1 SAMUEL 1:22 - BUKUIT NE TILIIL Sireet ne Dutero Kanon

²² Ago ma togosta Hannah, amu ki leenji manong'otyondennyi, “Ma wendi kot aluge lakweet, si amut kwo taitap Kamuktaindet ne Toroor kwo kotebee olooto agoi.”

Bukuit Ne Tilil

²² Ago ma togosta Hannah, amu ki leenji manong'otyondennyi, “Ma wendi kot aluge lakweet, si amut kwo taitap Kamuktaindet ne Toroor kwo kotebee olooto agoi.”

BUKUIT NE TILIL

²² Ago ma togosta Hana, amu kilenji manong’otiondennyi, Mawendi kot aluge lakwet, si amut kwo taitab Jehovah, kwo kotebe oloto agoi.

1 SAMUEL 1:22 Referencias Cruzadas

TIENWOGIKAL 110:4

Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

TIENWOGIKAL 23:6

Isubota iman myeeindo ak chamyet ne tala peetuusyek tugul kotee asabe, ak atebee kootap Kamuktaindet ne Toroor koigeny.

TIENWOGIKAL 27:4

Ki amage kiit agenge Kamuktaindet ne Toroor, nooto ne acheeng'e: ale atebee kootap Kamuktaindet ne Toroor peetuusyek tugul kotee asabe, si ageer karaaranindap Kamuktaindet ne Toroor, ak abwaati eng' hekalunnyi.

KOMONG'U 21:6

komut anyun kiptaiyandennyi chiichooto kwo taitap Kamuktaindet. Yeityo kimut konyo kurgat anan tugatukyetap kurgeet ak kobarbar itinnyi kiptaiyandennyi eng' kateet si koot ineendet agoi.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

ATEPTAP LAWIK 25:23

“Ma ki aldoi emonooto agoi, amu nenyu emet; amu oo toek ak kiprutoinik kobooto eng' emonooto.

LUKA 2:22

Ak kingo kagobata peetuusyegap katiliilennywa ko uu Ng'atuutyetap Musa, komut ineendet konyo Jerusalem, si kogoochi Kiptaiyat

NG'ATUTIK 16:16

“Ingobwa mureniguk tugul taitap Kamuktaindet ne Toroor Kamuktaindeng'ung' konyil somok eng' kenyiit eng' ole leweni ineendet eng' igoorto ne po magatiinik che ma kinde mermereek, eng' igoortap wigisyek ak eng' igoortap keryosyek. Amat kobwa taitap Kamuktaindet ne Toroor ak euut puch.

JOSHUA 4:7

Oleenji amu kipcheigei peegap Jordan eng' taitap moingetap arorutyet ne po Kamuktaindet ne Toroor, ak ye kilong'une moingonooto Jordan, kotononso peegap ainanooto kototen. Egu koichu anyun kabwaatet eng' piigap Israel koigeny.”

1 SAMUEL 1:11

Ki yai kayasyoet kole, “Ee Kamuktaindet ne Toroor ne po lugoosyek, ngot igeer nyalildap cheptong'ung' ne otwoget ak ibwaata ak ko meutye cheptong'ung' ne otwoget, ak igoochi weeriit, agoochini anyun weeroto Kamuktaindet ne Toroor eng' peetuusyekyik tugul kotee kosabei, ama kicheru suumeekyik.”

1 SAMUEL 1:28

Nooto anyun, kaagoochi ineendet Kamuktaindet ne Toroor. Kotee kosabei, ko ki agoochi `ineendet Kamuktaindet ne Toroor.” Ak ki itoroor Kamuktaindet ne Toroor eng' yooto.

1 SAMUEL 13:13

Koleenji `Samuel Saulo, “Keyai eng' perberyo ama iriip ng'atuutyetap Kamuktaindet ne Toroor Kamuktaindeng'ung' ne king'atin, amu kata igimiti Kamuktaindet ne Toroor laitornateng'ung' eng' Israel koigeny.

1 SAMUEL 2:11

Kingo pata, kwo Elkanah kaa eng' Ramah, ak kong'et lakweet koboisyechi Kamuktaindet ne Toroor eng' taitap tisiindet Eli.

1 SAMUEL 2:18

Nga ki lakwa Samuel, ko ki poisyei ineendet eng' taitap Kamuktaindet ne Toroor, kolaachi ephod ne po katanit.

1 SAMUEL 28:2

Kowolji `Daudi Akis koleenji, “Nooto anyun, inae kiit ne yaei otwogindeng'ung'.” Koleenji `Akis Daudi, “Nooto anyun, ayain iegu ne iriibwa metinnyu agoi.”

1 SAMUEL 3:1

Ki poisyechin lakwanooto `Samuel Kamuktaindet ne Toroor eng' taitap Eli. Ki ma kota kegasei ng'olyootap Kamuktaindet ne Toroor eng' peetuusyechooto, ak ki ma komi ng'ang'utyet ne taagu.