1 LAITORINIK 9:3 - BUKUIT NE TILIIL Sireet ne Dutero Kanon

³ Ki leenji `Kamuktaindet ne Toroor ineendet, “Kaagas saaeng'ung' ak soomeng'ung' ne kaisa ak isoom eng' tainnyu. Kaatiliil kooi koiteech, si ande kainennyu yooto koigeny. Tebee yooto konyekyuk ak muguleldanyu peetuusyek tugul.

Bukuit Ne Tilil

³ Ki leenji `Kamuktaindet ne Toroor ineendet, “Kaagas saaeng'ung' ak soomeng'ung' ne kaisa ak isoom eng' tainnyu. Kaatiliil kooi koiteech, si ande kainennyu yooto koigeny. Tebee yooto konyekyuk ak muguleldanyu peetuusyek tugul.

BUKUIT NE TILIL

³ Ak kilenji Jehovah inendet, Kaagas saeng’ung’ ak someng’ung’ ne kaisa ak isom eng’ tainnyu: kaatilil goi koiteech, si ande kainennyu yoto koigeny; ak tebe yoto konyekyuk ak muguleldanyu betusiek tugul.

1 LAITORINIK 9:3 Referencias Cruzadas

1 LAITORINIK 8:29

Ingogeer konyeguk kooi kemoi ak peet, kogeer komosta ne ki imwa ile, ‘Tebee yooto kainennyu’; si igas saaet ne saaei otwogindeng'ung' kotokyingei komosita.

2 LAITORINIK 20:5

“Weege kogeny, ak ileenji Hezekiah pounindetap piikyuk, Kamwa Kamuktaindet ne Toroor, Kamuktaindetap kwandang'ung' Daudi, kole: Kaagas saaeng'ung', kaageer peeguk po kong'; ara asaabin anyun. Itogostoi kootap Kamuktaindet ne Toroor eng' peetuutap somok.

2 LAITORINIK 21:7

Ki inde kanamwet ne ki kiwai ne po Asera koot ne ki kamwachi Kamuktaindet ne Toroor Daudi ak weeriinnyi Solomon, koleenji, “Andoi kainennyu koigeny koi ak Jerusalem, ne ki alewen eng' ortinwek tugul che po Israel.

2 ATEPTAP PEETUUSYEK 33:7

Ak ki inde kiit ne ki kiwai ne po kanamwet ne ki yai ineendet, kootap Kamuktaindet, ne ki mwachi `Kamuktaindet Daudi ak Solomon weeriinnyi, agobo koyooto, koleenji, “Andoi kainennyu koigeny kooi, ak Jerusalem, ne ki alewen eng' ortinwek tugul che po Israel:

2 ATEPTAP PEETUUSYEK 6:40

Ara anyun, ee Kamuktaindennyu, asaain ale, ingogeer konyeguk ak ingogas itiiguk saaet ne ki saaei eng' yuto.

EZRAH 6:12

Ngo par Kamuktaindet ne ki inde kainennyi komeny olooto, laitorinik tugul ak piik tugul che iitoi eunekwak kole kowal ng'olyoondonooto ak kong'em kootap Kamuktaindet ne miitei Jerusalem. Kaang'at anee Darius. Ara ingoyaak ng'atuutyoniito eng' kagiiletapkei tugul.

TIENWOGIKAL 10:17

Ki igas inyee, Kamuktaindet ne Toroor, mageetap che talaen; ichobe mugulelwekwak ak igoochini itiiguk kogas.

TIENWOGIKAL 116:1

Achame Kamuktaindet ne Toroor amu ki kogas tweguunennyi ak soomutikyuk.

TIENWOGIKAL 34:17

Ye ki riiryo che po iman, ko ki kas Kamuktaindet ne Toroor, ak ki sar icheek eng' nyalilwogikwak tugul.

TIENWOGIKAL 65:3

Katemena tengekwogik, inyee ne iundoi pistaosyekyok.

TIENWOGIKAL 66:19

Ago iman kogogas Kamuktaindet; ki koepchi iit tweguunetap saaennyu.

KOMONG'U 20:11

Amu ki yai Kamuktaindet ne Toroor kipsengwet ak ng'wony, nyanjet ak tuguuk tugul che mi oriitinnywa eng' peetuusyek lo ak komuuny eng' peetuutap tisap. Ki iberuur anyun Kamuktaindet ne Toroor peetuutap sabato amu nooto ak kotabaan.

KOMONG'U 29:44

Atiliilii emait ne kituiyechin ak kaptisisyet. Atabaani Aron ak weeriikyik ak icheek si koboisyeiwo eng' tisiisyet.

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JEREMIA 7:10

yeityo obwa otonone tainnyu eng' koi, ne kimwaitoe kainennyu ak ole, “Kagesarwech,” si kobiit oyai tuguuchuuto tugul kiwechei?

KAITOSYEK 16:38

Ara agobo tereenigap kiptengeginik che kogorwookyigei icheegei kot kobek, ko ingitaany anyun kolebelitu si ketuge kaptisisyet, amu ki igoito tuguuchooto eng' taitap Kamuktaindet ne Toroor, ara tiliileen anyun amu nooto. Si koek chooto kaboorunet eng' piigap Israel.”

MATAYO 6:9

Nooto anyun osaa ko uu ni: “Kwandanyo ne mi kipsengwet; Ingoloosunok kaineng'ung'.

JOHANA 11:42

Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.”

POISYONIGAP CHE KIYOKTOI 10:31

ak kole, ‘Korneli, kigegas saaeng'ung', ak ki koek kabwaatet eng' taitap Kamuktaindet kagoochinoiguk.

NG'ATUTIK 11:12

Riibei emonooto Kamuktaindet ne Toroor Kamuktaindeng'ung' ak ko keerei Kamuktaindet ne Toroor Kamuktaindeng'ung' emonooto kobooch taunetap kenyiit agoi kogeskei kenyiit.

NG'ATUTIK 12:11

Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:21

Ngot ko loo eng' inyee ole leweni Kamuktaindet ne Toroor Kamuktaindeng'ung' konde kainennyi, ieny anyun che po akweeng'ung' ak che po keechiireguk che ki kogoonin Kamuktaindet ne Toroor ko uu ye ki ang'atiin ak iam eng' kurgotiguk, ko uu ye machei saboondang'ung'.

NG'ATUTIK 12:5

Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

1 JOHANA 5:14

Ak ni nyiganateet ne ketinye eng' ineendet, keele ngesoom kiy age tugul ko uu magennyi, kogaseech: