1 SAMUEL 2:3 - BUKUIT NE TILIIL Sireet ne Dutero Kanon

³ Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.

Bukuit Ne Tilil

³ Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.

BUKUIT NE TILIL

³ Amotes ong’alal eng’ menotet; Among’ komong’une kutuswekwok losetab ge; Amu Jehovah ko Kamuktaindetab naet, Ak inendet ne keerei ole teptoi boisionik.

1 SAMUEL 2:3 Referencias Cruzadas

1 LAITORINIK 8:39

igas anyun eng' kipsengwet oldang'ung' ole imenye, ak inyochi kaat, iyai ak iyaakyi chii age tugul ko uu ortinwekyik tugul, ne ineegei muguleldanyi (amu inyee inyegei ne ingen mugulelwegap weeriigap piik);

Kitabuutap JOB 31:6

Ko ngegera anyun eng' karagendoet ne po iman, si kobiit konai Kamuktaindet imandanyu.

TIENWOGIKAL 147:5

Oo Kiptaiyandennyo, ak tinyei kimnateet ne oo kosiir; ma kimuuchi ketet ng'omnatennyi.

TIENWOGIKAL 17:10

Kager icheeget mugulelwekwak agobo riirge; ng'alaale menoteet kutusweekwak.

TIENWOGIKAL 31:18

Ingonamak kuut kiplembechonik; che itaami che po imanda eng' menoteet, eng' kachaunetapkei ak sasisyet.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

TIENWOGIKAL 75:5

Amotoroor miising' kuineng'wong'; Among'alaal eng' menoteet.

TIENWOGIKAL 94:4

Ng'alaalati icheek ng'aleek che chaang', ng'alaale menoteet: Ilasugei yaik tugul che po tengekto.

KALEWANAIK 16:2

Tiliileen ortinwek tugul che po chii ye keerei, ago keerei `Kamuktaindet ne Toroor mugulelwek eng' karagendoet.

KALEWANAIK 24:12

Ngot imwa ile, “Keero, ma ki nai niito!” Tos ma ibwaati niito ineendet ne keerei mugulelwek eng' karagendoet? Tos ma naei ng'olyoondoniito ineendet ne riibei saboondang'ung'? Ak tos ma igeerchin chii age tugul ko uu poisyennyi?

KALEWANAIK 8:13

Kaiyweisyet ne kiywei Kamuktaindet ne Toroor ko kewech yaityo. Aweche menoteet, kaeetetapkei ak ooreet ne ya, ak kutit ne imaasat.

ISAIAH 26:7

Litit ooreetap ineendet ne po iman; inyee ne ii litit, indochini ortinwegap chiito ne po iman.

ISAIAH 37:23

Ak ng'oo ne ki ichot ak ichup? Ak ng'oo ne ki ibolji ak injurur? Nooto ko Ineendet ne Tiliil ne po Israel.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

EZEKIEL 35:13

Ak ki ochounenage eng' kutusweekwok, ak ki otes ng'aleekwok agobo anee: ki agas ng'olyoondonooto.

MALAKI 3:13

Kigouegitu ng'aleekwok che ki omwaitaena, mwaei Kamuktaindet ne Toroor. Ago oteebe ole nee ne ki kemwaitaenen?

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

JOSHUA 22:22

“Ingen Kamuktaindet ne Toroor, Kamuktaindet ne pou kamuktaik, ak ta konaei Israel agine, ngot ko eng' ngelelnateet anan ngot ko eng' kachililutyet ne kagichililji Kamuktaindet ne Toroor, (ko mat isarwech rani,)

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

KIRUOGIK 9:38

Koleenji anyun `Sebul ineendet, “Mi ano kuting'ung' nguno, ne koimwa ile, ‘Ng'oo Abimelek kot keoot ineendet?’ Tos chu koma piik che koisase? Mande anyun nguno ak obargei ak icheek.”

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”