1 PETERO 4:11 - BUKUIT NE TILIIL Sireet ne Dutero Kanon

¹¹ ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

Bukuit Ne Tilil

¹¹ ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

BUKUIT NE TILIL

¹¹ ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.

1 PETERO 4:11 Referencias Cruzadas

TIENWOGIKAL 145:13

Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.

ISAIAH 8:20

Onamge ak ng'atuutik ak paornateet! Ngot koma ng'alaal icheek koosup ng'olyoondoniito, ko amu ma mi lapkeiyet eng' icheek.

JEREMIA 23:22

Ago nda kiga tononso eng' kapkirwoogennyu, ta ki igoochin piikyuk kogas ng'aleekyuk, ak ta kiweechi pichooto koweek eng' ooreenywa ne ya, ak eng' yaityetap poisyonikwak.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

JOHANA 13:31

Ye kingo kagomanda saang', komwa Jeso kole, “Kagitoroor nguno Weeriitap chii, ak kagitoroor Kamuktaindet eng' ineendet;

POISYONIGAP CHE KIYOKTOI 7:38

Ye kimi tuiyet eng' surkwen, ko Musa niito ne ki ng'alaalji `malaikaiyat eng' tulweet ne po Sinai ak kobooto kwanisyekyok. Ineendet ne ki taach ng'aleek che saptos si kogoonech.

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

ROMANIK 12:3

Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

ROMANIK 16:27

po Kamuktaindet ne utaat ineegei toroornatet koigeny, eng' Jeso Kristo. Amen.

ROMANIK 3:2

Oo eng' ooreet age tugul: ne po tai, ko amu ki kigoochi Yahudik kotononji ng'aleegap Kamuktaindet.

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

1 KORINTOEK 12:4

Nguno anyun, komiitei konunoik che pesyotin, ago agenge Kabuuset ne Tiliil.

1 KORINTOEK 3:10

Ki alumde lumeiywot ko uu teegindet ne oo ne ng'oom, ko uu myeeindap Kamuktaindet ne ki kigoono; ak teechei chiito age paragunnyi. Ago ingoriip chii age tugul ole teektoi eng' paragunnyi.

1 KORINTOEK 6:20

amu ki kialenak kamanuutyet: otoroor Kamuktaindet anyun eng' poorwekwok.

2 KORINTOEK 2:17

Amu acheek koma ki uu che chaang', che poisyee ng'olyootap Kamuktaindet eng' ng'aalseet: ago ki che poisyei eng' ooreet ne ma tinyei ng'aalseet, ago ki po Kamuktaindet, ak eng' taitap Kamuktaindet, keng'alaali eng' Kristo.

2 KORINTOEK 9:13

amu tyemet ne po poisyoni kotoroori icheek Kamuktaindet amu kasetap iit ne po ng'ang'eng'wong' eng' logoiywek che myach che po Kristo, ak aiyebindap kagoitoeng'wong' eng' icheek, ak eng' tugul;

EPESOEK 1:19

ak kiit ne uu ooindo ne siirtoot ne po kamuktaennyi eng' acheek che kiyani, ko uu poisyonooto po kimnateetap kamuktaennyi

EPESOEK 4:29

Amat komang'une ng'olyoo age tugul ne ya kutusweekwok, ago nooto ne myee ne imuuchi koteekso, ko uu ye nyolu, si kobiit kogoochi myeeindo icheeget che kasei.

EPESOEK 5:20

ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

EPESOEK 6:10

Ne po let anyun, oegu che kiimeen eng' Kiptaiyat, ak eng' kimnateetap kamugennyi.

PILIPIK 1:11

ko oo nyiitootiin eng' logoegap imanda, che punu Jeso Kristo, agoi toroornatet ak kalasunetap Kamuktaindet.

PILIPIK 2:11

si kong'aany ng'elyepta age tugul kole Jeso Kristo ko Kiptaiyat, agoi toroornatetap Kamuktaindet Kwanda.

KOLOSAIK 4:6

Ingotep ng'aleekwok eng' myeeindo kotugul, koanyinyogis eng' muunyuk, si kobiit onai ole kanyool owoljinde chii age tugul.

1 THESSALONIKEK 2:4

ago ko uu ye ki koyanwech Kamuktaindet keegu che tononjin logoiywek che myach, keng'alaali ko uu nooto; ma ko uu che iboiboiti piik, ago Kamuktaindet ne tyemei mugulelwekyok.

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

1 TIMOTEO 6:16

ne tinyei ineegei saboondap koigeny, ne menyei eng' lapkeiyet ne ma kimuuchi keriikyi; ne tomo kogeer chii, amaimuuchi kogeer: ingobunji ineendet teegisto ak kamuktaet koigeny. Amen.

TITO 2:1

Ago ng'alaal inyee agobo ng'aleek che nyoljin kaneetisyet ne po iman:

TITO 2:15

Mwaa tuguuchuuto ak iteechi ak iger kong' kobooto pounateet tugul. Amat kosasin chii age tugul.

HEBRANIK 13:7

Obwaat icheek che ki indoiywok, che kimwaiwok ng'olyootap Kamuktaindet; ye obwaati ole kiteptoi atebosyekwak, oyai ko uu ye kiyaei icheek eng' kayanennywa.

HEBRANIK 5:12

Amu eng' ye kita nyolu oegu kaneetik, konyaaljinok kogeny koneetak chii kaneetisyosyek che po tai che po ng'aleegap Kamuktaindet; ak ki oegu che machei cheego, ama amitwogik che uueen.

JAKOBO 1:19

Ongen ng'olyoondoni, chamanikyuk che kitupche. Ago ingochepchebit chii age tugul kogas, amaek ne sip kong'alaali, ama sip konereechi:

JAKOBO 1:26

Ngo leen chii tinyei atebeet ne uu ne po kayanik, ama riibei ng'elyeptanyi ak koberberi muguleldanyi, ko puch kayaneetap chiichooto.

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 4:10

ko uu ye kigonyoor chii age tugul kagoochinet oboisyechinegei, ko uu riibiik che myachen che po chaang'indap myeeindap Kamuktaindet;

1 PETERO 4:16

ago nginyalil chii amu Kristyanindet, ko mat kolilaan; ingotoroor Kamuktaindet eng' kainaniito.

1 PETERO 5:11

Nenyi kimnateet koigeny ak koigeny. Amen.

JUDA 1:25

kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.