1 LAITORINIK 21:3 - BUKUIT NE TILIIL Sireet ne Dutero Kanon

³ Ago ki leenji `Nabot Ahab, “Ma chamwo Kamuktaindet ne Toroor agoonin poroteetap kwanisyekyuk.”

Bukuit Ne Tilil

³ Ago ki leenji `Nabot Ahab, “Ma chamwo Kamuktaindet ne Toroor agoonin poroteetap kwanisyekyuk.”

BUKUIT NE TILIL

³ Ak kilenji Nabot Ahab, Machamwa Jehovah agonin borotetab kwanisiekyuk.

1 LAITORINIK 21:3 Referencias Cruzadas

TAUNET 44:17

Ago ki le, “Ingolooit eng' anee ama yai ko uu nooto! Egu otwogindennyu ineendet ne kaginyoorchi kigombet, ago okweek, ko myee obe eng' kaalyeet kapkwandang'wong'.”

TAUNET 44:7

Ki leenji icheek, “Amu nee si komwa kiptaiyandennyu ng'aleek che uu chooto? Ingolooit eng' otwogiguk si ma yai kiy ne uu nooto!

1 ATEPTAP PEETUUSYEK 11:19

ak ki le, “Ingoetena Kamuktaindennyu, si ma yai kii! Tos aee korotiigap pichu koinde saboonwekwak ng'oiyondit?” Amu kaip peechu eng' kandaet ne kainde saboonwekwak ng'oiyondit. Ara ma cham anyun koe amu nooto. Ki yai tuguuchuuto pichooto kiimeen somogu.

Kitabuutap JOB 27:5

Achicha, ma iityinok imanda; ma metoi imandanyu agoi ameei.

EZEKIEL 46:18

Ago ma ibei pounindet poroteetap piik, si korebe icheek tuguukwak; igoochin poroteet weeriikyik eng' tuguukyik: si ma kiseer piikyuk, kobagaakta chii age tugul tuguukyik.

ATEPTAP LAWIK 25:23

“Ma ki aldoi emonooto agoi, amu nenyu emet; amu oo toek ak kiprutoinik kobooto eng' emonooto.

KAITOSYEK 36:7

si ma kiuto poroteet age tugul ne po piigap Israel, kong'etee ooreet age kwo ooreet age; amu kanyool konamgei chii tugul eng' piigap Israel ak poroteetap ooreetap kwanisyekyik.

KAITOSYEK 36:9

Ma kimuuchi kiuto poroteet age tugul kong'etee pororyet age agoi age, namjingei age tugul eng' pororyosyegap piigap Israel porotennyi kobunji.”

ROMANIK 3:31

Tos ki yai anyun Ng'atuutyet koek ne ma tilei kiy amu kayaneet? Achicha, ma uu nooto: ki kimiti Ng'atuutyet.

ROMANIK 3:4

Achicha: ma uu nooto: ingoek ne po iman Kamuktaindet, ago kiplembechwa chii age tugul; ko uu ye siraat kole, Si kobiit kindein imanda eng' ng'aleeguk, Ak imuuch ibelisye ye kirwoogun.

ROMANIK 3:6

Achicha! Ma uu nooto; amu nda uu nooto korwookyindoi ano `Kamuktaindet ng'wony?

ROMANIK 6:15

Nee anyun, ki yai tengek, amu ma kemi eng' Ng'atuutik, ago eng' myeeindo? Achicha, ma uu nooto.

ROMANIK 6:2

Achicha, ma uu nooto. Acheek che kigebekyi tengek, kota kesoptoi ano eng' tengek?

ROMANIK 7:13

Tos ki ek anyun nooto myee meet eng' anee? Achicha, ma uu nooto. Ago si koboorgei tengekto keele tengekto, kogiyai meet eng' anee eng' nooto myee; si kobiit koek `tengekto tengekto inne eng' ng'atuutyet.

ROMANIK 7:7

Kimwae nee anyun? Tos tengek Ng'atuutyet? Achicha, ma uu nooto. Ago ki ma kota anae tengek nda ki ma ko eng' Ng'atuutyet: amu ki ma kota anai kasetap myat nda ki ma mwa Ng'atuutyet kole, “Amegase myat.”

1 KORINTOEK 6:15

Tos mongen ole poorwekwok ko kebeberwegap Kristo? Ara anyun aiste kebeberwegap Kristo, ak ayai koek kebeberwegap chepkugoniot? Achicha, ma uu nooto.

GALATYEK 6:14

Ago ingolooit eng' anee aloskei, kobatee eng' kimurtoiyot ne po Kiptaiyandennyo Jeso Kristo, ne eng' nooto ko ki kigartaat ng'wony agobo anee, ak anee agobo ng'wony.

JOSHUA 22:29

Ingolooit eng' acheek ama kingelelji Kamuktaindet ne Toroor, ama kimaste rani eng' kasubet ne kisubi Kamuktaindet ne Toroor kot keteech kaptisisyet ne po kagoochinoik che kibeelei ak ko po kagoochinoigap peek anan ko ne po tiseiywek, age ne ma kaptisisyetap Kamuktaindet ne Toroor, Kamuktaindennyo ne mi taitap koonnyi.’ ”

JOSHUA 24:16

Ki wol pichooto kole, “Achicha, Ma kibagaaktoi Kamuktaindet ne Toroor ak keoot kanamonik.

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.

1 SAMUEL 24:6

Ki leenji piikyik, “Ingolooit eng' anee eng' Kamuktaindet ne Toroor si ma yachi kiptaiyandennyu ne iilaat ne po Kamuktaindet ne Toroor, kiy ne uu ni si ma chuul eunnyu ayachi kiy ne ya, amu ineendet ko ne iilaat ne po Kamuktaindet ne Toroor.”