1 KORINTOEK 8:13 - BUKUIT NE TILIIL Sireet ne Dutero Kanon

¹³ Nooto anyun, ngot konachi amitwogik ne kitupche, koma aame panyeek agoi, si ma nach ne kitupche.

Bukuit Ne Tilil

¹³ Nooto anyun, ngot konachi amitwogik ne kitupche, koma aame panyeek agoi, si ma nach ne kitupche.

BUKUIT NE TILIL

¹³ Noto anyun, ngot konachi amitwogik ne kitupche, ko ma aame banyek agoi, si manach ne kitupche.

1 KORINTOEK 8:13 Referencias Cruzadas

MATAYO 17:27

Si ma kinach icheek, iwe araraita ak iwiirchi ndoanet, ak injiryo ne kamong' ne tai, inam; ak ye kaiyat kutinnyi, inyooru shekel nam nooto, ak igoite agobo anee ak inyee.

POISYONIGAP CHE KIYOKTOI 15:20

ago ongesirchi icheek keleenji kotabaanegei murwoonindap kanamonik, ak sokseet, ak ne po tuguuk che kagiget, ak korotiik.

ROMANIK 14:13

Nooto anyun, amat kota kirwookyigei kogeny: ago kaigai orwooch ko uu ni keele amat konde chii kanagut ooreetap ne tupcho, anan kiy ne igoochin kobut.

ROMANIK 14:21

Myee ngot koma ki am panyeek, anan kee maiyek, anan keyai kiy age tugul ne inachi ne otupche.

1 KORINTOEK 10:32

Amonach Yahudik anan Yunanik, anan kanisetap Kamuktaindet:

1 KORINTOEK 10:33

agot ko uu ye aboiboi piik tugul eng' tuguuk tugul, ma cheeng'e kelunennyu aneege, ago kelunet ne po che chaang', si kobiit kesar.

1 KORINTOEK 13:5

ama yaei ne ma nyolu, ama cheeng'jingei chechiik ineegei, ama iiti tagisyet, ama iiti yaityo;

1 KORINTOEK 6:12

Chamdaat tuguuk tugul eng' anee; ago ma tuguuk tugul che nyolu. Chamdaat tuguuk tugul eng' anee; ago ma mache koboiywa age tugul eng' chooto.

1 KORINTOEK 9:12

Ngot kotinyei piik alak yamdaet eng' kamugoniito koboiywok, ko tos ma kisiirtoot? Ago ma kiboisyee acheek kamugoniito; ago kimuitoi eng' tuguuk tugul, si ma ki kirinde logoiywek che myach che po Kristo.

2 KORINTOEK 11:29

Ng'oo ne nyalulat, ama aa nyalulat anee? Ng'oo ne koginach, ama agas agane ng'wanindo?

2 KORINTOEK 6:3

ama ki yai kiy age tugul ne po kanagut, si ma kimwaitae poisyennyo yaityo;