1 SAMUEL 1:10 - BUKUIT NE TILIIL Sireet ne Dutero Kanon

¹⁰ Eng' ng'wanindo ne ki tinyei eng' saboondanyi ko ki sa Kamuktaindet ne Toroor eng' riirek ak eng' ng'wanindo.

Bukuit Ne Tilil

¹⁰ Eng' ng'wanindo ne ki tinyei eng' saboondanyi ko ki sa Kamuktaindet ne Toroor eng' riirek ak eng' ng'wanindo.

BUKUIT NE TILIL

¹⁰ Ak kitinyei inendet ng’wanindo eng’ sobondanyi, ak kisa Jehovah, ak korir eng’ ng’wanindo.

1 SAMUEL 1:10 Referencias Cruzadas

TAUNET 30:1

Ye kingo keer Rael kole mata kosikyi Jakobo lagok, koam ng'etkong' ineendet agobo chepkamet. Koleenji Jakobo, “Kono lagok, ak ngo megono, amee.”

TAUNET 50:10

Ye kingo it rwanyut ne kiboorsee ne po Atad, ne miitei Jordan pitoniin, ko ki iteiyo eng' olooto eng' riirek che ng'woneen che pichiien; ak ki ng'at keriirchi kwandanyi peetuusyek tisap.

2 SAMUEL 13:36

Kingo kagogees ng'alaalet, koit weeriigap laitoryat ak kowaakyo ak kooteeiyo. Ki ite laitoryat agine ak otwogikyik tugul eng' kateet ne oo.

2 SAMUEL 17:8

Ki le kogeny Hushai, “Ingen kwandang'ung' ak piikyik ile piik che nyigoonen ak tinyei ng'wanindo eng' kabwaatutikwak ko uu magalaluut ne kagirebe aarekyik eng' timiin. Ne siirei ko kwandang'ung' ko chiitap lugeet; ma koi ruiyo ak piik.

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

Kitabuutap JOB 10:1

Aweche sabeennyu; amwaitoi kang'unyng'unyennyu, amasise; ang'alaali eng' ng'wanindap saboondanyu.

Kitabuutap JOB 7:11

Nooto anyun, ma koi ager kutinnyu; ang'alaali eng' ng'wanindap saboondanyu, ang'unyng'unyi eng' ng'wanindap saboondanyu.

Kitabuutap JOB 9:18

Ma chamwo abuus, ago inyiita ng'wanindo.

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

KALEWANAIK 14:10

Ingen muguleldo ng'wanindanyi, ak ma tinyei toondet yamdao ak poiboiyennyi.

ISAIAH 38:15

Amwae nee anyun? Ki ng'alaalwo, ak ki koyai ineendet kosulda: Ki kobetena rwoon amu ng'wanindap saboondanyu.

ISAIAH 54:6

Amu kigoguurin Kamuktaindet ne Toroor ko uu osotyot ne kigebagaakta, ne ki kigoochi koaragen eng' muguleldanyi, osotyot neta ko ming'in, ye kagion, mwaei Kamuktaindeng'ung'.

JEREMIA 13:17

Ago ngot ko mogas ng'olyoondoniito, koriirei saboondanyu eng' ung'oot agobo menateng'wong', ak ariir miising', kot koba peegap kong', amu kageluul keechiiregap Kamuktaindet ne Toroor.

JEREMIA 22:10

Amoriirchi ne ki kome, anan ote agobo ineendet: ago orir miising' agobo ineendet ne mandoi; amu ma koweeksei ineendet kogeny, anan kogeer emennyi ne ki kisikyin.

RIREKAB JEREMIA 3:15

Kigonyiita ng'wanindo, kigogoono abogit ng'wonet.

LUKA 22:44

Ak ye ki mi ineendet nyalilda ne ng'waan, kotes kosa miising': ak ki kergeitu kaotikyik ak korotiik che sachin ng'wony.

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

KIRUOGIK 21:2

Ki pwa piik Bethel ak kotep ng'wony eng' yooto eng' taitap Kamuktaindet kot koit koskoleny, ak kowaach, ak koriiryo ne ng'waan.

RUTH 1:20

Koleenji `ineendet icheek, “Moguureno Naomi (chebaibai)! Oguureno Marah (chepnereekya), amu ki koyaiywo ineendet Ne po Kamuktaet kiit ne ng'waan.

1 SAMUEL 1:11

Ki yai kayasyoet kole, “Ee Kamuktaindet ne Toroor ne po lugoosyek, ngot igeer nyalildap cheptong'ung' ne otwoget ak ibwaata ak ko meutye cheptong'ung' ne otwoget, ak igoochi weeriit, agoochini anyun weeroto Kamuktaindet ne Toroor eng' peetuusyekyik tugul kotee kosabei, ama kicheru suumeekyik.”

1 SAMUEL 1:9

Ki ng'eet anyun Hannah ye kingo kagoamis ak koeeiso eng' Shiloh. Ki tisiindet Eli ne kitebyei eng' ye po tugatukyetap kurgeet ne po hekaluutap Kamuktaindet ne Toroor.