1 SAMUEL 16:13 - BUKUIT NE TILIIL Sireet ne Dutero Kanon

¹³ Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.

Bukuit Ne Tilil

¹³ Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.

BUKUIT NE TILIL

¹³ Konem anyun Samuel lalet ne mi mwaita, ak koiil inendet eng’ kwenutab tupchosiekyik: ak kinyonji Tamirmirietab Jehovah Daudi eng’ kimnatet koboch betunoto agoi. Kong’eet anyun Samuel, ak kwo Rama.

1 SAMUEL 16:13 Referencias Cruzadas

2 SAMUEL 12:7

Koleenji `Nathan Daudi, “Ii chiichooto. Kamwa Kamuktaindet ne Toroor, Kamuktaindetap Israel kole, Ki aiiliin iegu laitoryat ibou Israel, ak ki asaruun eng' eutap Saulo.

2 SAMUEL 2:4

Ki pwa piigap Judah kobwa koiil Daudi eng' olooto koek laitoryatap kootap Judah. Ki ngemwachi Daudi keleenji ki piigap Jabes-gilead che ki tubei Saulo,

2 SAMUEL 23:1

Chu anyun ko ng'aleek che po let che po Daudi. Ng'alaalutigap Daudi weeriitap Jesse, Chuuto ng'aleegap chiito ne ki itoroor Kamuktaindet, ne iilaat ne po Kamuktaindetap Jakobo, ne chamat ne po tyenwogigap Israel.

2 SAMUEL 5:3

Ki pwa anyun poisyek tugul che po Israel ole mi laitoryat eng' Hebron; ak ki yai `Laitoryat Daudi arorutyet kobooto icheek eng' Hebron eng' taitap Kamuktaindet ne Toroor, ak ki iil `icheek Daudi koek laitoryat koboi Israel.

2 LAITORINIK 9:6

Ki ng'eet anyun kwo ko, ak kiroong'ji mwaita metinnyi, ak koleenji ineendet, “Kamwa ko uu ni Kamuktaindet ne Toroor, Kamuktaindetap Israel, kole: ‘Kaaiilin iegu laitoryat eng' piigap Kamuktaindet ne Toroor, chooto ko Israel.

1 ATEPTAP PEETUUSYEK 11:3

Ki pwa anyun poisyek tugul che po Israel ole mi laitoryat eng' Hebron, ak ki iyomiskei Daudi ak icheek eng' Hebron eng' taitap Kamuktaindet ne Toroor, ak ki iil Daudi koek laitoryat eng' Israel, ko uu ng'olyootap Kamuktaindet ne Toroor ne ki mwa eng' Samuel.

TIENWOGIKAL 89:20

Ki anyooru Daudi kiboityondennyu; Ki aiile ineendet mwaitanyu ne tiliil:

TIENWOGIKAL 89:21

Ne tuun kimitu eunnyu eng' ineendet; Igimiiti agine eunnyu ineendet.

KAITOSYEK 11:17

Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

KAITOSYEK 27:18

Ki leenji `Kamuktaindet ne Toroor Musa, “Imutu Joshua, weeriitap Nun, chiito ne tinyei Kabuuset ne Tiliil, ak igonoor eung'ung' ineendet,

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 13:22

Kingo kagoisto ineendet, kong'eetyi Daudi koek laitoryannywa; ne kibaoryanji agine kole, ‘Kaanyooru Daudi weeriitap Jesse, chiito ne iboiboi muguleldanyu, ne tuun yaei maguutikyuk tugul.’

HEBRANIK 1:9

Ichame imanda ak iweche tengekto; eng' nooto anyun, ki koiilin Kamuktaindet, ineendet Kamuktaindeng'ung' eng' mwaitap poiboiyet kosiir siritoiguk.”

HEBRANIK 11:32

Ara nee anyun age neta amwae? Amu mayama poroindo ngot amwa agobo Gideon, Barak, Samson, Jephtha; ak agobo Daudi ak Samuel ak maotik:

KIRUOGIK 11:29

Ki nyoonji anyun `Kabuuusetap Kamuktaindet ne Toroor Jephta, ak kilandae Gilead ak Manasseh, kilandae Mispa ne po Gilead, ak kong'etee Mispa ne po Gilead kwo kolanda kot koit ole mi lagogap Ammon.

KIRUOGIK 13:25

Ki toi Kabuusetap Kamuktaindet ne Toroor kobois eng' ineendet eng' Maane-dan, kwenutap Sora ak Estaol.

KIRUOGIK 14:6

Ki nyoonji ineendet `Kabuusetap Kamuktaindet ne Toroor eng' kimnateet, ak ki kereer ng'etunyooto ko uu ye imuuchi kogereer aarwetap ng'oroor koma tinyei kiy eng' euut. Ago ma mwachi kwanda anan ko kamet kiit ne kayai.

KIRUOGIK 3:10

Ki nyoonji ineendet Kabuuusetap Kamuktaindet ne Toroor, ak ki irwookyi Israel ak ki wo lugeet. Ki inde Kamuktaindet ne Toroor eunnyi Kusan-risataim laitoryatap Mesopotamia ak ki iterteer Othniel ineendet.

1 SAMUEL 1:19

Eng' peetuut ne ki rubei, kong'eetyo anyun karon miising' kap Elkanah ak kogutung'so eng' taitap Kamuktaindet ne Toroor, yeityo koweek agoi koonnywa eng' Ramah. Ki tuiyo Elkanah ak Hannah osotyonnyi ak ki ibwaat `Kamuktaindet ne Toroor kwonyooto.

1 SAMUEL 10:1

Ki inem anyun Samuel chuboitap mwaita ak koroong'ji metinnyi, yeityo kong'utut ineendet ak koleenji, “Tos ma kagoiilin Kamuktaindet ne Toroor iegu pounindet ne po piikyik?

1 SAMUEL 10:6

Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.

1 SAMUEL 11:6

Ye kingo kas ng'aleechooto, konyonji ineendet Kabuusetap Kamuktaindet eng' kimnateet, ak ki nereekyi ineendet kot.

1 SAMUEL 16:18

Ki wolji anyun age eng' murenjoto chiget koleenji, “Ki ageer weeriit age ne po Jesse Bethlehemindet, ne putiin, chii ne kiim ne tinyei nyiganateet ak ko chiitap lugeet, ng'oom eng' ng'alaalet, inender ko chii ne karaaran ak komi Kamuktaindet ne Toroor kobooto ineendet.”

1 SAMUEL 18:12

Ki iywei `Saulo Daudi, amu ki mi Kamuktaindet ne Toroor kobooto ineendet, ak kiga kobagaakta Saulo.

1 SAMUEL 2:35

Ak ang'eetyigei tisiindet ne kiyani ne tuun yaei kiit ne mi muguleldanyu ak eng' kabwaatutikyuk ak ateekyi ineendet koot ne kiim, ak kowendote taitap nenyu ne iilaat koigeny.