1 JOHANA 5:16 - BUKUIT NE TILIIL Sireet ne Dutero Kanon

¹⁶ Ngot kogeer chii tupchennyi koyaei tengekto ne ma po meet, kosoom, si kogoochi Kamuktaindet saboondo agobo icheeget che kayai tengekto ne ma po meet. Mi tengekto ne po meet; ma mwaei ale kosoom agobo nooto.

Bukuit Ne Tilil

¹⁶ Ngot kogeer chii tupchennyi koyaei tengekto ne ma po meet, kosoom, si kogoochi Kamuktaindet saboondo agobo icheeget che kayai tengekto ne ma po meet. Mi tengekto ne po meet; ma mwaei ale kosoom agobo nooto.

BUKUIT NE TILIL

¹⁶ Ngot kogeer chi tupchennyi koyaei tengekto ne ma bo meet, kosom, si kogochi Jehovah sobondo agobo icheget che kayai tengekto ne ma bo meet. Mi tengekto ne bo meet: mamwae ale kosom agobo noto.

1 JOHANA 5:16 Referencias Cruzadas

TAUNET 20:17

Ki sa anyun `Abraham Kamuktaindet, ak ki isoop `Kamuktaindet Abimelek, ak kwondonyi, ak chebaigeinikyik, ak ki sich lagok.

TAUNET 20:7

Ara anyun imutyi nguno kwonyi chiitap ko po, amu maotyoo inee si kosaun si isap. Ago ngot ko meweekte, inai ile imee ne matiny, inyee, ak tuguuk tugul che itinye.”

TIENWOGIKAL 106:23

Ki mwa anyun kole ng'emei ineendet icheek amu nooto, nda ki ma tonon Musa, nenyi ne ki kilewen eng' tainnyi kota oiyo, koweekta nereegekyik, si ma par icheek.

KOMONG'U 34:9

Yeityo komwa kole, “Ngo kaanyooru nguno chameet eng' taing'ung', Ee Kiptaiyat, asaain ale ingocham Kiptaiyat keebe tugul amu uueen kaat pichu. Nyoiywech kaat tengekwogikyok ak chalwogikyok ak inamech keegu poroteng'ung'.”

JEREMIA 11:14

Amesaa anyun agobo pichu, ameriir anan isaa agobo icheek. Amu ma agase icheek eng' peetuut ne riirchino amu nyalildanywa.”

JEREMIA 14:11

Ak kimwaiwo Kamuktaindet ne Toroor koleenjo, “Amat isaa isomji pichu myeeindo.

JEREMIA 7:16

Ara anyun inyee Jeremiah, ko mat isaa agobo pichu, agot iriirchi ko matiriirchi, mat isaachi anan isaa. Amu ma kasun.

EZEKIEL 22:30

Ki acheeng' anyun chii eng' kwenunnywa, si kotuur ng'ootweet, ak kotonon eng' tainnyu eng' ole kibutok, agobo emet, si ma ng'em emonooto: ago ma anyooru chii.

KAITOSYEK 12:13

Ki riirchi anyun `Musa Kamuktaindet ne Toroor koleenji, “Ee, Kamuktaindet ne Toroor asaain ale isoop ineendet.”

KAITOSYEK 15:30

“Ago chiito ne yaei kiy age tugul kokwetyin, ngo neng'wong' anan kipsagarin, ko kachup `chiichooto Kamuktaindet ne Toroor, ak nyolu king'etoi chiichooto eng' piikyik.

LUKA 12:10

Ak age tugul ne mwaei ng'olyoo ne ya agobo Weeriitap chii, kenyochin kaat: ago ineendet ne chubei Kabuuset ne Tiliil koma kinyochin kaat ineendet.

JOHANA 17:9

Asaae agobo icheek: ma saae agobo ng'wony, ago agobo icheek che ki igoono; amu cheguuk:

2 TIMOTEO 4:14

Ki yaiywo ne ya miising' Aleksanda, kitong'oindet ne po sugunoik: tuun yaakyin Kiptaiyat ko uu poisyonikyik:

1 JOHANA 5:17

Kiy age tugul ne ma po imanda ko tengek: ak mi tengekto ne ma po meet.

1 SAMUEL 12:19

Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”

1 SAMUEL 2:25

Ngot koyachi chii chiito age tengek, korwookyin Kamuktaindet. Ago ngot koyachi chii tengek Kamuktaindet ne Toroor, ko ng'oo ne saaei agobo ineendet?” Ago ki ma kas ng'aleegap kwandanywa, amu kimachei Kamuktaindet ne Toroor kobar icheek.