1 SAMUEL 24:11 - BUKUIT NE TILIIL Sireet ne Dutero Kanon

¹¹ Kogeny, ee, keero abba keer walitap ngoryeeng'ung' ne mi eunnyu! Katil walitap ngoryeeng'ung' ak ma abariin, nai anyun ak igeer ile ma tinye yaityet anan ko pistoet eng' eunekyuk ak tomo ayaun tengek agot nganda icheeng'e saboondanyu ibar.

Bukuit Ne Tilil

¹¹ Kogeny, ee, keero abba keer walitap ngoryeeng'ung' ne mi eunnyu! Katil walitap ngoryeeng'ung' ak ma abariin, nai anyun ak igeer ile ma tinye yaityet anan ko pistoet eng' eunekyuk ak tomo ayaun tengek agot nganda icheeng'e saboondanyu ibar.

BUKUIT NE TILIL

¹¹ Kogeny, keero, baba, ee, keer walitab ngorieng’ung’ ne mi eunnyu: amu katil walitab ngorieng’ung’ ak ma abarin, nai anyun ak igeer ile matinye yaitiet anan ko bistoet eng’ eunekyuk, ak tom ayaun tengek, agot nganda icheng’e sobondanyu ibar.

1 SAMUEL 24:11 Referencias Cruzadas

2 SAMUEL 1:14

koteebee anyun `Daudi ineendet koleenji, “Kolya si meiywei ichuul eung'ung' ibar ne iilaat ne po Kamuktaindet ne Toroor?”

2 LAITORINIK 5:13

Ki pwa otwogikyik koriik ak kong'alaalji, koleenji, “Abba, nda kagaleenjin maotyot iyai kiit age ne oo, ta kama iyae? Ko kamyeeit ne tya ngo leenjin, Iunge si itiliiliitu!”

Kitabuutap JOB 10:16

Ngot ang'eet metinnyu, isapchino ko uu ng'etundo; ak iboorwogei kogeny eng' kwong'eet.

TIENWOGIKAL 119:161

Kigoonata puch pounik; ago iywei muguleldanyu ng'aleeguk.

TIENWOGIKAL 140:11

Ma kigimiti chiito ne po ng'aleek che yaach eng' emet; cheeng'ei yaityet chiito ne koroom, si koterteer ineendet.

TIENWOGIKAL 35:7

Amu ki uny mestennywa puch agobo anee eng' keriinget, ki palji puch saboondanyu keriinget.

TIENWOGIKAL 59:3

Amu, keero, ratei icheek ooreet agobo saboondanyu; kagoyumjagei che kiimeen. Ma amu pistoennyu, anan tengektonyu, ee Kamuktaindet ne Toroor,

TIENWOGIKAL 7:5

ko ingoon anyun puunyoot saboondanyu kot konam; ingotyekyi ng'wony saboondanyu, ak konde temburyek teegistanyu.

KALEWANAIK 15:1

Istoi waluunet ne tala nereegek, ago ing'eeti ng'olyoot ne ng'waan nereegek.

RIREKAB JEREMIA 4:18

Ki cheeng' kakwautikyok, kot ko ki mata kimuuchi keebe eng' ortinwekyok. Kagesunennyo ko ki riik, peetuusyekyok ko ki kiiti amu ki kagoit let nenyo.

EZEKIEL 13:18

ak ileenji, mwaei Kiptaiyat Kamuktaindet ne Toroor kole: Pwo! Kwonyiik che nabei lolotinwegap ndaresik che po kutung'oik tugul che po eunek, ak konap angook che po metit, che yamei chii age tugul si kobiit koriige saboonwegap piik! Tos oriiche saboonwegap piikyuk, ak osaru saboonwegap piik kobunjook?

MIKAH 7:2

Ki kobet chii ne iywei Kamuktaindet ne Toroor eng' emet, ama mi agot agenge ne po iman eng' piik. Saptoi tugul kotumdoi korotiik, riichei chii age tugul mesteet agobo ng'eetap kamet.

JOHANA 15:25

Ago, si kosulda ng'olyoot ne ki kisir eng' Ng'atuutikwak, keele, Ki kowecha puch.

1 SAMUEL 12:3

Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

1 SAMUEL 18:27

kong'eet `Daudi kwo kobooto piikyik kobar Philistiik piik pogol aeng'. Ki ip Daudi irirenikwak ak kogoochi laitoryat irirenichooto tugul si koek saania eng' kaplaitoryat. Ko uu nooto anyun, ko ki igoochi Saulo ineendet Mikal cheptonyi kotun.

1 SAMUEL 23:14

Ki tebee `Daudi irimoik eng' surkwen ak ki tebee emetap tuloonook eng' surkwen ne po Ziph. Ki cheeng'ei `Saulo ineendet eng' peetuut age tugul, ago ma inde `Kamuktaindet ineendet eunnyi.

1 SAMUEL 23:23

Ogeer anyun ak onai komoswek tugul ole ung'egei yeityo obwa kogeny yu ami oibu ng'aleek che po iman, si keebe tugul. Ngot komi emoni, acheeng'oti eng' eliphuusyek tugul che po Judah.”

1 SAMUEL 25:28

Asaain ale nyochi kaat cheptong'ung' ne otwogindet lelutyennyi, amu igimiti Kamuktaindet ne Toroor iman kootap kiptaiyandennyu, amu yaei kiptaiyandennyu lugosyegap Kamuktaindet ne Toroor, ama kinyoorchinin yaityet eng' peetuusyeguk tugul.

1 SAMUEL 26:18

Amu nee si kosubot `kiptaiyandennyu otwogindennyi? Koayai nee? Anan nee yaityet ne mi eunekyuk?

1 SAMUEL 26:20

Ara anyun, amat kotumjigei ng'wony korotiikyuk eng' ole looe ole mi Kamuktaindet ne Toroor amu kanyo laitoryatap Israel kocheeng' kimityat ko uu ye cheeng'ei chiito taiywet eng' tuloonook.”

1 SAMUEL 26:23

Yaakyin `Kamuktaindet ne Toroor chii age tugul imandanyi ak myeeindonyi; amu kagondein `ineendet eunnyu rani ago ma acham achuul eunnyu abar ne iilaat ne po Kamuktaindet ne Toroor.