1 SAMUEL 22:7 - BUKUIT NE TILIIL Sireet ne Dutero Kanon

⁷ Ki leenji `Saulo otwogichooto kitonondos, “Ogas nguno okweek Benjaminik. Tos igoochi weeriitap Jesse chii age tugul eng' okweek mbareenik ak mbareenigap sabibuk? Tos yaak okweek tugul oegu kiptainigap eliphuusyek ak kiptainigap pogolwogik,

Bukuit Ne Tilil

⁷ Ki leenji `Saulo otwogichooto kitonondos, “Ogas nguno okweek Benjaminik. Tos igoochi weeriitap Jesse chii age tugul eng' okweek mbareenik ak mbareenigap sabibuk? Tos yaak okweek tugul oegu kiptainigap eliphuusyek ak kiptainigap pogolwogik,

BUKUIT NE TILIL

⁷ Ak kilenji Saul otwogikyik che kitonondos eng’ ye negite inendet, Ogas nguno, okwek Benjaminik; tos igochi weritab Jesii chi age tugul eng’ okwek mbarenik ak mbarenikab sabibuk, tos yaok okwek tugul egu kiptainikab elfusiek ak kiptainikab bogolwogik;

1 SAMUEL 22:7 Referencias Cruzadas

2 SAMUEL 18:1

Ki iit `Daudi piik che ki mi ak ineendet ak konde kiptainigap eliphuusyek ak kiptainigap pogolwogik koboi icheek.

2 SAMUEL 20:1

Ki piit eng' yooto chii ne ya ne kainennyi ko ki Sheba weeriitap Bikri, Benjaminindet. Ki kuut iryageet ak kole, “Ma ki tinyei kebeberta eng' Daudi, ama ki tinyei poroteet eng' weeriitap Jesse. Ingwo chii tugul emaisyekyik, ee Israel.”

1 LAITORINIK 12:16

Kingo keer Israel tugul kole, mata kogasyi laitoryat icheek, kowolji piik laitoryat, koleenji, “Nee kebeberta ne ketinye eng' Daudi? Ama ki tinyei poroteet eng' weeriitap Jesse. Oba emaisyekwok, ee Israel! Riip koong'ung' anyun Daudi.” Koba Israel anyun emaisyekwak.

1 ATEPTAP PEETUUSYEK 12:16

Ki pwa che po lagogap Benjamin ak che po Judah irimeet ole kimi Daudi.

ISAIAH 11:1

Mang'une `mornet ooreetap Jesse, ak kooi logoek `mornanooto pitunee tigitikyik.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

1 SAMUEL 18:14

Ki tebi Daudi eng' ng'omnateet eng' ortinwekyik tugul ak ki mi Kamuktaindet ne Toroor kobooto ineendet.

1 SAMUEL 20:27

Eng' peetuut ne po aeng' ko kagoleel arawet, kogimi puch komostap Daudi. ki teebee `Saulo Jonathan weeriinnyi koleenji, “Amu nee si ma nyo weeriitap Jesse amisyet amut ak raini?”

1 SAMUEL 20:30

Ki nereekyi anyun `Saulo Jonathan ochei, ak komwachi ineendet koleenji, “Weeri po kwondo ne imaasat ak ko ngelelyot! Tos mangen ale ki ilewen weeriitap Jesse, ne egu kalilaneng'ung' ak koegu kalilanetap aach ngoryeet ne po kamenng'ung'?

1 SAMUEL 22:13

Ki mwachi `Saulo ineendet koleenji, “Amu nee si ochaama inyee ak weeriitap Jesse, ki igoochi ineendet magatiinik, ak rotwetap chok, ki iteebsechi ineendet eng' Kamuktaindet si kong'eetya koboryena, kosapcha, ko uu rani?”

1 SAMUEL 22:9

Eng' yooto, kowol anyun `Doeg Edomindet ne kitononi eng' ye neegitee otwogigap Saulo kole, “Ki ageer weeriitap Jesse konyonei Nob, ole mi Ahimelek weeriitap Ahitub.

1 SAMUEL 25:10

Ki wolji `Nabal otwogigap Daudi koleenji, “Daudi ko ng'oo? Ak weeriitap Jesse ko ng'oo? Chaang' otwogik peetuusyechu che mwee kiptaiyannywa.