1 SAMUEL 12:17 - BUKUIT NE TILIIL Sireet ne Dutero Kanon

¹⁷ Kasarta ne po kesisyetap nganuuk ni. Aguure Kamuktaindet ne Toroor si koyook tuleet ak ropta, si onai ak ogeer ole oo tengektong'wong' ne ki oyai eng' taitap Kamuktaindet ne Toroor amu ki osoomjigei laitoryat.”

Bukuit Ne Tilil

¹⁷ Kasarta ne po kesisyetap nganuuk ni. Aguure Kamuktaindet ne Toroor si koyook tuleet ak ropta, si onai ak ogeer ole oo tengektong'wong' ne ki oyai eng' taitap Kamuktaindet ne Toroor amu ki osoomjigei laitoryat.”

BUKUIT NE TILIL

¹⁷ Tos ma betusiekab kesisietab nganok rani? Aguure Jehovah si koyok tulet ak ropta; si onai ak ogeer ole o tengektang’wong’, ne kioyai eng’ taitab Jehovah, amu kiosomjige laitoriat.

1 SAMUEL 12:17 Referencias Cruzadas

TIENWOGIKAL 99:6

Musa ak Aron eng' tisiikyik, Ak Samuel kobooto icheeget che kuurei kainennyi; Ki kuur icheek Kamuktaindet ne Toroor ak ki wolji.

KOMONG'U 32:30

Eng' peetuut ne ki isubi, koleenji `Musa piik, “Ki oyai tengekto ne oo. Katogoste anyun nguno awe ole mi Kamuktaindet ne Toroor, tamangap ayai kagaigaet agobo tengektong'wong'.”

KALEWANAIK 26:1

Ko uu ye ma namegei teluji ak kemeut, ama namegei ropta ak peetuusyegap kesisyet, ko uu nooto, ma nyooljin teegisto chii ne perber.

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JOSHUA 10:12

Eng' peetuut ne ki igoito Kamuktaindet ne Toroor Amorik kogoochin piigap Israel, koleenji `Joshua Kamuktaindet ne Toroor eng' taitap piigap Israel, “Ee Asiisi, tonon eng' Gibeon, ee Arawet, telel eng' atebweetap Aijalon.”

1 SAMUEL 12:13

Wei, kagolewen Kamuktaindet ne Toroor anyun laitoryat koboiywok! Ang'ni anyun laitoryat ne kaolewen, nooto ne kaosoom.

1 SAMUEL 12:19

Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”

1 SAMUEL 2:10

Ki ng'emei che ibeligei ak Kamuktaindet ne Toroor; tuljin icheek ko uu ilat ne ng'eete kipsengwet. Irwookyin Kamuktaindet ne Toroor ng'wony komugul; igoochin kimnateet laitoryandennyi, ak kogoochi kabelisyet nenyi ne iilaat.”

1 SAMUEL 7:5

Ki le Samuel, “Oyumji Israel tugul Mispa, si kobiit asaiywok Kamuktaindet ne Toroor.”

1 SAMUEL 8:6

Ki ma paibait Samuel kingo mwa icheek kole, “Koonech laitoryat ne irwokwech.” Ki sa `Samuel Kamuktaindet ne Toroor,

1 SAMUEL 8:7

ak koleenji `Kamuktaindet ne Toroor Samuel, “Kas ng'aleegap piik agobo tuguuk tugul che kamwaun, amu ma inyee ne kaeesyo ago kaeesyo anee kole ma egu laitoryat eng' icheek.