1 KORINTOEK 6:9 - BUKUIT NE TILIIL Sireet ne Dutero Kanon

⁹ Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

Bukuit Ne Tilil

⁹ Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

BUKUIT NE TILIL

⁹ Anan mongen ole matun nyoru icheget che ma bo iman bounatetab Jehovah? Amat kiberberak: mami eng’ che soksei, anan che saei kanamonik, anan che kibegei, anan chemulkwonyinik, anan chemogorgoinik,

1 KORINTOEK 6:9 Referencias Cruzadas

TAUNET 19:5

Ki kuur `icheek Lot ak koleenji, “Ngorcho piik che ketaach eng' koong'ung' kemouni? Imutwech kobwa saang', si kobiit kenai icheek.”

KOMONG'U 23:1

“Amemwaate ng'aleek che po lembech. Amonamge ak kiptengekyot iegu paoryat ne ma po iman.

KALEWANAIK 11:1

Wechei Kamuktaindet ne Toroor kerutyet ne ma po iman, ago chamei Kamuktaindet ne Toroor kerutyet ne po iman.

KALEWANAIK 22:8

Ineendet ne koolei tengekto kogesei nyalilda, ak petei kirokto ne po nereeknatennyi.

KALEWANAIK 7:27

Koonnyi ko ooreet ne wendi ye mi che ki kobek, ne choorchingei kooriigap meet.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

EZEKIEL 18:11

ama yaei age eng' poisyonichuuto, ago kigoamisye tuloonook, ak ki kong'wanit osotyotap chiitap kokwennyi,

ATEPTAP LAWIK 18:20

Amat oipkei ak osotyotap chiitap kokweng'ung', omurwongei ak ineendet.

ATEPTAP LAWIK 18:22

“Amoruiye ak muren ko uu ye ruitos chii ak osotyo; etan nooto.

ATEPTAP LAWIK 19:15

“Amat oyai ne ma po iman eng' kirwooget; ametiytiy kibananook anan igonyit che eecheen; ago irwookyi chiitap kokweng'ung' eng' imanda.

ATEPTAP LAWIK 20:13

Ngo ruiyo mureno ak muren, ko uu ye ruitos ak kobogorisyek, kagoyai tuwai kiit ne samis. Kibarei iman, ak tebee icheek korotiikwak.

SEKARIA 5:3

Kimwaiwo anyun koleenjo, Niito ko chubisyet ne wendi koyomu emet komugul: amu age tugul ne choorsei keistoi eng' komosi ko uu ye mwaei; ak age tugul ne iyastos keistoi eng' komosin ko uu ye mwaei kitabuunooto.

MATAYO 19:29

Ak age tugul ne ki kobagakta kooriik, anan ng'eetap kametwagik, anan chepkametwagik, anan kwanda, anan kamet, anan lagok, anan mbareenik, agobo kainennyu, kotaachei konyil pogol, ak koboor eng' saboondap koigeny.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

LUKA 21:8

Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

POISYONIGAP CHE KIYOKTOI 24:25

Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

ROMANIK 1:18

Ki keng'aany nereegegap Kamuktaindet kobun kipsengwet agobo pistoet tugul ak yaityet tugul ne po piik, che kirindoi imanit eng' yaityet;

1 KORINTOEK 15:33

Among' kiberberak: Ng'emei choronok che yaach atepto ne myee.

1 KORINTOEK 15:50

Amwae ni anyun, tupchosyechu, ale ma imuuchi panyeek ak korotiik konyoor laitornatetap Kamuktaindet; amaimuuchi ne nunei konyoor ne manunei.

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

1 KORINTOEK 5:1

Mwaat komyee keele miitei ibeetapkei kwenung'wong', ibeetapkei ne ma mi agot eng' Pororyosyek, keele ibegei chii ak osotyotap kwandanyi.

1 KORINTOEK 5:10

ma mwaei ale otabaanegei miising' che soksei che po ng'wonyuni, anan kipkeinik anan rebiik, anan che saaei kanamonik; amu nda uu nooto ta kanyooljok omande eng' ng'wony:

1 KORINTOEK 5:11

ago nguno asirwok, ale amonamge ak chii age tugul ne kiguure tupchet, ne soksei, anan kipkeiyat, anan ne saaei kanamonik, anan ne chubisyei, anan kibogityot, anan rebindet; amat oamjine ak chiito ne uu nooto, achicha.

1 KORINTOEK 6:10

anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

1 KORINTOEK 6:18

Omwee ibeetapkei. Tengek age tugul ne yaei chii komiitei saang'utap poorto; ago ineendet ne yaei ibeetapkei koyachin poortanyi tengekto.

1 KORINTOEK 6:19

Anan, tos mongen ole poorwekwok ko Hekaluut ne po Kabuuset ne Tiliil ne miitei eng' okweek, ne otinye eng' Kamuktaindet? Ama oo pogei okweegei;

1 KORINTOEK 9:24

Mongen ole icheeget che ibelegei eng' labatet korwaei tugul, ago agenge ne nyooru konunet? Orwai anyun, si onyooru.

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

GALATYEK 6:7

Amat kegenaak; ma kigengenie Kamuktaindet; amu kiit age tugul ne koolei chii, kotun kesei nooto agine.

NG'ATUTIK 22:22

“Nginyooru chii ne ibegei ak kwondo ne ki kitunji chiito age, kebarei tuwai; chiichooto kobooto kwonyooto. Iste anyun ko uu nooto yaityet eng' Israel.

NG'ATUTIK 22:5

Amat kolaach kobogoryondo che po murenik anan kolaach mureno ngoryeet ne po kobogoryo. Amu age tugul ne yaei tuguuchuuto ko wegot eng' Kamuktaindet ne Toroor Kamuktaindeng'ung'.

NG'ATUTIK 23:17

“Amat kobiit chepkugonio eng' tiibiigap Israel anan eng' weeriigap Israel.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

HEBRANIK 12:16

si ma piit ne soksei, anan chiito ne ma iywei Kamuktaindet, ko uu Esau, ne ki alda etunatennyi ne po sigeet agobo amdit agenge.

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

JAKOBO 1:16

Amat ongegenaak, chamanikyuk che kitupche.

1 JOHANA 3:7

Lagochu mengech, among' kobeetook chii: ineendet ne yaei imanda ko po imanda ko uu ye po imanda ineendet:

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.

KIRUOGIK 19:22

Ye kita koboiboi mugulelwekwak, ogeero, ki pwa murenigap nganasanooto, weeriigap Belial, koyiem koot ak kobir kurgeet. Ki ng'alaalji `icheek poiyondonooto, chiitap ko po koot, koleenji, “Imoong'u chiichi kanyo koong'ung', si kobiit kesuup.”