1 PETERO 5:2 - BUKUIT NE TILIIL Sireet ne Dutero Kanon

² oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

Bukuit Ne Tilil

² oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

BUKUIT NE TILIL

² oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

1 PETERO 5:2 Referencias Cruzadas

2 LAITORINIK 12:6

Ago kingo itei kenyiitap tiptem ak somok ne po Laitoryat Jehoas, ko ki tomo koteech tisiik ole kiga kobutok eng' koot.

TYENDO NE SIIREI TUGUL 1:8

Ngo mengen, ee inyee ne ii karaaran isiir tiibiik tugul, ui isup ole kabun akweetap keechiirek, ak iyage aareguk che po ng'oroor eng' ole neegitee emaisyegap mestoweek.

ISAIAH 40:11

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

ISAIAH 56:11

Ee, kipkein sesenik, ma piyong'dos agoi; ak chuuto ko mestoweek che ma iguitos kiy: ki komaasta tugul koosup ooreenywa, kigosup chii tugul keljinennyi, eng' komosta age tugul.

ISAIAH 6:8

Ki agas kutitap Kiptaiyat koleen, “Ayookte ng'oo, ak ng'oo ne wendi agobo acheek?” Ki ale anyun, “Ami yu! Iyookto.”

ISAIAH 63:11

Ki ibwaat anyun peetuusyek che po keny, Musa, ak piikyik, kole, Mi ano ineendet ne ki imut icheek kolong'une nyanjet kobooto mestoweek che po akweennyi? Mi ano ineendet ne ki inde Kabuusennyi ne Tiliil kwenunnywa,

JEREMIA 13:17

Ago ngot ko mogas ng'olyoondoniito, koriirei saboondanyu eng' ung'oot agobo menateng'wong', ak ariir miising', kot koba peegap kong', amu kageluul keechiiregap Kamuktaindet ne Toroor.

JEREMIA 13:20

Ong'eet met ak ogeer icheek che punu murot kaataam. Mi ano keechiirek che ki kigoonin, keechiireguk che korooron?

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

EZEKIEL 34:23

Ak ande mestowot agenge koyaga icheek, ak kobai icheek, nooto ko otwogindennyu Daudi; paei ineendet icheek, ak koek mestowonnywa.

EZEKIEL 34:31

Ak okweek, keechiirekyuk, che oo keechiiregap akweennyu, ko oo piik, ak aa Kamuktaindeng'wong', mwaei Kiptaiyat Kamuktaindet ne Toroor.

EZEKIEL 46:24

Ki leenjo anyun, Chuuto kooriik che kiyoise, ole iyoe kiboitinigap koot kagoochinoigap piik.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MIKAH 5:4

Ak kotonon kobai akweennyi eng' kimnateetap Kamuktaindet ne Toroor, eng' telunatetap kainetap Kamuktaindet ne Toroor Kamuktaindennyi: ak kotebi; amu eetu kobooch nguno agoi ole poochin ng'wony.

MIKAH 7:14

Iyage piiguk eng' kiroktong'ung', akweetap poroteng'ung', che meng'iisyei icheegei, eng' timiin ne mi kwenutap Karmel: ingoagetyo eng' Bashan ak Gilead, ko uu peetuusyek che po keny.

SEKARIA 11:17

Pwo! Mestowot ne ma tilei kiy ne pagaktoi akweet! Ingooep rotwetap chok eunnyi ak kobol kondanyi ne po tai, ingoyaamei eunnyi ak kogor kondanyi ne po tai.

MALAKI 1:10

Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

KAITOSYEK 18:7

Oriip inyee ak weeriiguk tiseinateng'wong' agobo kiy age tugul ne po kapkorosuut ak che po chooto mi oriit eng' angeet ne ki kioye, ak oboisyee. Kagoonok tiseinateet koek poisyetap konunet. Kibarei too age tugul ne riikyin.”

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

POISYONIGAP CHE KIYOKTOI 20:29

Angen ale ye kaawe komong'jok suik che koroomen, ama riiree akweet.

POISYONIGAP CHE KIYOKTOI 21:13

Kowol Paulo kole, “Oyae nee, orirtosi ak obare muguleldanyu? Amu aa choboot, ma kerata kityo, ago ame eng' Jerusalem agobo kainetap Kiptaiyat Jeso.”

ROMANIK 1:15

Nooto anyun, ko uu ye amuuchi, ko aa choboot aamwok logoiywek che myach ak okweek che omite Rome.

1 KORINTOEK 9:7

Tos ng'oo asigarindet ne poisyee tuguukyik? Ng'oo ne minei logoek, ne ma amei logoekyik? Anan ng'oo ne iyagi akweet, ama luei cheego che po akweet?

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

1 TIMOTEO 3:8

Ko uu nooto kiboitinigap kaniset kanyool kotebi eng' teegisto, ma che po ng'elyebwek aeng', ama che pogitos, ama che kasei myat agobo silingisyek;

TITO 1:11

che kanyool keger kutusweekwak; che itarng'aanyi ko komugul, koneeti tuguuk che kama konyolu amu mogornateetap teweernateet.

TITO 1:7

Amu kanyolji riibindetap kaniset koek chii ne ma tinyei leluut, ineendet ne riibindetap poisyetap Kamuktaindet; ma ne isubi magennyi, ne ma sip konereechi, ne ma kimaiya, ne ma pirisyei, ne ma ting'ee keiyandit mogornateetap teweernateet;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

TITO 3:1

Ibwaatyi icheek koming'injigei pounik, ak pounatosyek, kogas iit, kochobogis eng' poisyet age tugul ne myee,

PILEMON 1:14

ago ma amach ayai kiy kotom agas kiit ne ibwaati; si ma pun myeeindong'ung' torchinet, ago chamdaeng'ung'.

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.