1 SAMUEL 12:3 - BUKUIT NE TILIIL Sireet ne Dutero Kanon

³ Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

Bukuit Ne Tilil

³ Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

BUKUIT NE TILIL

³ Ami yu: omwa ng’olyo eng’ taitab Jehovah, ne ongenja, ak eng’ taitab nenyi ne kigiil: kiarebe ng’o tennyi? Anan kiarebe ng’o sigiriennyi? Anan kiaberber ng’o? Kiaus ng’o? Anan kianam eng’ eutab ng’o tuguk che kigoigoisie, si atuge konyekyuk? Si aweekwok tuguchoto.

1 SAMUEL 12:3 Referencias Cruzadas

2 SAMUEL 22:22

Amu ki ariip ortinwegap Kamuktaindet ne Toroor, ma abagaakte Kamuktaindennyu asup oor ne ya.

NEEMIA 5:11

Asoomok oweekyi icheek rani mbareenikwak, mbareenikwak che po mseituni, ak kooriikwak, ak oweekyi kogeny kebeberta agenge eng' pogol ne po fedhaisyek, ak ne po peek, ak divaik, ak mwanik, che ki omage icheek.

TIENWOGIKAL 15:5

ne ma pesendoi fedhaisyekyik si kosige che siirtoot, ama taachei tuguugap kagoigoisyet agobo ne ma tinyei tengek. Ineendet ne yaei tuguuchuuto, koma ki istoi agoi.

KOMONG'U 20:17

Amegase myat kootap chiitap kokweng'ung'. Amegase myat osotyotap chiitap kokweng'ung' anan otwogindennyi ne muren anan otwogindennyi ne tye anan eitonyi anan sigiryennyi anan kiy age tugul ne po chiitap kokweng'ung'.”

KOMONG'U 22:4

Ngenyoorchi eunnyi kioto kachoor kota kosabei, ngo tany anan ngo sigiryo anan ngo keechiir, kogeeri konyil aeng'.

KOMONG'U 23:8

Ametaach tuguuk che po asoya, amu tuchei konunoik icheeget che ng'oomen ak kogunuuri ng'aleegap che po imanda.

KALEWANAIK 15:27

Inyalili koonnyi `ineendet ne kipkeiyat agobo kelunaik, ago sabei ineendet ne wechei asoya.

ATEPTAP LAWIK 6:4

Ngo kagoyai chii anyun tengek ak konam ineendet lelutyet, koweektoi nooto kirep anan kiy ne ki ip eng' sastaet, anan kiy ne ki kigoochi kogonor, anan kiy ne kinyoor ne kiga kobet,

ATEPTAP LAWIK 6:5

anan kiy age tugul ne ki iyasyo eng' lembech agobo kioto. Ingoweekta kogeesta ak kotesyi kebeberta agenge eng' muut, kogoochi chiitap ko po tuguuchooto eng' peetuunooto namei lelutyet.

KAITOSYEK 16:15

Ki nereech Musa miising' ak ki leenji Kamuktaindet ne Toroor, “Amecham kagoochinennywa! Tom aibe agot sigirit agenge, ak tomo alelji chii agenge eng' icheek.”

MATAYO 22:21

Kowol kole, “Po Caesarea.” Koleenji ineendet anyun icheek, “Ogoochi Caesarea tuguuk che po Caesarea; ak ogoochi Kamuktaindet tuguuk che po Kamuktaindet.”

LUKA 19:8

Ak ki tonon Zakayo, ak koleenji Kiptaiyat, Keero, Kiptaiyat, agoochini kibananook kebebertap tuguukyuk; ak ngo ki aibe chii age tugul kiy eng' ng'aalseet, aweekyini konyil ang'wan.

POISYONIGAP CHE KIYOKTOI 20:33

Ma agase myat fedha che po chii age tugul, anan thahabu, anan ngoroik.

2 KORINTOEK 12:14

Ogeero, niito ko ne po somok achoboksei ale Anyoonjok; ak manyone aegu nyigiisindo eng' okweek: amu ma cheeng'e tuguukwok, ago okweeget: amu ma nyooljin lagok kogonorchi tuguuk sigiik, ago konorchin sigiik lagok.

NG'ATUTIK 16:19

Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

1 THESSALONIKEK 2:10

Oo paorinik okweek, kobooto Kamuktaindet, agobo ole ki kitepte acheeget eng' kwenung'wong' okweek che oyani, eng' tiliilindo ak eng' imanda koma ki tinyei kiy ne kirwoogunenech:

1 THESSALONIKEK 2:5

Amu ki ma kinyoorwech eng' sait age tugul keboisyee ng'aleegap kachaunetapkei, ko uu ye ongen, anan ng'aleegap ung'oot che po keiyandit, paoryat Kamuktaindet;

1 PETERO 5:2

oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

1 SAMUEL 10:1

Ki inem anyun Samuel chuboitap mwaita ak koroong'ji metinnyi, yeityo kong'utut ineendet ak koleenji, “Tos ma kagoiilin Kamuktaindet ne Toroor iegu pounindet ne po piikyik?

1 SAMUEL 12:4

Kowol piik kole, “Ma iberberech anan iuseech, ak tomo inam eng' eutap chii kiy age tugul.”

1 SAMUEL 12:5

Kowolji Samuel kole, “Paoryat Kamuktaindet ne Toroor agobo okweek, ak paoryat nenyi ne ki kiil eng' peetuuni, keele ma onyooru kiy eng' eunnyu.” Kowol piik kole, “Paoryat ineendet.”

1 SAMUEL 2:35

Ak ang'eetyigei tisiindet ne kiyani ne tuun yaei kiit ne mi muguleldanyu ak eng' kabwaatutikyuk ak ateekyi ineendet koot ne kiim, ak kowendote taitap nenyu ne iilaat koigeny.

1 SAMUEL 24:11

Kogeny, ee, keero abba keer walitap ngoryeeng'ung' ne mi eunnyu! Katil walitap ngoryeeng'ung' ak ma abariin, nai anyun ak igeer ile ma tinye yaityet anan ko pistoet eng' eunekyuk ak tomo ayaun tengek agot nganda icheeng'e saboondanyu ibar.

1 SAMUEL 24:6

Ki leenji piikyik, “Ingolooit eng' anee eng' Kamuktaindet ne Toroor si ma yachi kiptaiyandennyu ne iilaat ne po Kamuktaindet ne Toroor, kiy ne uu ni si ma chuul eunnyu ayachi kiy ne ya, amu ineendet ko ne iilaat ne po Kamuktaindet ne Toroor.”

1 SAMUEL 24:7

Ki eetee anyun `Daudi piikyik ng'aleechuuto ama chamji kong'eetyo kobar Saulo. Ki ng'eet Saulo kwo eng' kebeneet ak kwo pandanyi.

1 SAMUEL 26:11

Ingolooit eng' anee eng' Kamuktaindet ne Toroor si ma chuul eunnyu abar ne iilaat ne po Kamuktaindet ne Toroor. Ago asoomin ale ip ng'otit ne mi ye neegitee metinnyi kobooto soteetap peek yeityo keebe.”

1 SAMUEL 26:9

Ago ki leenji `Daudi Abisai, “Amebar, amu ng'oo ne imuuchi kochuul eunnyi ak kobar ne iilaat ne po Kamuktaindet ne Toroor, ama nyoor ng'oogisto?”