1 SAMUEL 15:22 - BUKUIT NE TILIIL Sireet ne Dutero Kanon

²² Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.

Bukuit Ne Tilil

²² Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.

BUKUIT NE TILIL

²² Ak kimwa Samuel kole, Tos, ting’e Jehovah boiboiyet ne o kagochinoik che kibeelei ak tiseiywek, ko u ye ting’e kasetab it ne bo ng’olyotab Jehovah? Keero, siirei kasetab it tiseiywek, ak siirei kasetab it mwanikab mengichik.

1 SAMUEL 15:22 Referencias Cruzadas

TAUNET 4:4

Ki kwerichi Abel agine iyoteetap tai che akwaen che po akweennyi. Ak ki cham `Kamuktaindet ne Toroor Abel ak kagachinennyi,

KOMONG'U 19:5

Eng' nooto anyun, ngot ogas iit kutinnyu iman ak oriip kayomisennyu, oegu anyun iman eng' anee chamanikyuk che itabaanatiin eng' piik tugul, amu nenyu ng'wony komugul.

KALEWANAIK 21:3

Keyaei iman ak kirwooget, ko taachaksei eng' taitap Kamuktaindet ne Toroor kosiir korosyot.

AMDOINDET 5:1

Riip keeldong'ung' ye iwendi kootap Kamuktaindet; amu kaigai keriikyi si kegas, kosiir koroseek che igoitoi piik che perber; amu ma naei icheek kole yaei yaityet.

JEREMIA 11:4

ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.

JEREMIA 11:7

Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu.

JEREMIA 26:13

Nooto anyun, olitit ortinwekwok ak poisyonikwok, ak ogas iit kutitap Kamuktaindet ne Toroor Kamuktaindeng'wong'; si kowal Kamuktaindet ne Toroor kabwaatutikyik eng' yaityet ne kogomwa agobo okweek.

HOSEA 6:6

Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

HOSEA 8:13

Ye enyei icheek tiseiywegap kagoochinoikyuk, kogoitoi panyeek ak koamei; ago mataachei Kamuktaindet ne Toroor chooto: ibwaati anyun ineendet tengektonywa, ak koiityi pireet amu tengekwogikwak; weekyingei Misiri.

MATAYO 12:7

Ago nda ki ongen kaguiyetap ‘amache rireenetapkei ma tiseiywek,’ ta ki ma ogikyini che ma tinyei tengek,

MATAYO 23:23

Pwo eng' okweek, siriik ak Pharisaik, chombilik! Amu ogoitoi kebebertap taman ne po heduosmon, pisalik ak kamon, ak ki obagaach chooto po kamanuut che po ng'atuutik: kirwooget ak rireenetapkei ak kayaneet. Chuuto che kanyool oyai amobagaach chuun alak.

MATAYO 5:24

ibagaakte kagoochineng'ung' eng' taitap kaptisiisyo ak iwe anyun ochamyegei korook ak ne otupche, yeityo inyoo igoite kagoochineng'ung'.

MATAYO 9:13

Ago oba okweek, si oneetkei ole teptoi ng'olyoondoni, ‘Amache rireenetapkei, ma mache tiseiywo.’ Ki ma anyo aguur che po imanda, ago kiptengeginik.”

MARIKO 12:33

ak ngo cham ineendet eng' muguleldo komugul, ak eng' kaguiyet komugul, ak eng' kimnateet komugul, ak ngo cham chiitap kokwet ko uu ole chamdogei, kosiirei nooto kagoochinoik tugul che kibeelei ak tiseiywek.

1 SAMUEL 13:12

Abwaat anyun ale chorugei Philistiik nguno kobwanei ole ami eng' Gilgal kotom asoom chametap Kamuktaindet ne Toroor, andegei anyun agoito kagoochinet ne kibeelei.”

1 SAMUEL 13:13

Koleenji `Samuel Saulo, “Keyai eng' perberyo ama iriip ng'atuutyetap Kamuktaindet ne Toroor Kamuktaindeng'ung' ne king'atin, amu kata igimiti Kamuktaindet ne Toroor laitornateng'ung' eng' Israel koigeny.