1 KORINTOEK 13:2 - BUKUIT NE TILIIL Sireet ne Dutero Kanon

² Ak ngot atinye konunetap maonateet, ak angen ung'ootik tugul ak naet tugul, ak ngatinye kayaneet tugul, kot amuuch autoe tuloonook, ago ma tinye chamyet, ko aa puch.

Bukuit Ne Tilil

² Ak ngot atinye konunetap maonateet, ak angen ung'ootik tugul ak naet tugul, ak ngatinye kayaneet tugul, kot amuuch autoe tuloonook, ago ma tinye chamyet, ko aa puch.

BUKUIT NE TILIL

² Ak ngot atinye konunetab maoinatet, ak angen ung’otik tugul ak naet tugul, ak ngatinye kayanet tugul, kot amuch autoe tulonok, ago matinye chamnyet, ko a buch.

1 KORINTOEK 13:2 Referencias Cruzadas

MATAYO 13:11

Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

MATAYO 17:20

Ki leenji, “Amu otinye kayaneet ne ming'in. Amwaiwok iman ale ndotinye kayaneet ne tee keswootap karadali, ta ngo mwachi tulwooni oleenji, ‘Inakte ui oliin,’ konaktoi; ak ta ma mi kiy ne ma imugaksei eng' okweek.”

MATAYO 21:19

Kingo keer mogoywet eng' tabandap ooreet, kwo ole mi ago ma nyoorchi kiy kobatee sogeek kityo. Ak ki leenji keetoto, “Kobooch ra, koma iyie logoek kogeny agoi!” Ak koma tyanit kores mogoywondonooto.

MATAYO 21:21

Ki wolji Jeso koleenji, “Amwaiwok iman ale, ngo tinye kayaneet, amosage, ko moyae ne kageyachi mogoywondoni kityo, ago agot ngo mwachi tulwooni oleenji ‘Ngesutin ak kewiirchin araraita,’ koyaaksei.

POISYONIGAP CHE KIYOKTOI 13:1

Eng' kaniset ne ki mi Antiok ko ki mi maotik ak kaneetik: Barnaba, Simion ne ki kiguure Niger, Lukio ne po Kurene, Manaen ne ki kigui kobooto kirwoogindet Herod, ak Saulo.

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

ROMANIK 15:14

Ak kaanai aneendet agine agobo okweek, che kitupche, ale oo nyiitootiin eng' myeeindo, oo nyiitootiin eng' naet tugul, ak kogeny, omuuchi otigongei.

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

1 KORINTOEK 11:4

Muren age tugul ne saaei anan koamdoi logoiywek ko kerat metit, ko kagoteweer metinnyi.

1 KORINTOEK 12:28

Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

1 KORINTOEK 13:1

Agot ndang'alaale kutusweegap piik ak che po malaikaisyek, ama tinye chamyet, ko kaegu sugunwet ne cheei, anan sanitap sugunwet ne polei.

1 KORINTOEK 13:3

Ak ngot agoite tuguukyuk tugul abae kibananook, ak ndagoite poortanyu kebeel, ago ma tinye chamyet, ko magelwo kiy.

1 KORINTOEK 13:8

Mararu chamyet agoi: ago ngo miitei maonatosyek, kotun igeesugei; ngo mi kutusweek che teerchiin, kotun siistos; ngo mi naet, kotun igeesugei.

1 KORINTOEK 14:29

Ak ingong'alaalso maotik aeng'u anan ko somok; ingoguiyo alage.

1 KORINTOEK 14:39

Nooto anyun, che kitupche, ocheeng' miising' oamde, amat oet keng'alaal eng' kutusweek che ma kigasei.

1 KORINTOEK 14:4

Ineendet ne ng'alaali eng' kutit koteechegei ineegei; ago ineendet ne amdoi koteechei kaniset.

1 KORINTOEK 15:51

Ogeero, amwaiwok ung'ootyet: Ma kiruitosi acheek tugul, ago kiwalech acheek tugul,

1 KORINTOEK 16:22

Ngot koma chamei chii age tugul Kiptaiyat, ko ingoek ne chuboot. Maran-atha.

1 KORINTOEK 4:1

Ingoitech anyun chii kole ki kiboitinigap Kristo, ak riibiik che po ung'ootigap Kamuktaindet.

1 KORINTOEK 7:19

Ma kiy kamuratanet, ak ngo ma kimuratan koma kiy; ago keriip ng'atuutigap Kamuktaindet.

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

2 KORINTOEK 12:11

Kaaberberitu: ki obircha; amu kota nyolu oloswa okweek: amu ki ma aa po let eng' kiy age tugul eng' che koiyooktoi che eecheen kosiir, agot ngo ma aa kiy.

GALATYEK 5:16

Amu amwae anyun ale, Obendoti eng' Kabuuset ne Tiliil, si moyai mageetap poorto.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

GALATYEK 6:3

Amu ngot kobwaategei chii kole aa kiy, ago kaagaa ma kiy, koberberegei ineegei.

EPESOEK 3:4

si, ye osomani, omuuchi oguiye ng'omnatennyu eng' ung'ootyetap Kristo;

EPESOEK 6:19

Ak agobo anee, si kobiit kegoono tweguunet, ayaat kutinnyu, abarta eng' nyiganateet ung'ootyet ne po logoiywek che myach,

KOLOSAIK 1:26

ung'ootyet ne ki kiuny kobooch kenyiisyek tugul che ki kosiirto ak ibinwek: ago nguno, ko kagiboorchi chechiik che tiliileen,

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

1 JOHANA 4:8

Ineendet ne ma tinyei chamyet koma ingen Kamuktaindet; amu Kamuktaindet ko chamyet.