1 KORINTOEK 10:13 - BUKUIT NE TILIIL Sireet ne Dutero Kanon

¹³ Ki ma namak yoomseet kobatee nooto ne imuuchi komuitae chii tugul; ago po iman Kamuktaindet ne ma chamdook keyomak kosiir ne tee ne omuuchi; ago kobooto yoomsonooto koyaei agine ooreet ne ochilile, si kobiit omuuch omuite.

Bukuit Ne Tilil

¹³ Ki ma namak yoomseet kobatee nooto ne imuuchi komuitae chii tugul; ago po iman Kamuktaindet ne ma chamdook keyomak kosiir ne tee ne omuuchi; ago kobooto yoomsonooto koyaei agine ooreet ne ochilile, si kobiit omuuch omuite.

BUKUIT NE TILIL

¹³ Kima namak yomset kobate noto ne imuchi komuitae chi tugul: ago bo iman Jehovah ne machamdook keyomak kosiir ne te ne omuchi; ago koboto yomsonoto koyaei agine oret ne ochilile, si kobiit omuch omuite.

1 KORINTOEK 10:13 Referencias Cruzadas

TIENWOGIKAL 124:7

Chilildos saboonwekyok ko uu ye chilili toriityon eng' mesteetap kiplogotinik che parei toriitik; kagong'et mesteet, ak kagechililse.

TIENWOGIKAL 125:3

Amu ma laitorani kirokto ne po tengekto eng' ye mi che po iman; si ma iyogoochi che po iman, eunekwak tengekto.

TIENWOGIKAL 36:5

Itei chamyeng'ung' ne tala kipsengwet, ee Kamuktaindet ne Toroor; ak itei parak imandang'ung'.

TIENWOGIKAL 89:33

Ago ma istoi rireenennyu kot kogestagei eng' ineendet, Amayae koek puch imandanyu.

KOMONG'U 3:17

Ak kaatil ale, Amutwok otogosu omang'une nyalildap Misiri, agoi oit emetap Kanaanik, Hitik, Amorik, Perisik, Hibik, ak Jebusik, emet ne nyiitaat cheego ak komi kumyat eng' chaang'indo.”

ISAIAH 11:5

Ak egu imanda pireneet ne rategei, ak koek kayaneet ne kiyani pireneet ne rategei.

ISAIAH 25:1

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

JEREMIA 12:5

Ngot ko ki orwai ak piik che punei keelyek, ak kigogoonin ing'et, Ko tos imuktoi ano anyun obargei ak paraisisyek? Agot ngot itebye eng' chametapkei eng' emetap kaalyeet, iyae nee anyun ye kanyi peek Jordan miising'?

JEREMIA 29:11

Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

RIREKAB JEREMIA 3:23

Leelachen rireenosyekyik karonet age tugul; oo imandang'ung'.

HOSEA 2:20

Achobe atunin eng' imanda; ak inai Kamuktaindet ne Toroor.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

LUKA 11:4

Nyoiywech kaat tengekwogikyok; ko uu ye kinyoe kaat acheek pesenwogikyok. Amemutech ole mi yoomseet.’ ”

LUKA 16:26

Ak ne siirei chu tugul, ko ki kinde chemng'eisut ne oo ne ioitoseech acheek ak okweek, si che machei kolong' olo omi koma imuuchi, ak che machei kolong' ole ki mi koma imuuchi.”

LUKA 22:46

ak ki leenji icheek, “Kalya si oruiye? Ong'eetyee, osaa, si mochut yoomseet.”

POISYONIGAP CHE KIYOKTOI 27:44

ak ki pun alage pagoinik, kobun alage tuguuk alak che po meeliit. Kolong'ji anyun tugul emet kochamegei.

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

2 KORINTOEK 1:10

ne kisarwech eng' meet ne oo ne tee ni, ak ta kosarwech: ne kimang'u keele ta ko sarwech kogeny;

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

1 THESSALONIKEK 5:24

Ineendet ne kuurok ko ineendet ne kiyani, ne yaei nooto agine kosulda.

2 THESSALONIKEK 3:3

Ago po iman Kiptaiyat, ak igimitok ak koriibok eng' nooto ya.

2 TIMOTEO 4:18

Sarwo Kiptaiyat eng' poisyet age tugul ne ya, ak kosarwo agoi ait laitornatet ne po kipsengwet: nenyi toroornatet koigeny ak koigeny. Amen.

HEBRANIK 10:23

ongenam miising' ng'ang'eetap kamang'unennyo si mawalak; amu iman ineendet ne ki iaroru:

HEBRANIK 11:11

Ki sich agot Sara agine kimnateet eng' kayaneet komanach ko kagosiirto kenyiisyekyik, amu kiit kole po iman ineendet ne ki iarorchi ineendet:

HEBRANIK 12:4

Tom oyai lugeet kot kotumdagei korotiik, obaregei ak tengekto:

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

1 PETERO 4:19

Nooto anyun ingogoito saboonwekwak che nyalildos ko uu mageetap Kamuktaindet kogoochi eng' yaeet ne myee Yaindet ne kiyani, koriip.

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

1 SAMUEL 29:10

Nooto anyun, muste karon kobooto otwogigap kiptaiyandeng'ung' che koobwane tugul: ak ye ong'eetyee karon ko kaeech ko kalapkeit, obe.”