¹ Ki mwa Daudi eng' muguleldanyi kole, “Tatun amechini eunegap Saulo. Ma mi kiy ne myee kosiir amwechi emetap Philistiik, si kogeskei kamang'unetap Saulo, si ma kocheeng'a kogeny eng' kiwotosyek tugul che po Israel, ak achilile eunekyik.”

Bukuit Ne Tilil

¹ Ki mwa Daudi eng' muguleldanyi kole, “Tatun amechini eunegap Saulo. Ma mi kiy ne myee kosiir amwechi emetap Philistiik, si kogeskei kamang'unetap Saulo, si ma kocheeng'a kogeny eng' kiwotosyek tugul che po Israel, ak achilile eunekyik.”

BUKUIT NE TILIL

¹ Ak kimwa Daudi eng’ muguleldanyi kole, Tatun amechini eunekab Saul: mami kiy ne mie kosiir amwechi emetab Pilistik; si kogesgei kamang’unetab Saul, si ma kocheng’a kogeny eng’ kiwotosiek tugul che bo Israel: si achilile eunekyik.

1 SAMUEL 27:1 Referencias Cruzadas

1 LAITORINIK 12:26

Ki le Jeroboam eng' muguleldanyi, “Weekyingei anyun nguno laitornatet kootap Daudi.

1 LAITORINIK 12:28

Korwooch anyun laitoryat ye ibata kotany itoonwek aeng' che po moek che po thahabu; ak ki leenji icheek, “Uui kot eng' okweek obe otogoste Jerusalem. Ee Israel ogeer kanamonikwok o, che ki imutwak otogosu eng' emetap Misiri.”

1 LAITORINIK 19:3

Kingo keer ko uu nooto, kong'eet Elijah kwo komweito saboondanyi. Kingo it Beer-sheba ne po Judah, kobagaakta otwogindennyi eng' olooto.

2 ATEPTAP PEETUUSYEK 25:17

Korwooch anyun Amasia laitoryatap Judah, ak ki iyookto piik koba kap Joash weeriitap Jehoahas weeriitap Jehu laitoryatap Israel, koleenji, Nyoo ketuiye kegeerge togoch.

TIENWOGIKAL 116:11

ki amwa eng' sartaet ale: “Kiplembechonik piik tugul.”

TIENWOGIKAL 55:7

iman, ta ki awe ole loo, ak ameny surkwen.

KOMONG'U 14:12

Tos ma ki kimwaun eng' Misiri keleenjin, ‘Pagaaktech keoot Misiriik?’ Amu kita kaigai keoot Misiriik kosiir kebekyi surkwen.”

KALEWANAIK 13:12

Myani muguleldo eng' kamang'unet ne igaegei, ago ye isulda ma konato koek keetitap saboondo.

ISAIAH 51:12

Anee, aneendet ne agoigook: ii ng'oo, kot iywei chiito ne meei, ak iywei weeriitap chii ne kiyaei koek suswot;

KAITOSYEK 14:3

Amu nee si komutwech Kamuktaindet ne Toroor kebwa emoni, si kobiit kebarech eng' rotwetap chok? Ak koek osotikyok ak lagokyok luulenik. Tos ma kaigai keeweekyigei Misiri?”

MATAYO 14:31

Ak eng' yooto koito Jeso eunnyi konam ineendet ak koleenji, “Ee inyee ne tinyei kayaneet ne ming'in, kalya si isage?”

MARIKO 4:40

Ki leenji icheek, “Kalya si oiyweisye? Agoi nguno ko motinye kayaneet?”

2 KORINTOEK 7:5

Amu agot ye ki ngeitu Makedonia, koma nyoor poorwekyok kamuung'et, ago ki kinyalilech eng' komosta age tugul; kimi saang' pooryosyek, ak ki mi oriit kaiyweisyosyek.

1 SAMUEL 16:1

Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”

1 SAMUEL 16:13

Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.

1 SAMUEL 20:3

Ak ki iyasyo Daudi kogeny kole, “Ingen kwandang'ung' komyee kole ichamoo; nooto amu nee asi koleenjigei, ‘Amat konai Jonathan kiito si ma aragen.’ Ago iman ko uu ye sabei Kamuktaindet ne Toroor, ak ko uu ye sabei saboondang'ung' agine, komi kakwautyet agenge kityo eng' kwenunnyu ak meet.”

1 SAMUEL 22:5

Ago ki leenji maotyot `Gad Daudi, “Amat itebee kebeneet, ng'et ak iwe emetap Judah.” Ara ki wo anyun Daudi ak ki it timdap Heret.

1 SAMUEL 23:17

Ki leenji ineendet, “Meiywei, amu ma nyoorun eutap kwandanyu Saulo, ak iegu laitoryat eng' Israel, ak aegu ne rubin. Agot Saulo kwandanyu kongen nooto agine.”

1 SAMUEL 25:30

Ye kagoyachi Kamuktaindet ne Toroor kiptaiyandennyu ko uu myeeindo tugul ne kimwaitaenen ak kondein iegu pounindetap Israel,

1 SAMUEL 26:19

Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’

1 SAMUEL 29:2

Kingo pendi kiptainigap Philistiik, kobee pogolwogik ak eliphuusyek, kogiletu Daudi ak piikyik kobooto Akis.

1 SAMUEL 29:3

Kiteep `pounigap Philistiik kole, “Yaei nee Hebranichu?” Ak ki wolji `Akis pounigap Philistiik koleenji, “Niito ko Daudi niito otwogindetap Saulo laitoryatap Israel, ne mi kobooto eng' peetuusyechu anan eng' kenyisyechu, ak tomo anyooru leluut eng' ineendet.”