1 KORINTOEK 1:9 - BUKUIT NE TILIIL Sireet ne Dutero Kanon

⁹ Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

Bukuit Ne Tilil

⁹ Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

BUKUIT NE TILIL

⁹ Jehovah ko ne kiyani, kigeguurok eng’ inendet obwanji yamdaetab Werinnyi Jesu Kristo Kiptaiyandennyo.

1 KORINTOEK 1:9 Referencias Cruzadas

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

ISAIAH 11:5

Ak egu imanda pireneet ne rategei, ak koek kayaneet ne kiyani pireneet ne rategei.

ISAIAH 25:1

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

ROMANIK 11:17

Ago ngot ko ki kiiri mooriik alak, ak inyee ne ii mseitunitap timiin, ko ki kinamnyenen icheek eng' kwenunnywa, ak ki oyamde kobooto icheeget ne po tigityot ak akwaiyetap mseituni;

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

ROMANIK 9:24

agot acheek che ki kuurech, ma eng' Yahudik kityo, ago eng' Pororyosyek ak icheek?

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 10:13

Ki ma namak yoomseet kobatee nooto ne imuuchi komuitae chii tugul; ago po iman Kamuktaindet ne ma chamdook keyomak kosiir ne tee ne omuuchi; ago kobooto yoomsonooto koyaei agine ooreet ne ochilile, si kobiit omuuch omuite.

1 KORINTOEK 10:16

Kigombetap kaberuret ne kiberuuri, ko tos ma yamdaet ne po korotiigap Kristo? Magatyat ne kibuutuli, ko tos ma yamdaet ne po poortap Kristo?

2 KORINTOEK 1:18

Ago ko uu ye po iman Kamuktaindet, ng'olyoondennyo eng' okweek koma ee ak achicha.

GALATYEK 1:15

Ago ye kingo cham Kamuktaindet, ne kiitabaana, kobooch moetap kamennyu, ak koguura eng' myeeindonyi,

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

EPESOEK 3:6

keele, Pororyosyek ko yamdoigap nametap tuguuk, ak yamdoigap kebeberwegap poorto, ak yamdoigap arorutyet eng' Kristo Jeso eng' logoiywek che myach,

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

2 THESSALONIKEK 2:14

kiguurok anyun eng' chooto eng' logoiywekyok che myach, si kobiit onyooru toroornatetap Kiptaiyandennyo Jeso Kristo.

2 THESSALONIKEK 3:3

Ago po iman Kiptaiyat, ak igimitok ak koriibok eng' nooto ya.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 TIMOTEO 2:13

ngo ma ki po iman, kotebyei ineendet eng' iman; amu ma imuuchi koeesyogei.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

HEBRANIK 10:23

ongenam miising' ng'ang'eetap kamang'unennyo si mawalak; amu iman ineendet ne ki iaroru:

HEBRANIK 11:11

Ki sich agot Sara agine kimnateet eng' kayaneet komanach ko kagosiirto kenyiisyekyik, amu kiit kole po iman ineendet ne ki iarorchi ineendet:

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

1 JOHANA 4:13

kingen eng' niito keele kimenye eng' ineendet ak komenyech ineendet, amu ki kogoonech keyamde kobun Kabuusennyi ne Tiliil.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.