1 SAMUEL 22:17 - BUKUIT NE TILIIL Sireet ne Dutero Kanon

¹⁷ Yeityo koleenji `laitoryat riibiik che kitonondos eng' ye neegitee ineendet, “Owelelgei ak obar tisiigap Kamuktaindet ne Toroor; amu ting'egei icheek yamdaet ak Daudi, amu ki ingen kole ki mwei ama ng'ang'wa.” Ago ma cham otwogigap laitoryat kochuul eunekwak kobar tisiigap Kamuktaindet ne Toroor.

Bukuit Ne Tilil

¹⁷ Yeityo koleenji `laitoryat riibiik che kitonondos eng' ye neegitee ineendet, “Owelelgei ak obar tisiigap Kamuktaindet ne Toroor; amu ting'egei icheek yamdaet ak Daudi, amu ki ingen kole ki mwei ama ng'ang'wa.” Ago ma cham otwogigap laitoryat kochuul eunekwak kobar tisiigap Kamuktaindet ne Toroor.

BUKUIT NE TILIL

¹⁷ Ak kilenji laitoriat ribik che kitonondos eng’ ye negite inendet, Owelelge ak obar tisiikab Jehovah; amu ting’egei agichek yamdaet ak Daudi, amu kiingen kole kimwei, ama ng’ang’wa. Ago ma cham otwogikab laitoriat koiito eunekwak kobar tisiikab Jehovah.

1 SAMUEL 22:17 Referencias Cruzadas

2 SAMUEL 15:1

Kingo pata ni, kochopchigei Absalom chepkichutit kobooto paraisisyek, ak murenik konom che rwae kondoe ineendet.

1 LAITORINIK 1:5

Ki ietkei Adonijah weeriitap Haggith kole, “Aegu laitoryat!” Ko uu nooto ko ki chopchigei kariisyek ak paraisisyek che laanyei, ak piik konom che rwaei kondoe ineendet.

1 LAITORINIK 14:27

Ki yai Rehoboam long'onik che po sugunonik kogeere chooto, ak kogoochi kiptainigap riibiik che ki riibei kurgeetap kootap laitoryat.

1 LAITORINIK 18:4

Ye kiga par Jesebel maotigap Kamuktaindet ne Toroor, komut Obadiah maotik pogol, ak kouny kobeate konom eng' kebeneet, ak kobae icheek magatiinik ak peek.)

2 LAITORINIK 10:25

Kingo kes eng' yooto kagoitoetap kagoochinet ne kibeelei, koleenji Jehu riibiik ak kiptainigap lugeet, “Oba ko ak obar icheek tugul. Among' kochilil agot agenge!” Ki par icheek eng' rotwetap chok; ak ki wiir riibiik ak kiptainigap lugeet muuswek komong' saang'. Ki pa nganaseetap kootap Baal.

KOMONG'U 1:17

Ki iywei chebyosochooto po sigisyo Kamuktaindet, ak ma yai ko uu ye ki kang'at `laitoryat, ak kimeto weeriik kosapcho.

POISYONIGAP CHE KIYOKTOI 4:19

Ago ki wolji `Petero ak `Johana icheek koleenji, “Orwooch okweek ngot ngo myee eng' taitap Kamuktaindet kegasak iit kosiir Kamuktaindet.

1 SAMUEL 14:45

Ago ki leenji `piik Saulo, “Tos meei Jonathan, ne koyai yetunoni oo eng' Israel? Achicha, ma uu nooto. Ko uu ye sabei Kamuktaindet ne Toroor, koma ibutyin ng'wony agot agenge eng' suumeegap metinnyi, amu kabois ak Kamuktaindet rani.” Ki sar piik anyun Jonathan si ma me.

1 SAMUEL 2:31

Keero pwoonei peetuusyek che atile eung'ung' ak eutap kootap kwandang'ung' kot koma piit poiyo eng' koong'ung'.

1 SAMUEL 20:33

Kitoor `Saulo ineendet eng' ng'otit koleen kobar. Konae nooto anyun Jonathan kole kogotil kwandanyi kobar Daudi.

1 SAMUEL 22:13

Ki mwachi `Saulo ineendet koleenji, “Amu nee si ochaama inyee ak weeriitap Jesse, ki igoochi ineendet magatiinik, ak rotwetap chok, ki iteebsechi ineendet eng' Kamuktaindet si kong'eetya koboryena, kosapcha, ko uu rani?”

1 SAMUEL 22:16

Ago ki le laitoryat, “Imee iman inyee Ahimelek ak piik tugul che po kootap kwandang'ung'.”

1 SAMUEL 25:17

Nai anyun ak ibwaat kiit ne iyae, amu kigetilji yaityet kiptaiyandennyo ak koonnyi tugul. Amu ineendet ko chii ne ya, ne uui met ak ma imuuchi chii kotwekyi.”

1 SAMUEL 8:11

Ki le, “Uu ni laitoryat ne tuun laitoranenok: namei weeriikwok ak kolewenjigei kotononji kariisyekyik koek che laanyei paraisisyekyik ak korwai kondoe kariisyekyik;