1 SAMUEL 14:39 - BUKUIT NE TILIIL Sireet ne Dutero Kanon

³⁹ Amu ko uu ye sabei Kamuktaindet ne Toroor ne saru Israel, ko agot ngo Jonathan weeriinnyu, komeei iman.” Ago ma piit chii eng' piik tugul ne ki wolji ineendet.

Bukuit Ne Tilil

³⁹ Amu ko uu ye sabei Kamuktaindet ne Toroor ne saru Israel, ko agot ngo Jonathan weeriinnyu, komeei iman.” Ago ma piit chii eng' piik tugul ne ki wolji ineendet.

BUKUIT NE TILIL

³⁹ Amu, ko u ye sobei Jehovah, ne soru Israel, ko agot ngot ko Jonatan werinnyu, komeei iman. Ago ma biit chi eng’ bik tugul ne kiwolji inendet.

1 SAMUEL 14:39 Referencias Cruzadas

2 SAMUEL 12:5

Ki nereekyi miising' `Daudi chiichooto ak ki leenji Nathan, “Ko uu ye sabei Kamuktaindet ne Toroor, konyaaljin chiichooto ki yai kioto kome,

2 SAMUEL 14:21

Ki leenji anyun `laitoryat Joab, “Keer anyuno, ayae kioto. Ui anyun, imutu nerananooto Absalom.”

AMDOINDET 9:2

Amu ityin piik tugul tuguuk tugul kogergeit. Ityin kiit agenge chii ne po iman ak kiptengekyot, ityin ne myee ak ne ya, chii ne tiliil ak ne ma tiliil, ityin ne igoitoi korosyot ak ne ma igoitoi korosyot. Ko uu kiit ne uu chiito ne myee, ko uu nooto kiptengekyot; uu ineendet ne iyastos, ineendet ne iywei kayasyoet.

1 SAMUEL 14:24

Ki iimak kiplugotinigap Israel eng' peetuunooto. Ko uu ye kiga konde Saulo kotebee kayasyoet kiplugotinik kole, “Chuboot chiito ne amei amit age tugul kotom koit koskoleny, si asich ayooktochigei mugetuut eng' puunikyuk.” Ma chamcham anyun chii age tugul amit eng' pichooto.

1 SAMUEL 14:40

Yeityo komwachi `Saulo Israel tugul koleenji, “Otebee komosta agenge ak ketebee ak Jonathan weeriinnyu komosta age.” Ki mwachi anyun `piik Saulo koleenji, “Yai kiit ne igeere ile myee eng' inyee.”

1 SAMUEL 14:44

Kole `Saulo, “Ingoyai Kamuktaindet ko uu nooto ak koyai kotes kora, amu agoi imee iman, Jonathan!”

1 SAMUEL 19:6

Ki kas `Saulo ng'olyootap Jonathan, ak koyasyo Saulo kole, “Ko uu ye sabei Kamuktaindet ne Toroor, koma ki parei ineendet.”

1 SAMUEL 20:31

Amu kotee kota kosabei weeriitap Jesse eng' ng'wony, koma ki kimiitin anan ki kimiit laitornateng'ung'. Iyookte anyun kimutwaa ineendet, amu meei iman.”

1 SAMUEL 22:16

Ago ki le laitoryat, “Imee iman inyee Ahimelek ak piik tugul che po kootap kwandang'ung'.”

1 SAMUEL 28:10

Ki iyasyechi `Saulo ineendet eng' Kamuktaindet ne Toroor koleenji, “Ko uu ye sabei Kamuktaindet ne Toroor, koma mi pireet ne inyooru agobo kiito.”