1 PETERO 5:8 - BUKUIT NE TILIIL Sireet ne Dutero Kanon

⁸ Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:

Bukuit Ne Tilil

⁸ Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:

BUKUIT NE TILIL

⁸ Oripge, oripse: amu wendoti bunyondeng’wong’ oindet, ko u ng’etundo ne boriseni, kocheng’ei ne amei:

1 PETERO 5:8 Referencias Cruzadas

Kitabuutap JOB 2:2

Ki teebee `Kamuktaindet ne Toroor Setani koleenji, “Ibunu ano?” Ak ki wolji `Setani Kamuktaindet ne Toroor koleenji, “Abunu ole awendotee ak ole abunoti eng' ng'wony.”

TIENWOGIKAL 104:21

Pooriseni neranigap ng'etuunyik ye mi logeennywa, ak cheeng'ei amitwogikwak eng' Kamuktaindet.

TIENWOGIKAL 109:6

Inde chiito ne ya koboi ineendet; ak ingotonone puunyoot eunnyi ne po tai.

KALEWANAIK 19:12

Uu nereegegap laitoryat porisenetap ng'etuny; ago uu myeeindonyi rewoot ne mi susweek.

KALEWANAIK 20:2

Uu porisenetap ng'etundo kamuisetap laitoryat; ineendet ne tachei laitoryat koyachin saboondanyi tengekto.

KALEWANAIK 28:15

Uu ng'etundo ne pooriseni ak magalaluut ne ombenoti, pounindet ne ya ne pou kibananook.

ISAIAH 50:8

Neegit ineendet ne iityina imanda; kibortosi ak ng'oo? Ngetononse tuwai: ng'oo punyondennyu? Ingonyo koriikyo.

JEREMIA 2:15

Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

JEREMIA 51:38

Porisendos ko uu ng'etuunyik che parnotik; morortos ko uu aaregap ng'etuunyik.

EZEKIEL 19:7

Ak ki nai kooriikwak che po laitorinik, ak king'em nganasookwak; ak kiguber emet, ak tuguugap emonooto, amu tuugeetap porisenennyi.

EZEKIEL 22:25

Miitei kwenunnyi chaamset ne po maotikyik, ne uu ng'etundo ne pooriseni kobarisyei: ki kobar saboonwek; ibei konoraik ak tuguuk che po kamanuutyet ne oo; ki kotes mosoogik eng' kwenunnyi.

HOSEA 11:10

Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

HOSEA 13:8

kituitosi ak icheek ko uu magalaluut ne kagibare aarekyik, ak agereer kwambelelyetap mugulelwekwak: ak ageesu icheek eng' yooto ko uu ng'etundo; tonatoni tyondap timiin icheek.

JOEL 3:16

ak pooriseni Kamuktaindet ne Toroor eng' Zion, ak kotwek eng' Jerusalem; ak potandos kipsengwet ak ng'wony: ago egu Kamuktaindet ne Toroor ole mwechin piikyik, ak koek irimeet eng' piigap Israel.

AMOS 1:2

Ki mwa kole, Pooriseni Kamuktaindet ne Toroor eng' Zion, ak kotwegu eng' Jerusalem; ak koriiryo ole iyagisye mestoweek, ak koyaam walitap Karmel.

AMOS 3:4

Tos pooriseni ng'etundo eng' timiin ngo ma par tyondo? Tos pooriseni ng'etundo ne neran eng' kebenennyi ngot koma am kiy?

AMOS 3:8

Kagoborisen ng'etundo, ng'oo ne ma iyweisyei? Kagong'alaal Kiptaiyat Kamuktaindet ne Toroor, ko ng'oo anyun ne ma maoteni?

SEKARIA 11:3

Kutitap mestoweek che waaktos! Amu kageng'em toroornatennywa; kutitap ng'etuunyik che neran che porisendos! Amu kageng'em menoteetap Jordan.

SEKARIA 3:1

Ak ki iboorwo `ineendet tisiindet ne oo nooto Joshua kotonone taitap malaikaiyatap Kamuktaindet ne Toroor, ak kotonone agine Setani komostap eunnyi ne po tai koek ne kirindoi.

MATAYO 13:39

Puunyoot ne ki koolei chemulbainik ko chesawilyet. Kesisyet ko kagesunetap ng'wony ak kesik ko malaikaisyek.

MATAYO 24:42

Oriipse anyun, amu mongen peetuut ne nyoonei Kiptaiyandeng'wong'.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

MATAYO 4:1

Ki imut anyun Kabuuset ne Tiliil Jeso kotogosta kwo surkwen si koyoom chesawilyet.

MATAYO 4:11

Ki pagaach chesawilyet anyun ineendet; ak ogeero, ki pwa malaikaisyek si koboisyechi.

MARIKO 4:15

Chu che mi tabandap ooreet ole kagilechi ng'olyoot, ak ye kagogas, konyo Setani ak konem nooto kagigoolji icheeget.

LUKA 21:34

“Ago oriipkei anyun okweek, si ma nyi mugulelwekwok keiyandit, ak pogitet, ak kaimutigap sabeetap peetuusyechu, ak konyonjok peetuunooto kocheak ko uu mesteet:

LUKA 21:36

Ago oriipkei eng' peetuut age tugul, ak osaae, si kobiit oterteerisye, ochilile tuguuchuuto tugul pwoonei, ak otononse eng' taitap Weeriitap chii.”

LUKA 22:31

Simion, Simion, keero, kagosoom Setani kole konamak, si kosesak ko uu nganuuk:

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

2 KORINTOEK 2:11

si ma nyoor Setani kiit ne iterteerenech; amu ma kiberberen, ago kingen chobutikyik.

EPESOEK 4:27

amat ogoochi poroindo chesawilyet.

EPESOEK 6:11

Olaach kariigap lugeet komugul che po Kamuktaindet, si kobiit omuuch ogirinde kaberberisyosyegap chesawilyet.

1 TIMOTEO 2:15

ago kisaru eng' sigisyet, ngo tebyei icheek eng' kayaneet ak chamyet ak katabaanet kobooto riibetapkei.

1 TIMOTEO 2:9

Ko uu nooto kobogorisyek ingolaachkei eng' kalaakset ne nyolu, eng' teegisto ak riibetapkei; ma eng' laetap suumeek, ak thahabu anan sonoek che korooron anan ngoroik che po kamanuutyet ne oo;

1 TIMOTEO 3:11

Ko uu nooto kobogorisyek, kanyool kotebi eng' teegisto, ma kataamik, che riibegei, che kiyani eng' tuguuk tugul.

1 TIMOTEO 3:2

Kanyolji anyun riibindet koek ne ma kigeerchin ng'olyoo ne ma litit, manong'otyotap osotyot agenge, ne riibegei, ne litit ng'omnateet, ne tebyei komyee, ne taachei toek, ne chepchep koneetis;

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

TITO 1:8

ago ne taachei toek, ne chamei che myachen, ne pou kabwaatutikyik, ne po imanda, ne tiliil, ne riibegei;

TITO 2:12

Ineetech kole keeesye ooreet ne ma tokyingei Kamuktaindet, ak maguutik che po ng'wony, ak ketebi eng' ng'omnateet ne litit, ak eng' imanda, ak eng' ooreet ne tokyingei Kamuktaindet eng' kenyisyechu;

TITO 2:2

si koriipkei poisyek che kagoeegitu, koek che po teegisto, che pou kabwaatutikwak, che po iman eng' kayaneet, eng' chamyet, eng' muitaet:

TITO 2:4

si kobiit koneet osotik che mengeechen kocham manong'otaikwak, kocham lagokwak,

TITO 2:6

iteechi neranik ak icheek koek che pou kabwaatutikwak;

JAKOBO 4:7

Nooto anyun, oming'inityige Kamuktaindet; ago ogirinde chesawilyet, si komweenok.

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 4:7

Ago kagoriik kagesunetap tuguuk tugul; nooto anyun oegu che oriibegei, ak oriipse eng' saaet:

NG'ANG'UTYET 12:10

Ak ki agas kutit ne oo eng' kipsengwet, kole, “Kagonyo nguno yetunet, ak kamuktaet, ak laitornatetap Kamuktaindet nenyo, ak kimnateetap Kristo nenyi; amu kagetururto kataamindetap che kitupche kwo ng'wony, ne itaami icheek eng' taitap Kamuktaindet nenyo peet ak kemoi.

NG'ANG'UTYET 12:12

Nooto anyun oboiboitu, okweek kipsengwet, ak okweek che omenye olooto. Pwo agobo ng'wony ak nyanjet, amu kachoorgei chesawilyet konyo ole omi, kotinyei nereeknateet ne oo, amu ingen kole tinyei peetuusyek che ng'ering' kityo.”

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.

NG'ANG'UTYET 20:2

Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,

KIRUOGIK 14:5

Ki choortagei anyun Samson, kobooto kwandanyi ak kamennyi, koba Timnah, ak kiit mbareenigap sabibuk che po Timnah, ki keer ineendet ng'etundo ne neran ne kiborisenjin ineendet.