1 SAMUEL 25:1 - BUKUIT NE TILIIL Sireet ne Dutero Kanon

¹ Kime Samuel, ak ki iyumgei Israel tugul ak koba koriirchi ineendet yeityo kotupchi ineendet koonnyi eng' Ramah. Ki ng'eet Daudi ak kochoortagei kwo surkwen ne po Paran.

Bukuit Ne Tilil

¹ Kime Samuel, ak ki iyumgei Israel tugul ak koba koriirchi ineendet yeityo kotupchi ineendet koonnyi eng' Ramah. Ki ng'eet Daudi ak kochoortagei kwo surkwen ne po Paran.

BUKUIT NE TILIL

¹ Ak kime Samuel; ak kiiyumgei Israel tugul, koba korirji inendet, ak kotupchi gonnyi eng’ Rama. Ak king’eet Daudi, ak kochortagei kwo ong’atetab Paran.

1 SAMUEL 25:1 Referencias Cruzadas

TAUNET 14:6

ak Horik eng' emennywa Seir; emetap tuloonook, agoi El-paran, ne neegitee surkwen.

TAUNET 21:21

Ki meng'oot ineendet surkwen ne po Paran ak ki cheeng'ji kamet Chemisiryot kotun.

TAUNET 23:2

ak ki mechi Kiriath-arba (nooto Hebron), eng' emetap Kanaan. Ki nyo Abraham kote ak koriir agobo Sarah.

TAUNET 50:11

Ye kingo keer che menyei emonooto, Kanaanik, riirek eng' rwanyutap Atad, kole, “Eechen riirechu eng' Misiriik.” Ki kiguure anyun yooto Abel-Misiri, ne miitei Jordan pitoniin.

1 LAITORINIK 2:34

Kotogosta anyun Benaiah weeriitap Jehoiada, kwo kokwer ineendet ak kobar, ak ki kitupchi koonnyi eng' surkwen.

2 LAITORINIK 21:18

Ki ru Manasseh kobooto kwanisyekyik ak ki kitupchi mbareetap koonnyi, eng' mbareetap Uzzah. Ak ki laitoran Ammon weeriinnyi kogeer ineendet.

2 ATEPTAP PEETUUSYEK 33:20

Ki ru anyun Manasseh kobooto kwanisyekyik, ak ki kitup eng' koonnyi: ak ki laitoran weeriinnyi Ammon kogeer ineendet.

TIENWOGIKAL 120:5

Pwo we, anee amu ki aegu ononio eng' Meshek, amu amenye kwenutap emaisyegap Kedar!

ISAIAH 14:18

Ruitos laitorinik tugul che po pororyosyek eng' toroornatet, ruei age tugul eng' koonnyi.

SEKARIA 1:5

Kwanisyekwok, komi ano? Ang' maotik, tos saptos agoi?

KAITOSYEK 10:12

Ki inam anyun piigap Israel panwekwak koba eng' surkwen ne po Sinai, ak ki tonon pooldet eng' surkwen ne po Paran.

KAITOSYEK 12:16

Kingo pata nooto koba piik eng' Haserot, ak koba koteech surkwen ne po Paran.

KAITOSYEK 13:26

Ki pwa anyun agoi ole mi Musa ak Aron ak tuiyet komugul ne po piigap Israel eng' surkwen ne po Paran, yooto ko Kadesh. Ki ipchi anyun `segeichooto icheek ak tuiyet komugul ng'aleek ak koboorchi logoegap emonooto.

KAITOSYEK 13:3

Ki iyookto anyun `Musa pichooto eng' surkwen ne po Paran ko uu ng'atuutyetap Kamuktaindet ne Toroor. Icheeget tugul ko ki kandoik eng' piigap Israel.

KAITOSYEK 20:29

Ye kingo keer tuiyet komugul kole kagome Aron, koriirchi Aron koot tugul ne po Israel peetuusyek sosom.

POISYONIGAP CHE KIYOKTOI 8:2

Kotup anyun Stepano `piik che ki konyiti Kamuktaindet, ak koteiyo miising' agobo ineendet.

NG'ATUTIK 34:8

Ki riirchi piigap Israel Musa eng' warengetap Moab peetuusyek sosom. Ki igeskei anyun peetuusyegap kateiyet ak riirek agobo Musa.

1 SAMUEL 1:19

Eng' peetuut ne ki rubei, kong'eetyo anyun karon miising' kap Elkanah ak kogutung'so eng' taitap Kamuktaindet ne Toroor, yeityo koweek agoi koonnywa eng' Ramah. Ki tuiyo Elkanah ak Hannah osotyonnyi ak ki ibwaat `Kamuktaindet ne Toroor kwonyooto.

1 SAMUEL 28:3

Eng' kasarata, ko kiga kome Samuel ak kiga koriirchi Israel tugul ineendet ak kotupchi ineendet Ramah, nganasennyi. Kiga koon `Saulo che kiboisyee oik ak chepsogeinik eng' emet.

1 SAMUEL 7:17

Kiweekyingei Ramah, amu kimi koonnyi yooto ak ki irwookyi Israel eng' olooto, ak kiteekyi Kamuktaindet ne Toroor kaptisisyet eng' yooto.