1 SAMUEL 23:4 - BUKUIT NE TILIIL Sireet ne Dutero Kanon

⁴ koteebee anyun Daudi Kamuktaindet ne Toroor kogeny, ak ki wolji `Kamuktaindet ne Toroor ineendet koleenji, “Ng'eet, choortegei Keila, amu andoi Philistiik euneguk.”

Bukuit Ne Tilil

⁴ koteebee anyun Daudi Kamuktaindet ne Toroor kogeny, ak ki wolji `Kamuktaindet ne Toroor ineendet koleenji, “Ng'eet, choortegei Keila, amu andoi Philistiik euneguk.”

BUKUIT NE TILIL

⁴ Koteebe anyun Daudi Jehovah kogeny. Ak kiwolji Jehovah inendet kolenji, Ng’eet, chortege Keila; amu andoi Pilistik euneguk.

1 SAMUEL 23:4 Referencias Cruzadas

2 SAMUEL 2:1

Kingo pata tuguuchuuto koteebe `Daudi Kamuktaindet ne Toroor kole, “Atogoste awe age eng' nganasoogap Judah?” Ak ki wolji `Kamuktaindet ne Toroor ineendet koleenji, “Togoste.” koteebee `Daudi koleenji, “Atogoste awe ano?” Ak ki leenji, “Ui Hebron.”

2 SAMUEL 5:19

koteebe `Daudi Kamuktaindet ne Toroor koleenji, “Awe kebargei ak Philistiik? Tos indoi icheek eunnyu?” Ak ki leenji `Kamuktaindet ne Toroor Daudi, “Togoste, amu andoi iman Philistiik eung'ung'.”

2 LAITORINIK 3:18

Ago ni ko ki it ne ming'in eng' taitap Kamuktaindet ne Toroor, amu indoi kogeny Moabik eunekwok.

1 ATEPTAP PEETUUSYEK 14:10

ki teebee Daudi Kamuktaindet koleenji, “Atogoste awe kebarge ak Philistiik? Tos inde eunnyu icheek?” Ki leenji `Kamuktaindet ne Toroor ineendet, “Togoste, amu andoi icheek eung'ung'.”

JOSHUA 8:7

ong'eetyee eng' ribiseet ak onam nganaseet, amu indoi `Kamuktaindet ne Toroor Kamuktaindeng'wong' eunekwok.

KIRUOGIK 6:39

Ki leenji `Gideon Kamuktaindet, “Amat kolalyo nereegeguk agobo anee, kota amwa ni kityo. Asaain ale chamwo atyem koroorik konyil agenge kogeny. Ingosaiyo koroorik icheegei ak ingobiit rewoot eng' ng'wonyut tugul.”

KIRUOGIK 7:7

Ki leenji `Kamuktaindet ne Toroor Gideon, “Asarwok eng' pichooto pogol somok che kalap peek, ak ande Midianik euneguk. Ago ingoba piik tugul, ingowo chii tugul oldanyi.”

KIRUOGIK 7:9

Ki leenji `Kamuktaindet ne Toroor ineendet kemounooto, “Ng'eet, choortegei nganaseet; amu kaande eung'ung'.

1 SAMUEL 10:22

Koteebse `icheek Kamuktaindet ne Toroor anyun kogeny koleenji, “Ta komi chii neta konyonei yu? Kowol `Kamuktaindet ne Toroor kole, Wei kaung'egei kurubet.”

1 SAMUEL 23:2

koteebe anyun Daudi Kamuktaindet ne Toroor koleenji, “Tos myee awo abar Philistichuuto?” Ak ki leenji `Kamuktaindet ne Toroor Daudi, “Ui ak ibar Philistiik ak isaru Keila.”

1 SAMUEL 23:3

Ago ki leenji `piikyik Daudi, “Ngot kiyweisyei eng' olito po Judah, ko siirei ne tya anyun ngot keebe Keila kebarge ak lugosyegap Philistiik?”

1 SAMUEL 23:5

Ki wo `Daudi Keila kobooto piikyik kobargei ak Philistiik. Kiluul tuukwak ak kobar piik eng' pareet ne oo. Ki sar anyun `Daudi piigap Keila.

1 SAMUEL 28:6

Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.

1 SAMUEL 30:8

Kingo ip koteebe `Daudi Kamuktaindet ne Toroor koleenji, “Tos ngot asup lugoni, aname?” Kowolji Kamuktaindet ne Toroor koleenji, “Isup, amu iname iman, ak ne matiny isaru tuguuk tugul.”