1 SAMUEL 15:11 - BUKUIT NE TILIIL Sireet ne Dutero Kanon

¹¹ “Ki ma ta myee aeet Saulo koek laitoryat. Amu kagoweektagei let mata kosuba, ama yai ng'atuutikyuk.” Ki nereech anyun Samuel ak koriirchi Kamuktaindet ne Toroor kemout komugul.

Bukuit Ne Tilil

¹¹ “Ki ma ta myee aeet Saulo koek laitoryat. Amu kagoweektagei let mata kosuba, ama yai ng'atuutikyuk.” Ki nereech anyun Samuel ak koriirchi Kamuktaindet ne Toroor kemout komugul.

BUKUIT NE TILIL

¹¹ Kima ko ta mie aeet Saul koek laitoriat: amu kagoweektagei let ma kosuba, ama yai ng’atutikyuk. Ak kinerech anyun Samuel; ak kirirji Jehovah kemout komugul.

1 SAMUEL 15:11 Referencias Cruzadas

TAUNET 6:6

Ki riir let Kamuktaindet ne Toroor agobo chii ne ki yai eng' ng'wony, ak ki kas ng'wanindo eng' muguleldanyi.

TAUNET 6:7

Ak ki mwa Kamuktaindet ne Toroor kole, “Abare awong'u piik che ki ayai eng' ng'wony komugul; kong'etee chii, kiyagiik, che ichuutegei ng'wony agoi toriit alak tugul che po parak; ki mata myee ayai icheek.”

2 SAMUEL 24:16

Ye kingo tokyi malaikaiyat eunnyi Jerusalem kole kobar, kowal Kamuktaindet ne Toroor kabwaatutikyik agobo yaityonooto ak koleenji malaikaiyandonooto kibarei piik, “Kagoyam, ingosiis eung'ung'.” Ki mi malaikaiyatap Kamuktaindet ne Toroor ole neegitee rwanyut ne kiboorsee ne po Arauna Jebusindet.

1 LAITORINIK 11:9

Ki nereekyi `Kamuktaindet ne Toroor Solomon, amu ki kimaas muguleldanyi kobagaakta Kamuktaindet ne Toroor, Kamuktaindetap Israel, ne kiga komong'ji ineendet konyil aeng',

1 ATEPTAP PEETUUSYEK 10:13

Ki me anyun Saulo amu chalwoktanyi ne ki ingelelji Kamuktaindet ne Toroor, ak amu ng'olyootap Kamuktaindet ne Toroor ne ma riip; ak amu kiteep ng'omnateet kogeny eng' ineendet ne kiboisyee oik, koteepse,

1 ATEPTAP PEETUUSYEK 21:15

Ak ki iyookto Kamuktaindet malaikaiyat kwo kobar Jerusalem. Ago ye ki neegit kobar, kogeer Kamuktaindet ne Toroor ak kowal kabwaatennyi agobo yaityonooto, ak koleenji malaikaiyat ne ki parisyei, “Kagoyam! Pagakte!” Ak kitonone malaikaiyatap Kamuktaindet ne Toroor ole neegit rwanyut ne kiboorsee ne po Ornan Jebusindet.

Kitabuutap JOB 34:27

amu kimasta, ma isup ineendet, ama ibwaat age tugul eng' ortinwekyik.

TIENWOGIKAL 109:4

Ki achame ago ki ek puunikyuk, nga uu no asaae agobo icheek.

TIENWOGIKAL 110:4

Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

TIENWOGIKAL 119:136

Isururunee peek che chaang' konyekyuk, amu ma isubi icheek ng'atuutyeng'ung'.

TIENWOGIKAL 125:5

Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!

TIENWOGIKAL 36:3

Ng'aleegap kutinnyi ko tengekto ak ng'aalseet; ma komage kiy kong'omit anan koyai ne myee.

TIENWOGIKAL 78:41

Ak ki week kogeny kotyem Kamuktaindet, Ak kitach Ineendet ne Tiliil ne po Israel.

TIENWOGIKAL 78:57

Ak kiweektagei let, koosup ng'aalseet ko uu kwanisyekwak: Ki kiweekta koba taban ko uu kwanget ne ma litit.

KOMONG'U 32:11

Ki igaigai `Musa Kamuktaindet ne Toroor Kamuktaindennyi, koleenji, “Ee, Kamuktaindet ne Toroor, amu nee si kolalyo nereegeguk agobo piiguk che ki imutu komang'une emetap Misiri eng' kimnateet ne oo ak eng' euut ne kiim?

KOMONG'U 32:14

Ki wol anyun `Kamuktaindet ne Toroor kabwaatutikyik agobo yaityonooto ki kamwa kole yachin piikyik.

JEREMIA 11:10

Ki koweekyigei tengekwogigap kwanisyekwak, che ki eesyo kogas ng'aleekyuk, ak ki isup kanamonik koot. Ki kobut kayomisennyu kootap Israel ak kootap Judah ne ki kayai kobooto kwanisyekwak.

JEREMIA 13:17

Ago ngot ko mogas ng'olyoondoniito, koriirei saboondanyu eng' ung'oot agobo menateng'wong', ak ariir miising', kot koba peegap kong', amu kageluul keechiiregap Kamuktaindet ne Toroor.

JEREMIA 34:16

ago ki owalage ong'wanit kainennyu, ak koweech chii age tugul otwogindennyi, ak otwogindennyi ne tye, che koga otyach koba eng' poiboiyennywa, ak koomutu icheek kogas iit, koek otwogik ak otwogik che tiibiik, eng' okweek.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

JEREMIA 9:18

Ingochok ak kooteeiyo agobo acheek, si kobiit koba peekyok po kong' ak korong'kei peek eng' konyekyok.

EZEKIEL 18:24

Ago ye week ne po iman kometo imandanyi, ak koyai tengekto, ak koyai ko uu tuguuk tugul che kiwechei che yaei chiito ne ya, ko tos sap? Ma kibwaati agot agenge eng' poisyonikyik che po iman che ki koyai: meei amu kachililutyennyi ne ki koyai, ak amu tengektanyi ne ki koyai.

AMOS 7:3

Ki wal Kamuktaindet ne Toroor kabwaatutikyik agobo niito; kole “Ma piitu ko uu nooto,” mwaei Kamuktaindet ne Toroor.

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

SEPANIA 1:6

ak icheek che ki week kometo Kamuktaindet ne Toroor; kobooto icheek che ma cheeng' Kamuktaindet ne Toroor, anan koteepse ineendet.

MATAYO 24:13

Ago ineendet ne muitoi agoi kagesunet, kesaru.

MATAYO 5:44

Ago amwaiwok ale, Ocham puunikwok ak osachi icheek che usook,

LUKA 6:12

Ki wo Jeso anyun eng' peetuusyechooto, tulweet kosa; ak ki sa Kamuktaindet kemout komugul.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

JOSHUA 22:16

“Kamwa ko uu ni tuiyet komugul ne po Kamuktaindet ne Toroor kole, ‘Nee chalwogi kooyachi Kiptaiyat Kamuktaindetap Israel, kot omaste rani eng' kasubet ne osubi Kamuktaindet ne Toroor amu kooteekyigei kaptisisyet ak ongelelji Kamuktaindet ne Toroor rani?’

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.

1 SAMUEL 13:13

Koleenji `Samuel Saulo, “Keyai eng' perberyo ama iriip ng'atuutyetap Kamuktaindet ne Toroor Kamuktaindeng'ung' ne king'atin, amu kata igimiti Kamuktaindet ne Toroor laitornateng'ung' eng' Israel koigeny.

1 SAMUEL 15:10

Ki ityi anyun ng'olyootap Kamuktaindet ne Toroor `Samuel koleenji,

1 SAMUEL 15:3

Ui anyun nguno ibookyi Amelek ak ing'em igeesu tuguuk tugul che tinyei. Amat ibagaakte chii, ago par muren ak kwony, lakwa ak ne reryei, teta ak keechiiryet, tambeesyet ak sigiryet!”

1 SAMUEL 15:35

Ak ki mata konyo kogeny Samuel kogeer Saulo agoi peetuutap meennyi. Nga no ko ki riirchi `Samuel Saulo; amu ki riir let Kamuktaindet ne Toroor kole kiga koyai Saulo koek laitoryat koboi Israel.

1 SAMUEL 15:9

Ago ki pagaach Agag `Saulo ak `piik ak keechiirek che korooron eng' tugul, kobooto tuuga che akwaen ak aaregap keechiir kobooto tuguuk tugul che ki myachen, ama cham kobar kogees. Ago king'em kiit age tugul ne kisasei ak ne ma kiy kogees.

1 SAMUEL 16:1

Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”

1 SAMUEL 8:6

Ki ma paibait Samuel kingo mwa icheek kole, “Koonech laitoryat ne irwokwech.” Ki sa `Samuel Kamuktaindet ne Toroor,