1 SAMUEL 10:6 - BUKUIT NE TILIIL Sireet ne Dutero Kanon

⁶ Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.

Bukuit Ne Tilil

⁶ Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.

BUKUIT NE TILIL

⁶ ak konyonjin Tamirmirietab Jehovah eng’ kimnatet, ak imaoten koboto ichek, ak kewalin iegu chito age.

1 SAMUEL 10:6 Referencias Cruzadas

KAITOSYEK 11:17

Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

KAITOSYEK 11:25

Ki choorgei Kamuktaindet ne Toroor eng' pooldet ak kong'alaalji Musa, ak ki nam kebebertap kabuuset ne ki mi ineendet konde poisyechooto tamanwogik tisap. Ye kingo tebee icheek kabuuset komaotenso agobo ng'aleek che pwoonei. Ago mata tuun koyai ko uu nooto kogeny.

KAITOSYEK 11:26

Ki kang'et piik aeng'u eng' nganaseet; ki kiguure age Eldad, keguure age Medad. Ki nyoonji icheek kabuuset nganda ki ma pa ole mi emait, ago kibooto pichooto icheeget che kiga kisir. Ki toi komaoten eng' nganaseet.

KAITOSYEK 11:29

Ago ki leenji `Musa ineendet, “Kaamin ng'et kong' agobo anee? Myee nda egu maotik piik tugul che po `Kamuktaindet ne Toroor ak myee nda indoi Kamuktaindet ne Toroor Kabuusennyi ne Tiliil kotebee icheek!”

MATAYO 7:22

Leenjino che chaang' peetuunooto, “Kiptaiyat, Kiptaiyat, tos ki ma kiyai maonateet eng' kaineng'ung', ak keon oik eng' kaineng'ung', ak keyai eng' kaineng'ung' poisyonik che chaang' che po kimnateet?”

KIRUOGIK 14:6

Ki nyoonji ineendet `Kabuusetap Kamuktaindet ne Toroor eng' kimnateet, ak ki kereer ng'etunyooto ko uu ye imuuchi kogereer aarwetap ng'oroor koma tinyei kiy eng' euut. Ago ma mwachi kwanda anan ko kamet kiit ne kayai.

KIRUOGIK 15:14

Kingo it Lei, kowaakyo Philistiik ko katuiyo ak ineendet. Ki nyoonji ineendet `Kabuusetap Kamuktaindet ne Toroor eng' kimnateet ak ki igei rogoosyek che ki mi eunekyik, katanit ne kabeel maat, ak ki ibutyo eng' eunekyik tuguuk che kiga kirate.

KIRUOGIK 3:10

Ki nyoonji ineendet Kabuuusetap Kamuktaindet ne Toroor, ak ki irwookyi Israel ak ki wo lugeet. Ki inde Kamuktaindet ne Toroor eunnyi Kusan-risataim laitoryatap Mesopotamia ak ki iterteer Othniel ineendet.

1 SAMUEL 10:10

Kingo it tulweet, kotuiye ineendet maotik che kigaiyumgei, ak ki nyoonji ineendet Kabuusetap Kamuktaindet eng' kimnateet, ak ki maoten eng' kwenunnywa.

1 SAMUEL 10:9

Ye kingo welelgei kwo eng' ole mi Samuel, kogoochi `Kamuktaindet ineendet muguleldo age. Ki isulda anyun kaboorunoichooto tugul eng' peetuunooto.

1 SAMUEL 11:6

Ye kingo kas ng'aleechooto, konyonji ineendet Kabuusetap Kamuktaindet eng' kimnateet, ak ki nereekyi ineendet kot.

1 SAMUEL 16:13

Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.

1 SAMUEL 19:20

Ara anyun ki iyookto `Saulo piik koba konam Daudi, ak kingo keer tuiyetap maotik komaotendos ng'aleek, kotononi Samuel kondochin icheek, konyonji `Kabuusetap Kamuktaindet piigap Saulo ak komaotenso ak icheek.