1 SAMUEL 1:26 - BUKUIT NE TILIIL Sireet ne Dutero Kanon

²⁶ Ak ki mwa kwonyooto kole, “Ee kiptaiyandennyu, ko uu ye isabe, ko aa kwonyo kitononi eng' yu kimi, asaae Kamuktaindet ne Toroor.

Bukuit Ne Tilil

²⁶ Ak ki mwa kwonyooto kole, “Ee kiptaiyandennyu, ko uu ye isabe, ko aa kwonyo kitononi eng' yu kimi, asaae Kamuktaindet ne Toroor.

BUKUIT NE TILIL

²⁶ Ak kimwa kwonyoto kole, Ee, kiptaiyandennyu, ko u ye sobei sobondang’ung’, inye, kiptaiyandennyu, a kwonyi kiatononi eng’ yu kiimi, asae Jehovah.

1 SAMUEL 1:26 Referencias Cruzadas

TAUNET 42:15

Kimuuchi ketyemenak ng'olyoondoni: ko uu ye sabei Pharaoh, ko momuuchi obe eng' oli, ngo ma nyo yu ng'eetap komet ne ming'in.

2 SAMUEL 11:11

Kowolji `Uriah Daudi koleenji, “Tebee `keryosyek moinget ak Israel ak Judah, ak menyei keeweet kiptaiyandennyu Joab ak otwogigap kiptaiyandennyu. Tos awetitoi ano anyun anee koonnyu, aamisye ak aeeise ak keruiye ak osotyondennyu? Ko uu ye isabe ak ko uu ye sabei saboondang'ung', ma yae kioto.”

2 SAMUEL 14:19

Koteebee laitoryat koleenji, “Tos omi ak Joab eng' ng'aleechu tugul?” Kowol kwonyooto kole, “Ko uu ye sabei saboondang'ung', kiptaiyandennyu laitoryat, ma mi chii ne imuuchi komasta kwo eutap tai anan kwo murot kaataam eng' kiy age tugul ne kagomwa kiptaiyandennyu laitoryat. Amu kong'ata otwogindeng'ung' Joab, ak komwaiwo anee otwogindeng'ung' ng'aleechuuto tugul.

2 LAITORINIK 2:2

Ki leenji `Elijah Elisha, “Asoomin ale, tebi eng' yu; amu kagoyookta Kamuktaindet ne Toroor awo agoi Bethel.” Ago ki le Elisha, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Kochoortagei anyun Bethel.

2 LAITORINIK 2:4

Ki leenji `Elijah Elisha, “Asoomin ale tebi eng' yu; amu kagoyookta Kamuktaindet ne Toroor awo Jeriko.” Ak ki le, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Ki it anyun tuwai Jeriko.

2 LAITORINIK 2:6

Ki leenji `Elijah ineendet, “Asoomin ale, tebi eng' yu; amu kagoyookta Kamuktaindet ne Toroor awo Jordan.” Ak ki le, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Ki pa anyun tuwai.

2 LAITORINIK 4:30

Ki le kametap lakweet, “Ko uu ye sabei Kamuktaindet ne Toroor, ak ko uu ye sabei saboondang'ung', koma pagaaktoin.” Ki ng'eet anyun Elisha, koosup ineendet.

1 ATEPTAP PEETUUSYEK 4:10

Ki kuur Jabes Kiptaiyat Kamuktaindetap Israel, koleenji, “Myee iberuuro iman ak ites kiwotennyu, ingotebi eung'ung' kobooto, ak iriibo eng' yaityet, si ma aorogen! Ak ki igoochi `Kamuktaindet ineendet tuguuk che kiga soom.”

1 SAMUEL 17:55

Kingo keer `Saulo Daudi kowendi kobaregei ak Philistindet, koteebe Abner ne ki kiptaiyatap lugeet koleenji, “Abner, po kap ng'oo weeri?” Kole Abner, “Ko uu ye sabei saboondang'ung' ee laitoryat, ko mangen.”

1 SAMUEL 20:3

Ak ki iyasyo Daudi kogeny kole, “Ingen kwandang'ung' komyee kole ichamoo; nooto amu nee asi koleenjigei, ‘Amat konai Jonathan kiito si ma aragen.’ Ago iman ko uu ye sabei Kamuktaindet ne Toroor, ak ko uu ye sabei saboondang'ung' agine, komi kakwautyet agenge kityo eng' kwenunnyu ak meet.”

1 SAMUEL 25:26

Ara anyun kiptaiyandennyu, ko uu ye sabei Kamuktaindet ne Toroor ak ko uu ye sabei saboondang'ung', ak ko uu ye kietenen Kamuktaindet ne Toroor si metumde korotiik, si meyaaktochigei mugetuut eng' eung'ung', ko ingoigei puuniguk Nabal ak icheek che cheeng'jin yaityet kiptaiyandennyu.