1 LAITORINIK 2:4 - BUKUIT NE TILIIL Sireet ne Dutero Kanon

⁴ si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

Bukuit Ne Tilil

⁴ si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

BUKUIT NE TILIL

⁴ si kobiit kogimit Jehovah ng’olyondennyi ne kimwa agobo ane, kole, Ngot korib lagoguk ortinwekwak, kobendat eng’ tainnyu eng’ imanit eng’ mugulelwekwak tugul ak eng’ sobonwekwak tugul, ko u ye kimwa kole mabetenen chito ne tebe ng’echeretab laitornatet ne bo Israel.

1 LAITORINIK 2:4 Referencias Cruzadas

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

2 SAMUEL 7:25

Ara anyun, ee Kamuktaindet ne po Toroornatet, igimit koigeny ng'olyoot ne kaimwa agobo otwogindeng'ung', ak agobo koonnyi ak iyai ko uu ye kemwa.

1 LAITORINIK 1:48

Ak kogeny, ko kamwa laitoryat kole, ‘Iberuurot Kamuktaindet ne Toroor, Kamuktaindetap Israel, ne kagonde chiito kotebee ng'echerennyu ne po laitornatet eng' peetuuni kogeerei konyekyuk.’ ”

1 LAITORINIK 11:36

Tuun agoochini weeriinnyi ooreet agenge, si kolal kotugul taitap Daudi otwogindennyu eng' tainnyu eng' Jerusalem, nganaseet ne ki alewenjigei ande kainennyu yooto.

1 LAITORINIK 3:14

Ngot iwendotee ortinwekyuk, iriip kayomisutikyuk ak ng'atuutikyuk, ko uu ye kiwendotee Daudi kwandang'ung', atesun anyun kochang'a peetuusyeguk.”

1 LAITORINIK 3:3

Ki cham `Solomon Kamuktaindet ne Toroor, kowendote ng'atuutigap Daudi kwandanyi; ago kienyei tiseiywek ak kobeelei nyamdutik eng' komoswek che torooreen.

1 LAITORINIK 6:12

“Eng' kooi iteeche, ko ngot iwendotee kaneetisyosyekyuk, ak iyai kirwoogutikyuk, ak iriip ng'atuutikyuk tugul iwendote, agimiit anyun ng'olyoondennyu eng' inyee, ne ki amwachi Daudi kwandang'ung'.

1 LAITORINIK 8:23

ak ki le, “Ee Kamuktaindet ne Toroor, Kamuktaindetap Israel, ma mi Kamuktaindet ne Toroor age ne uu inyee, eng' parak kipsengwet, anan eng' ng'wony oriit; ne riibei kayomiset ak rireenet eng' otwogiguk, che pendote taing'ung' eng' mugulelwekwak tugul.

1 LAITORINIK 8:25

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu; ngot koriip lagoguk ortinwekwak, kobendatee tainnyu ko uu ye ki iwendote tainnyu.’

1 LAITORINIK 9:5

agimiit anyun ng'echereetap laitornatet ne po pounateng'ung' eng' Israel koigeny, ko uu ye kigayomisyi Daudi kwandang'ung' aleenji, ‘Ma petenen chiito ne tebee ng'echereetap laitornatet ne po Israel.’

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

2 LAITORINIK 23:25

Ki ma piit eng' tai anan eng' let laitoryat ne kergei ak ineendet, ne ki isup Kamuktaindet ne Toroor eng' muguleldanyi tugul, eng' saboondanyi tugul ak eng' kamugennyi tugul, ko uu Ng'atuutik tugul che po Musa.

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 17:3

Ki mi Kamuktaindet ne Toroor ak Jehoshaphat amu kiwendote ortinwek che po tai che po kwandanyi Daudi. Ki ma cheeng' `ineendet Baalik,

2 ATEPTAP PEETUUSYEK 6:16

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu, ngot koriip lagoguk ortinwekwak, kobendatee ng'atuutyennyu, ko uu ye ki iwendote tainnyu.’

2 ATEPTAP PEETUUSYEK 7:18

agimiit anyun ng'echereetap laitornatet ne po pounateng'ung', ko uu ye ki ayai arorutyet ak Daudi kwandang'ung' aleenji, ‘Ma petenen chiito ne egu pounindet eng' Israel.’

TIENWOGIKAL 119:9

Itiliile nee mureno ooreennyi? Kogas iit, ko uu ng'olyoondeng'ung'.

TIENWOGIKAL 37:22

Amu che ki koberuur Kamuktaindet ne Toroor, kobunjin emet; ago che ki kochup kiwong'u.

TIENWOGIKAL 37:9

Amu kiwong'u che yaei yaityo, ago namei emet che igeni Kamuktaindet ne Toroor.

TIENWOGIKAL 39:1

Ki amwa ale, ariibe ortinwekyuk, si ma mwa `ng'elyeptanyu tengek. Ageree kutinnyu `karnet, ye ta komi tainnyu kiptengeginik.

JEREMIA 33:17

Amu mwaei Kamuktaindet ne Toroor kole: Ma koi petyi chii Daudi ne tebee ng'echereetap laitornatet ne po kootap Israel;

ATEPTAP LAWIK 26:3

“Ngo pendate kaneetisyosyekyuk ak oriip ng'atuutikyuk, ak oyai,

SEKARIA 14:2

Amu tuun ayumi pororyosyek tugul kobookyi Jerusalem kobargei; ak kenam nganaseet ak keluul kooriik, ak kesuup kwonyiik: ak kimut kebebertap nganaseet koek luulenik, ama ki parei piik che kang'et eng' nganaseet.

MATAYO 22:37

Ak ki wolji koleenji, “Cham Kiptaiyat Kamuktaindet ne Toroor neng'ung' eng' muguleldang'ung' komugul, eng' saboondang'ung' komugul ak eng' ng'omnateng'ung' komugul.

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

NG'ATUTIK 10:12

“Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

NG'ATUTIK 11:13

Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul,

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

NG'ATUTIK 7:12

Ye ogas kirwoogutichu, oriip ak oyai, si koriip anyun Kamuktaindet ne Toroor Kamuktaindeng'ung' kayomiset ak rireenet eng' inyee ne ki iyasyechi kwanisyeguk.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,