1 SAMUEL 13:6 - BUKUIT NE TILIIL Sireet ne Dutero Kanon

⁶ Kingo keer piigap Israel kole mi eng' pichiindo, (amu kinyalilso piik,) kounykei anyun eng' kebenonik, eng' sondisyek, eng' rwandosyek, eng' keriingonik ak eng' keriingonik alak che mengeechen.

Bukuit Ne Tilil

⁶ Kingo keer piigap Israel kole mi eng' pichiindo, (amu kinyalilso piik,) kounykei anyun eng' kebenonik, eng' sondisyek, eng' rwandosyek, eng' keriingonik ak eng' keriingonik alak che mengeechen.

BUKUIT NE TILIL

⁶ Kingogeer bikab Israel kole mi eng’ bichiindo, (amu kinyalilso bik,) koung’gei anyun bik eng’ kebenonik, ak eng’ sondisiek, ak eng’ ruandosiek, ak eng’ keringonik, ak eng’ keringonik che mengechen.

1 SAMUEL 13:6 Referencias Cruzadas

2 SAMUEL 24:14

Ki leenji `Daudi Gad, “Ami eng' pichiindo ne oo, ngabutyi eutap Kamuktaindet ne Toroor, amu chaang' rireenosyekyik, ago ameng' abutyi eutap chii.”

ISAIAH 42:22

Ago chu ko piik che ki kiluul, ak kerebe tuguukwak; ki kiname icheek tugul keriingonik, ak keung'e korgorosyek: ki koek che kiluulei, ama mi chii ne saru; ki koek che kiluule tuguuk, ama mi chii ne leen, Oweekte.

JEREMIA 41:9

Ki inyiit anyun Ishmael weeriitap Netania keriingonooto piik che kiga kebar, keriinget ne kiga kowiirchi Ishmael muuswek tugul che po piik che kiga kobar, ki wiirchi ole neegitee Gedalia (keriingonooto ko ne kibaalei laitoryat Asa amu ki iywei Baasha laitoryatap Israel).

EZEKIEL 33:27

Mwachi anyun pichooto ko uu ni ileenji, mwaei Kiptaiyat Kamuktaindet ne Toroor kole: Ko uu ye asabe, ki pare iman rotwetap chok icheek che mi komoswek che karatwek, ak agoochini koam tyong'ik ineendet ne mi kewanin, ak kobar koroito icheek che mi irimoik ak che mi kebenonik.

PILIPIK 1:23

Amu kagigikyo kwenutap tuguuk aeng', atinye mageet awo ketebi ak Kristo; amu myee nooto miising' kosiir:

HEBRANIK 11:38

(che ki ma konyaaljin ng'wony icheek), koombenoti eng' ong'atosyek ak tuloonook ak kebenonik ak keriingonigap ng'wony.

JOSHUA 8:20

Ye kingo kuskong' piigap Ai, kogeer eng' kwong'eet kotogostoi iyeto kowendi parak eng' nganaseet. Ki mata kosich kimnateet komwechi komosi anan ko komosi, amu ki week pichu kamwee kobendi surkwen koweekyigei kobookyi pichu kaonu.

KIRUOGIK 10:9

Kilandae Jordan lagogap Ammon koba kobargei ak Judah, Benjamin ak kootap Ephraim. Ki kinyaliil anyun Israel miising'.

KIRUOGIK 20:41

Ki week anyun piigap Israel ak ki kwong'yo piigap Benjamin, amu ki keer kole kanyonji yaityet.

KIRUOGIK 6:2

Ak ki iterteer eutap `Midian Israel. Ki paljigei piigap Israel keriingonik eng' tuloonook, kebenonik ak kiyachigei irimoik amu Midian.

1 SAMUEL 13:15

Ki ng'eet Samuel ak kwo kotogosta eng' Gilgal agoi Gibea ne po Benjamin. Ki it `Saulo kiplugotinik che ki ng'et kobooto ineendet, koek murenik olo po pogol lo.

1 SAMUEL 14:11

Ki iboorchigei anyun icheek tuwai lugeetap Philistiik. Ak ki le Philistiik, “Ogeero, kamong' Yahudik eng' keriingonik ole koga ung'egei.”

1 SAMUEL 14:22

Ye kingo kas piik tugul che po Israel che kiga unygei eng' emetap tuloonoogap Ephraim kole kamwei Philistiik, kochut lugeet ak koon ak icheek Philistiik.

1 SAMUEL 23:19

Ki pa anyun `Sipik kotogosta ole mi Saulo eng' Gibea koba koleenji, “Tos ma unyegei Daudi eng' olinnyo eng' irimoik che mi timiin eng' tulweetap Hakila, ne mi murot tai ne po surkwen?

1 SAMUEL 24:3

Ki it ole mi piusyegap keechiirek eng' ooreet eng' ole ki mi kebeneet. Ki wo Saulo oriit ak kotoretkei. Ki mi Daudi ak piikyik kebenooto oriit miising'.

1 SAMUEL 31:7

Kingo keer piigap Israel che ki mi atebweet komosin ak icheek che ki mi Jordan pitoniin, kole kagomweiso piigap Israel ak kagome Saulo ak weeriikyik, kobagaakta nganasook ak komwei. Ak ki pwa Philistiik komeng'iis.

1 SAMUEL 7:7

Kingo kas Philistiik kole koiyumgei piigap Israel eng' Mispa, koba kiptainigap Philistiik kotogosta kobargei ak Israel. Ak kingo kas piigap Israel, koywei Philistiik.