1 SAMUEL 12:22 - BUKUIT NE TILIIL Sireet ne Dutero Kanon

²² Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.

Bukuit Ne Tilil

²² Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.

BUKUIT NE TILIL

²² Amu mabagaktoi Jehovah bikyik amu kainennyi ne o: amu kicham Jehovah koyaak oegu bikyik.

1 SAMUEL 12:22 Referencias Cruzadas

1 LAITORINIK 6:13

Ak amenye kwenutap piigap Israel, amametoi piikyuk Israel.”

1 LAITORINIK 8:57

Ingotep Kamuktaindet ne Toroor, Kamuktaindennyo kobootech ko uu ye kimi ak kwanisyekyok; amat kobagaaktech anan kometech.

2 LAITORINIK 14:27

Ak ma mwa Kamuktaindet ne Toroor kole, ibuktoi kainetap Israel eng' kurereetap kipsengwet, ago ki sar icheek eng' Jeroboam weeriitap Joash.

2 LAITORINIK 21:14

Atoortai che kang'et che po porotennyu, ak ande icheek eunegap puunikwak. Egu icheek luulenik che luulei puunikwak tugul,

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

TIENWOGIKAL 106:8

Ago ki sar icheek amu kainennyi, si kobiit konaak kimnateennyi ne po kamuktaet.

TIENWOGIKAL 94:14

Amu ma toortai `Kamuktaindet ne Toroor piikyik, Ama metoi porotennyi.

KOMONG'U 32:12

Amu nee si komwa tuun Misiriik kole, ‘Kiga imutyin icheek yaityet kole si kobar eng' tuloonook, ak kowong' kobetyo eng' ng'wony?’ Ketite nereegeguk che laldos ak iwal kii ya koistoegei piiguk.

ISAIAH 37:35

Amu ariibe nganasani, asaru, agobo anee, ak agobo Daudi otwogindennyu.

ISAIAH 41:17

Cheeng'ei peek piik che ponoon ak che ma tinyei kiy, ago ma mi, ak koyaamei ng'elyepta amu melelda; awoljini, anee Kamuktaindet ne Toroor, ma metoi anee Kamuktaindetap Israel.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

ISAIAH 43:7

age tugul ne kimwaitoe kainennyu, ineendet ne ki atau ayai agobo toroornatennyu; ki amimii; ee, ki ayai.

ISAIAH 48:11

Ayae amu kainennyu, amu kainennyu; amu kimurwonindoi ano kainennyu? Amagoochini age toroornatennyu.

ISAIAH 49:15

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

JEREMIA 14:21

Amat iwechech amu kaineng'ung', ameteweer ng'echereetap laitornatet ne po toroornateng'ung'. Ibwaat, amat ibut kayomiset ne kigaiyomiswech.

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 14:9

Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

RIREKAB JEREMIA 5:20

Amu nee anyun si iutyenech agoi? Amu nee si imeteech ne tee noo?

EZEKIEL 20:14

Ago ki aboisye anyun kainennyu, si ma kimurwon eng' taitap pororyosyek, che kigeeronu icheek amutu komong'.

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

MALAKI 1:2

Ki achamak, mwaei Kamuktaindet ne Toroor. Ago omwae ole, “Ki ichamenech nee?” Komwa Kamuktaindet ne Toroor kole: Tos ki ma ko ng'eetap kametap `Jakobo Esau? Nga uu nooto ko ki acham Jakobo;

MATAYO 11:26

ee, Abba, amu ki icham inyee ko uu nooto.

JOHANA 15:16

Ki ma olewena, ago ki alewenok, ak ki andeak, ale obe ak oii logoek, si kobiit kotebi logoekwok: si kobiit kogoonok Kwanda kiit age tugul ne osoome eng' kainennyu.

ROMANIK 11:1

Amwae anyun ale, Tos ki toorta `Kamuktaindet piikyik? Achicha, ma uu nooto. Amu aa Yahudyot agane, ne po kesweegap Abraham, ne po ooreetap Benjamin.

ROMANIK 11:29

Amu ma tinyei ndara konunoigap Kamuktaindet ak kuursennyi.

1 KORINTOEK 4:7

Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

EPESOEK 1:12

si kobiit keegu kalasunetap toroornatennyi, acheek che kiga kisip kimang'u Kristo.

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

NG'ATUTIK 14:2

Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

NG'ATUTIK 31:17

Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’

NG'ATUTIK 31:6

Ogimegitu, onyiganitu, amoiywei anan oaragense amu icheek. Amu wendi Kamuktaindet ne Toroor Kamuktaindeng'ung' kobooten ago ma metoin ineendet ama pagaaktoin.”

NG'ATUTIK 31:8

Ineendet Kamuktaindet ne Toroor ne indoenen ak mi kobooten, amemetoin, ama pagaaktoin ameiywei anan iaragen.”

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

NG'ATUTIK 9:5

Ma eng' imandang'ung' anan atebeeng'ung' ne myee, ne kagoonin inam emennywa. Ago oonei `Kamuktaindet ne Toroor Kamuktaindeng'ung' pororyosyechu eng' taing'ung' amu sogornatennywa, si kobiit kogimit Kamuktaindet ne Toroor ng'olyoot ne ki iyasyechi kwanisyeguk Abraham, Isak ak Jakobo.

PILIPIK 1:6

angen komyee ng'olyoondoniito, ale ineendet ne ki toi poisyet ne myee eng' okweek koyaei kosulda agoi peetuutap Jeso Kristo:

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

JOSHUA 7:9

Tuun kasei Kanaanik ak tugul che menyei emet agobo kiito, koyiemech ak kotil kainennyo kobet eng' ng'wony. Tos iite nee kaineng'ung' ne oo?”

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.