1 SAMUEL 14:6 - BUKUIT NE TILIIL Sireet ne Dutero Kanon

⁶ Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

Bukuit Ne Tilil

⁶ Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

BUKUIT NE TILIL

⁶ Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.

1 SAMUEL 14:6 Referencias Cruzadas

2 SAMUEL 1:20

Mat omwaite eng' Gath, mat obarte eng' ortinwegap Askelon; si ma poiboitu tiibiigap Philistiik, si ma iloskei tiibiigap che ma kimuratan.

2 SAMUEL 16:12

Abeere keerei Kamuktaindet ne Toroor yaityet ne kagiyaiywo, ak igeerwo Kamuktaindet ne Toroor ne myee agobo chubisyoni kagichubo rani.”

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

2 ATEPTAP PEETUUSYEK 14:10

Ki wo anyun Asa kotorookta ineendet ak kitet lugeet eng' atebweetap Sepata ne mi Maresha.

2 ATEPTAP PEETUUSYEK 14:11

Ki riirchi `Asa Kamuktaindet ne Toroor Kamuktaindennyi, kole, “Kamuktaindet ne Toroor, ma mi age kobatenen ne imuuchi kotoretis eng' kwenutap ne kiim ak ne ma tinyei kimnateet: toretech, ee Kamuktaindet ne Toroor, Kamuktaindennyo; amu kimang'un, ak kagibwa kebarge ak tuiyoni eng' kaineng'ung'. Ee Kamuktaindet ne Toroor, ii Kamuktaindennyo; amat koterteerin chii.”

TIENWOGIKAL 135:6

Ki koyai Kamuktaindet ne Toroor kiit age tugul ne chamei, eng' kipsengwet ak eng' ng'wony, eng' nyanjosyek ak rirosyek tugul.

JEREMIA 9:23

Mwaei Kamuktaindet ne Toroor kole, amat koloskei chiito ne utaat eng' ng'omnatennyi, anan koloskei chiito ne kiim amu kimnateennyi, amat koloskei mogoryot eng' mogornatosyekyik.

JEREMIA 9:25

Mwaei Kamuktaindet ne Toroor kole, “Pwoonei peetuusyek, che tuun abire tugul che ki kimuratan eng' kamuratanennywa ne ma kamuratanet, chooto abire ko:

JEREMIA 9:26

Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

AMOS 5:15

Owech yaityet ak ocham che myach, ak ogimiit kirwooget eng' ormariichet; abeere imuuchi koriiree Kamuktaindet ne Toroor, Kamuktaindet ne po lugoosyek, che ki ng'et che po Joseph.

SEPANIA 2:3

Ocheeng' Kamuktaindet ne Toroor, okweek tugul che oo talaen, che oo po ng'wony, okweek che oyae kirwoogutikyik; ocheeng' imanda, ocheeng' talasyet: imuuch tuun kiunyok eng' peetuutap nereegegap Kamuktaindet ne Toroor.

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

KAITOSYEK 10:32

Ngot keebe tugul, ko kiy age tugul ne myee ne yaiywech Kamuktaindet ne Toroor, keyaun chooto agacheek.”

KAITOSYEK 31:4

Oyookte eliphuut eng' ooreet age tugul, eng' ortinwek tugul che po Israel koba lugeet.”

MATAYO 19:26

Ago ki keer Jeso icheek ak koleenji, “Ma imugaksei ni eng' piik, ago imugaksei tuguuk tugul eng' Kamuktaindet.”

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

NG'ATUTIK 32:30

Kotos imuktoi ano koon `chii agenge eliphuut, ak koon `piik aeng'u eliphuusyek taman, nda ki ma alda `Ruandennywa icheek, ak kogoito `Kamuktaindet ne Toroor icheek?

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

JOSHUA 14:12

Ara anyun, konoo tulwooni ki kamwa Kamuktaindet ne Toroor eng' peetuunooto. Ki igas eng' peetuunooto ile ki mi Anagik olooto ak nganasook che eecheen che ng'ootaatiin. Imuuch komi Kamuktaindet ne Toroor kobooto, si aoon koba ko uu ye ki mwa ineendet.”

KIRUOGIK 15:18

Ak ye ki ame melelda ne oo, kogiguur Kamuktaindet ne Toroor, koleenji, “Kaigoonu saruunoni oo eng' eutap otwogindeng'ung'; ak nguno, amee eng' melelda, si abutyi eutap che ma kimuratan.”

1 SAMUEL 14:5

Kiga tonon rwandet age eng' murot kaataam ne po taitap Mikmas, kotonon age eng' murot tai eng' taitap Geba.

1 SAMUEL 14:7

Koleenji `chiito ne ki ipchin kariik, “Yai tuguuk tugul che mi muguleldang'ung'. Welelgei, keero, ami kobooten ko uu eng' muguleldang'ung'.”

1 SAMUEL 17:26

Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

1 SAMUEL 17:36

Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.

1 SAMUEL 17:46

Indein rani Kamuktaindet ne Toroor eunnyu. Awirin abariin ak atil meting'ung' yeityo agoochi rani muuswegap lugeetap Philistiik toriitik che po parak, ak tyong'igap timiin che po ng'wony, si kobiit konai ng'wony tugul kole mi Kamuktaindet Israel.

1 SAMUEL 17:47

Nae tuiyoni tugul kole, ma saruunee chii Kamuktaindet ne Toroor rotwetap chok ak ng'otit, amu po lugeet Kamuktaindet ne Toroor ak indeok eunekyok.”

1 SAMUEL 31:4

Eng' yooto, koleenji anyun `Saulo chiito ne ki ipchin kariikyik, “Ng'usu rotweng'ung' po chok ak itoorena, si ma pwa pichu ma kimuratan, kotoora, ak kogengeniena.” Ago ma cham chiito ne ki ipchin kariikyik, amu ki iywei kot. Ara ki inem anyun Saulo rotwennyi po chok ak kobutyi.