1 LAITORINIK 3:4 - BUKUIT NE TILIIL Sireet ne Dutero Kanon

⁴ Ki wo `laitoryat Gibeon kwo koeny tiseiywek eng' olooto, amu kitoroor yooto, ole oo; ki igoito Solomon kagoochinoik eliphuut che kibeelei eng' kaptisisyonooto.

Bukuit Ne Tilil

⁴ Ki wo `laitoryat Gibeon kwo koeny tiseiywek eng' olooto, amu kitoroor yooto, ole oo; ki igoito Solomon kagoochinoik eliphuut che kibeelei eng' kaptisisyonooto.

BUKUIT NE TILIL

⁴ Ak kiwa laitoriat Gibeon kwo koeny tiseiywek eng’ oloto; amu ki toror yoto, ole o: kiigoito Solomon kagochinoik elfut che kibeelei eng’ kaptisisionoto.

1 LAITORINIK 3:4 Referencias Cruzadas

1 LAITORINIK 8:4

Ki ip Tisiik ak Lawiik moingetap Kamuktaindet ne Toroor, emait ne kituiyechin, ak tereenik tugul che tiliileen che ki mi Emait Lawiik.

1 LAITORINIK 8:63

Ki igoito Solomon tiseiywek koek kagoochinoigap kaalyeet, che ki igoochi Kamuktaindet ne Toroor, tuuga eliphuusyek tiptem ak aeng', ak keechiirek eliphuusyek pogol ak tiptem. Kotabaan anyun laitoryat kobooto lagok tugul che po Israel, kootap Kamuktaindet ne Toroor.

1 LAITORINIK 9:2

komong'ji anyun `Kamuktaindet ne Toroor Solomon ne po aeng', ko uu ye kiga komong'ji eng' Gibeon.

1 ATEPTAP PEETUUSYEK 16:39

Ki pagaach Daudi Zadok tisiindet ak tupchosyekyik tisiik, eng' taitap kootap Kamuktaindet ne Toroor eng' komosta ne toroor ne ki mi Gibeon,

1 ATEPTAP PEETUUSYEK 21:29

Amu kimi eng' peetuusyechooto kootap Kamuktaindet ne Toroor ne kiteechei Musa eng' surkwen, kobooto kaptisisyetap kagoochinet ne kibeelei komosta ne toroor eng' Gibeon.

2 ATEPTAP PEETUUSYEK 1:2

Ki ng'alaalji `Solomon Israel tugul, kiptainigap eliphuusyek ak che po pogolwogik, kirwoogik ak pounindet age tugul eng' Israel tugul ak kandoigap kooriigap kwanisyek.

2 ATEPTAP PEETUUSYEK 1:3

Ki wo anyun Solomon kobooto tuiyet tugul, komosta ne toroor eng' Gibeon, amu ki mi yooto emait ne kituiyechin ne po Kamuktaindet, ne kiga teech Musa otwogindetap Kamuktaindet ne Toroor eng' surkwen.

2 ATEPTAP PEETUUSYEK 30:24

Amu ki igoochi `Hezekiah laitoryatap Judah tuiyet kiruugik eliphuut ak keechiirek eliphuusyek tisap koek kagoochinoik; ak ki igoochi pounik tuiyet kiruugik eliphuut ak keechiirek eliphuusyek taman. Ki ianyinygei anyun tisiik eng' chaang'indo.

2 ATEPTAP PEETUUSYEK 7:5

Ki igoito Laitoryat Solomon tiseiywek che po eiik eliphuusyek tiptem ak aeng' ak keechiirek eliphuusyek pogol ak tiptem. Ara ki itabaan anyun laitoryat ak piik tugul kootap Kamuktaindet.

ISAIAH 40:16

Ak mayamei kweenigap Lebanon kilaal, ama yamei tyong'igap olooto koek kagoochinet ne kibeelei.

JEREMIA 28:1

Ak eng' kenyinooto, eng' taunetap laitornatetap Zedekiah laitoryatap Judah, eng' kenyiit ne po ang'wan, eng' arawetap muut, kong'alaalwo Hananiah weeriitap Ashur, maotyot, ne ki po Gibeon, eng' kootap Kamuktaindet ne Toroor, eng' taitap tisiik ak piik tugul koleenjo,

JOSHUA 10:2

Ki iywei miising' amu ki nganaseet ne oo Gibeon, ko uu age eng' nganasoogap kaplaitoryat, ak amu ki oo kosiir Ai ak ko ki kiimeen murenik tugul che po nganasanooto.

JOSHUA 18:21

Nganasoogap pororyetap lagogap Benjamin ko uu ortinwekwak ko ki Jeriko, Beth-hogla, ak Emek-kesis;

JOSHUA 9:3

Ago kingo kas piigap Gibeon kiit ne ki kayachi `Joshua Jeriko ak Ai,

1 SAMUEL 13:9

Kole Saulo, “Oibwa kagoochinet ne kibeelei konyo yu kobooto kagoochinoigap kaalyeet.” Ak ki igoito kagoochinonooto kibeelei.