1 KORINTOEK 1:2 - BUKUIT NE TILIIL Sireet ne Dutero Kanon

² kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

Bukuit Ne Tilil

² kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

BUKUIT NE TILIL

² kisirjini kanisetab Jehovah ne mitei Korinto, ichek che kigitaban eng’ Kristo Jesu, che kigiguur koek che tililen, koboto tugul che kuurei kainetab Kiptaiyandennyo Jesu Kristo eng’ komosta age tugul, Kiptaiyandenywa ak ko nenyo:

1 KORINTOEK 1:2 Referencias Cruzadas

TAUNET 12:8

Kiu kwo eng' olooto kotokyigei emetap tuloonook eng' komostap kong'asiis ne po Bethel, ak koteech emainnyi, si eng' komostap cherongo, ko ki mi Bethel, ko eng' komostap kong'asiis, ko Ai. Ki teekyi kaptisisyet Kamuktaindet ne Toroor eng' olooto, ak ki kuur kainetap Kamuktaindet ne Toroor.

TAUNET 4:26

Ki sich Seth agine weeriit ne kiguure Enos. Kong'etee yooto anyun kotoi piik koguur kainetap Kamuktaindet ne Toroor.

TIENWOGIKAL 45:11

ak kocham anyun laitoryat karaaranindang'ung'. Amu ineendet ko kiptaiyandeng'ung'; igutung'ji anyun ineendet.

POISYONIGAP CHE KIYOKTOI 10:36

Ng'olyoot ne ki iyookyi ineendet piigap Israel, ko koamda ng'aleek che myach che po kaalyeet eng' Jeso Kristo, ineendet ko Kiptaiyat ne po tugul.

POISYONIGAP CHE KIYOKTOI 15:9

ak ki ma ibesyech ak icheeget, ye ki itiliili mugulelwekwak eng' kayaneet.

POISYONIGAP CHE KIYOKTOI 18:1

Kingo pata tuguuchu kwo Paulo eng' Athens, ak koit Korinto.

POISYONIGAP CHE KIYOKTOI 22:16

Ta igeni nee anyun nguno? Ng'eet kibatisanin, ak kiuundo tengekwogiguk iguure kainennyi.’

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

POISYONIGAP CHE KIYOKTOI 9:13

Ago ki wol Anania kole, “Kiptaiyat, ki agas eng' piik che chaang' agobo chiichito, ole tee yaityet ne ki koyachi piiguk che tiliileen eng' Jerusalem;

POISYONIGAP CHE KIYOKTOI 9:14

ak tinyei eng' yuto kimnateet ne punu tisiik che eecheen si korat tugul che kuurei kaineng'ung'.”

POISYONIGAP CHE KIYOKTOI 9:21

Ki kwong'yo tugul che ki kas ineendet ak kole, “Tos ma chiichi ne kotar piik eng' Jerusalem, icheeget che cham koguurei kainani? Ak kogonyo oli agobo ng'olyoondoniito si kobiit komut icheek ko ratotiin koba taitap tisiik che eecheen.”

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

ROMANIK 10:12

Amu ma mi kabesyet eng' Yahudyot ak Yunanindet; amu Kiptaiyandanooto ko Kiptaiyatap tugul ak aiyeep eng' icheek tugul che kuurei ineendet.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 10:32

Amonach Yahudik anan Yunanik, anan kanisetap Kamuktaindet:

1 KORINTOEK 12:27

Nguno anyun, okweek ko oo poortap Kristo, ak oo kebeberwegap poroto, age tugul eng' okweek.

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

2 KORINTOEK 1:1

Paulo, kayooktoindet ne po Kristo Jeso eng' mageetap Kamuktaindet, ak Timoteo tupchennyo, kisirchini kanisetap Kamuktaindet ne miitei Korinto, kobooto che tiliileen tugul che miitei Akaia komugul:

2 KORINTOEK 4:5

Amu ma ki amdoti agobo kei, ago Kristo Jeso ne Kiptaiyat, ak acheeget ko ki otwogikwok amu Jeso.

GALATYEK 1:2

ak tupchosyek tugul che mi kobooto, kisirchini kanisosyek che po Galatia.

EPESOEK 5:26

si kobiit kotabaan, ko kagotiliil eng' kaunetap peek eng' ng'olyoot,

1 THESSALONIKEK 1:1

Paulo, Silvano ak Timoteo, kisirchini kanisetap Thessalonikek eng' Kamuktaindet Kwanda ak Kiptaiyat Jeso Kristo. Ingotep kobootok myeeindo ak kaalyeet.

1 THESSALONIKEK 4:7

Amu ki ma kuurchech Kamuktaindet simdo, ago eng' tiliilindo.

2 THESSALONIKEK 1:1

Paulo, ak Silvano, ak Timoteo, kisirchini kanisetap Thessalonikek eng' Kamuktaindet Kwandanyo ak Kiptaiyat Jeso Kristo:

1 TIMOTEO 2:8

Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

2 TIMOTEO 2:22

Ago mwee maguutik che po neranik, ak isup imanda, chamyet, kayaneet, kaalyeet, kobooto icheeget che kuurei Kiptaiyat eng' mugulelwek che tiliileen.

HEBRANIK 10:10

Ki kitiliilech anyun eng' ma ko nooto eng' kagoitoetap poortap Jeso Kristo konyil agenge ak koyam.

HEBRANIK 13:12

Nooto anyun, kinyalil Jeso agine eng' ormariich saang', si kobiit kotiliil piik eng' korotiikyik.

HEBRANIK 2:11

Amu ineendet ne itiliilisyei ak icheek che kitiliili kobunu agenge: eng' nooto anyun koma keerei ineendet kalilanet koguure icheek che kitupche,

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”