1 SAMUEL 12:19 - BUKUIT NE TILIIL Sireet ne Dutero Kanon

¹⁹ Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”

Bukuit Ne Tilil

¹⁹ Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”

BUKUIT NE TILIL

¹⁹ Ak kilenji bik tugul Samuel, Saiywech achek otwogiguk Jehovah Kamuktaindeng’ung’, si ma kibegu: amu kogetesyi tengekwogikyok tugul yaitioni, kesomjige laitoriat.

1 SAMUEL 12:19 Referencias Cruzadas

TAUNET 20:7

Ara anyun imutyi nguno kwonyi chiitap ko po, amu maotyoo inee si kosaun si isap. Ago ngot ko meweekte, inai ile imee ne matiny, inyee, ak tuguuk tugul che itinye.”

Kitabuutap JOB 37:13

Ngo po katigonet, anan ngo po emennyi, anan ngo po rireenet, kogoonu ui tugul.

Kitabuutap JOB 42:8

Onam anyun kiruugik tisap, mengichik tisap ak okweri koba kap Job otwogindennyu, yeityo ogoitochigei koek kagoochinet ne kibeelei; si kosaiywok Job otwogindennyu. Amu kachamji, si ma yaiywok ko uu abusnateng'wong'; amu tomo omwa kiit ne po iman agobo anee, ko uu ye komwa otwogindennyu Job.”

KOMONG'U 10:17

Nooto anyun, asaain ale nyoiywo kaat amu tengektonyu niito ineegei, ak osaa Kamuktaindet ne Toroor Kamuktaindeng'wong', koistoena meoni kityo.”

KOMONG'U 32:30

Eng' peetuut ne ki isubi, koleenji `Musa piik, “Ki oyai tengekto ne oo. Katogoste anyun nguno awe ole mi Kamuktaindet ne Toroor, tamangap ayai kagaigaet agobo tengektong'wong'.”

KOMONG'U 9:28

Osaa Kamuktaindet ne Toroor amu kagoyam tuleennyi ak koik; agoonok anee obe, amat ogagei.”

ISAIAH 26:16

Ee Kamuktaindet ne Toroor, ki kobwonjin icheek eng' nyalilda, kisaain ye kiitigon icheek.

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JEREMIA 27:18

Ago ngot ko maotik icheeget, ak ngot komi ng'olyootap Kamuktaindet ne Toroor eng' icheek, ingosa anyun Kamuktaindet ne Toroor ne po lugoosyek, si ma ki ip tereenik che ki ng'et eng' kootap Kamuktaindet ne Toroor, ak eng' kootap laitoryatap Judah, ak eng' Jerusalem, koba Babilon.

JEREMIA 37:3

Ak ki iyookto Zedekiah laitoryat Jeukal weeriitap Selemya, ak Zephaniah weeriitap Maaseia tisiindet, koba kapmaotyot Jeremiah, koleenji saiywech anyun Kamuktaindet ne Toroor, Kamuktaindennyo.

JEREMIA 42:2

ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

MALAKI 1:9

Asoomok anyun ale, osoom chametap Kamuktaindet si kobiit korirenech. Ye ogoonu chooto kobun eunekwok, ko tos taach age eng' okweek ye keer? Mwaei Kamuktaindet ne Toroor ne po lugoosyek.

KAITOSYEK 21:7

Ki pa `piik kap Musa koleenji, “Kogeyai tengekto amu ko king'unyng'ung'ji Kamuktaindet ne Toroor kobooten. Saa Kamuktaindet ne Toroor si koistoenech erenochu.” Ara kisaachi `Musa piik.

POISYONIGAP CHE KIYOKTOI 8:24

Ak ki wol Simion kole, “Osaiywa Kiptaiyat, si ma pwanjo agot agenge tuguuk che kaomwaiwo.”

JAKOBO 5:15

ak kosoop saaetap kayaneet ineendet ne myani, ak kong'eet `Kiptaiyat ineendet; ak ngot ko ki koyai tengekwogik, kenyochi kaat.

1 JOHANA 5:16

Ngot kogeer chii tupchennyi koyaei tengekto ne ma po meet, kosoom, si kogoochi Kamuktaindet saboondo agobo icheeget che kayai tengekto ne ma po meet. Mi tengekto ne po meet; ma mwaei ale kosoom agobo nooto.

1 SAMUEL 12:13

Wei, kagolewen Kamuktaindet ne Toroor anyun laitoryat koboiywok! Ang'ni anyun laitoryat ne kaolewen, nooto ne kaosoom.

1 SAMUEL 12:17

Kasarta ne po kesisyetap nganuuk ni. Aguure Kamuktaindet ne Toroor si koyook tuleet ak ropta, si onai ak ogeer ole oo tengektong'wong' ne ki oyai eng' taitap Kamuktaindet ne Toroor amu ki osoomjigei laitoryat.”

1 SAMUEL 12:20

Kowolji `Samuel piik koleenji, “Amoiywei, ki oyai iman yaityoni tugul, ago amomaste obagaach Kamuktaindet ne Toroor. Ago oot Kamuktaindet ne Toroor eng' mugulelwekwok tugul.

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.

1 SAMUEL 7:5

Ki le Samuel, “Oyumji Israel tugul Mispa, si kobiit asaiywok Kamuktaindet ne Toroor.”

1 SAMUEL 7:8

Ki leenji `piigap Israel Samuel, “Amebagaakte iriirchi Kamuktaindet ne Toroor, Kamuktaindennyo agobo acheek, si kosarwech eng' eunegap Philistiik.”

1 SAMUEL 8:6

Ki ma paibait Samuel kingo mwa icheek kole, “Koonech laitoryat ne irwokwech.” Ki sa `Samuel Kamuktaindet ne Toroor,