1 SAMUEL 20:8 - BUKUIT NE TILIIL Sireet ne Dutero Kanon

⁸ Eng' nooto anyun iyachi ne myee otwogindeng'ung'; amu ki iyachi otwogindeng'ung' arorutyet ne po Kamuktaindet ne Toroor kobooten: ago ngot atinye tengekto, ibara inyeendet, amu kalya si imutyo kwandang'ung'?”

Bukuit Ne Tilil

⁸ Eng' nooto anyun iyachi ne myee otwogindeng'ung'; amu ki iyachi otwogindeng'ung' arorutyet ne po Kamuktaindet ne Toroor kobooten: ago ngot atinye tengekto, ibara inyeendet, amu kalya si imutyo kwandang'ung'?”

BUKUIT NE TILIL

⁸ Eng’ noto anyun iyachi ne mie otwogindeng’ung’; amu kiiyachi otwogindeng’ung’ arorutiet ne bo Jehovah koboten: ago ngot atinye tengekto, ibara inyendet; amu kalya si imutya kwandang’ung’?

1 SAMUEL 20:8 Referencias Cruzadas

TAUNET 24:49

Ak nguno anyun ngo cham oyachi kiptaiyandennyu ne myee ak ne po iman, omwaiwo; ak ngo ma uu nooto, omwaiwo si kobiit aweekyigei eutap tai, anan ko ne po kaataam.”

TAUNET 47:29

Ye kingo riik anyun peetuusyek che po kalilotetap Israel, koguur anyun weeriinnyi Joseph ak koleenji, “Ngo kaanyooru chameet eng' taing'ung', inde anyun eung'ung' kubestanyu, iyaiywo ne myee, ak ne po iman. Kaigai ametupcha Misiri,

2 SAMUEL 14:32

Ak ki wolji `Absalom Joab koleenji, “Koaguurin ale, nyoo yu si kobiit ayookten iwe kaplaitoryat, ileenji, Amu nee si anyo eng' Gesur? Kita myee atebee olooto agoi. Chamwo anyun nguno ageer togeetap laitoryat. Nguno anyun, ngot atinye tengekto, kobara.”

1 ATEPTAP PEETUUSYEK 12:17

Ki manda Daudi kotorookta icheek ak komwachi icheek koleenji, “Ngot obwonjino eng' kaalyeet otoreta, konamegei muguleldanyu ak okweek. Ago ngot ko kobwane ong'wekyino puunikyuk, ago ma mi yaityet eunekyuk, ko ingogeer Kiptaiyat Kamuktaindetap kwanisyekyok kioto ak koger kong'.”

TIENWOGIKAL 116:11

ki amwa eng' sartaet ale: “Kiplembechonik piik tugul.”

KALEWANAIK 3:3

Amecham koistoenengei rireenet ak iman. Ratyi kaating'ung', sirchi muguleldang'ung'.

POISYONIGAP CHE KIYOKTOI 25:11

Ngo aa kiptengekyo, ak ngot ko koayai kiy ne nyoljin meet, koma eesyoi ame: ago ngot koma po iman tuguuchooto, che itaamjino pichu, koma mi chii ne imuuchi kondea eunekwak. Ariirchini Caesarea.”

JOSHUA 2:14

Koleenji `pichooto ineendet, “Igeeri saboonwekwok saboonwekyok! Ngot ko mong'ande poisyoninyo, ko ye tuun koonech Kamuktaindet ne Toroor emet, keyaun ne myee ak ne po iman.”

JOSHUA 22:22

“Ingen Kamuktaindet ne Toroor, Kamuktaindet ne pou kamuktaik, ak ta konaei Israel agine, ngot ko eng' ngelelnateet anan ngot ko eng' kachililutyet ne kagichililji Kamuktaindet ne Toroor, (ko mat isarwech rani,)

RUTH 1:8

Ki leenji `Naomi osotichooto aeng' po weeriikyik, “Ingoweektagei age tugul kwo kootap kamennyi ak ingoyaiywok Kamuktaindet ne Toroor ne myee ko uu ye ki oyachi che ki kobek ak ko uu ye ki oyaiywo.

1 SAMUEL 18:1

Ye kingo kagogees Daudi kong'alaaljindos ak Saulo, konamgei saboondap Jonathan ak saboondap Daudi. Ki cham `Jonathan ineendet ko uu saboondanyi.

1 SAMUEL 18:3

Ki iyomiskei anyun Jonathan ak Daudi, amu ki cham Jonathan ineendet ko uu saboondanyi.

1 SAMUEL 20:16

Ki yai anyun `Jonathan arorutyet kobooto kootap Daudi kole, Tuun mage Kamuktaindet ne Toroor kioto eunegap puunigap Daudi.”

1 SAMUEL 20:9

Ki le Jonathan, “Ingolooit eng' inyee, amu nda angen ale kagotil Abba kole koyaun kiit ne ya, ko tos ma mwaun?”

1 SAMUEL 23:18

Ki iyomiskei tuwai eng' taitap Kamuktaindet ne Toroor. Ki tebee Daudi timiin ak ko ki wo Jonathan koonnyi.