1 KORINTOEK 12:8 - BUKUIT NE TILIIL Sireet ne Dutero Kanon

⁸ Amu kigoochin chiito age ng'olyootap utaatyet eng' Kabuuset ne Tiliil; ak kigoochin age ng'olyootap naet, eng' Kabuusonooto:

Bukuit Ne Tilil

⁸ Amu kigoochin chiito age ng'olyootap utaatyet eng' Kabuuset ne Tiliil; ak kigoochin age ng'olyootap naet, eng' Kabuusonooto:

BUKUIT NE TILIL

⁸ Amu kigochin chito age ng’olyotab ng’omnatet eng’ Tamirmiriet; ak kigochin age ng’olyotab naet, eng’ Tamirmirionoto:

1 KORINTOEK 12:8 Referencias Cruzadas

NEEMIA 9:20

Ki igoochi kogeny icheek Kabuuseng'ung' ne myee koneet, ama ietee icheek koam mana, ak inage peek amu meleldanywa.

Kitabuutap JOB 32:8

Ago mi `kabuuset chiito, igoochin kabuusetap `Ineendet Ne po Kamuktaet icheek kaguiyet.

TIENWOGIKAL 143:10

Ineeta ayai mageng'ung'; amu inyee ko ii Kamuktaindennyu. Myee kabuuseng'ung'; ingondoiywa eng' emetap lititindo.

KOMONG'U 31:3

ak kaanyiit ineendet Kabuuset ne po Kamuktaindet, ng'omnateet, kaguiyet ak naet, konai ole teptoi poisyet age tugul ne po musoknateet.

KALEWANAIK 2:6

Amu igoitoi `Kamuktaindet ne Toroor utaatyet, mang'une kutinnyi naet ak kaguiyet.

ISAIAH 50:4

Ki koono Kiptaiyat Kamuktaindet ne Toroor ng'elyepta ne po icheeget che ki kineet, si kobiit anai ole agimiititoi eng' ng'aleek ineendet ne ng'etat: ing'eetisyei karonet age tugul, ing'eeta si kobiit agas ko uu che ki kineet.

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

MATAYO 13:11

Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

POISYONIGAP CHE KIYOKTOI 6:3

Ko uu nooto anyun, che kitupche, ocheeng' piik tisap eng' okweek che taagunotiin keele myachen, che nyiitootiin Kabuuset ne Tiliil ak utaatyet, che kimuuchi kinde poisyoni.

ROMANIK 15:14

Ak kaanai aneendet agine agobo okweek, che kitupche, ale oo nyiitootiin eng' myeeindo, oo nyiitootiin eng' naet tugul, ak kogeny, omuuchi otigongei.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 1:5

amu kigeyaak oegu mogoreek miising' eng' ineendet eng' kiy age tugul, eng' ng'aleek tugul, ak naet tugul;

1 KORINTOEK 13:2

Ak ngot atinye konunetap maonateet, ak angen ung'ootik tugul ak naet tugul, ak ngatinye kayaneet tugul, kot amuuch autoe tuloonook, ago ma tinye chamyet, ko aa puch.

1 KORINTOEK 13:8

Mararu chamyet agoi: ago ngo miitei maonatosyek, kotun igeesugei; ngo mi kutusweek che teerchiin, kotun siistos; ngo mi naet, kotun igeesugei.

1 KORINTOEK 14:26

Nee anyun, che kitupche? Ye oyumgei, kotinyei age tugul tyendap kalasunet, ak kaneetisyet, ak ng'ang'utyet, ak kutit ne ma kigasei, ak kaweegetap ng'aleek. Ingoyaogis tuguuk tugul koteegogis.

1 KORINTOEK 14:6

Ago nguno anyun, che kitupche, ngot Anyoonjok ang'alaalee kutusweek, atoretenok nee, ngot koma ng'alaalwok eng' ng'ang'et, anan eng' naet, anan eng' amdaet, anan ko eng' kaneetisyet?

1 KORINTOEK 2:11

Amu tos ng'oo chii ne ingen tuguugap chii kobatee muguleldap chiichooto ne miitei ineendet? Ko uu nooto ma mi chii ne ingen tuguugap Kamuktaindet, kobatee Kabuuset ne po Kamuktaindet.

1 KORINTOEK 2:16

Amu ng'oo ne ki konai kabwaatutigap Kiptaiyat, si kobiit koneet ineendet? Ago ki tinyei acheek kabwaatutigap Kristo.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

2 KORINTOEK 11:6

Agot ngo uu ng'alaalennyu ne po chii ne ma ineetkei, koma uu nooto eng' naet; achicha, ki kibartech acheek eng' okweek eng' kiy age tugul eng' kwenutap piik tugul.

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 KORINTOEK 6:6

eng' tiliilindo, eng' naet, eng' mutyonet, eng' talasyet, eng' Kabuuset ne Tiliil, eng' chamyet ne ma tinyei keniisyet,

2 KORINTOEK 8:7

Ago ko uu ye otinye aiyebindo eng' kiy age tugul, eng' kayaneet, ak tweguunet, ak naet, ak eng' kagiiletapkei tugul, ak eng' chamyeng'wong' ne oting'enech, ingonyiiak anyun myeiniito agine.