1 JOHANA 4:9 - BUKUIT NE TILIIL Sireet ne Dutero Kanon

⁹ Kigeng'aany eng' niito chamyetap Kamuktaindet eng' acheek, keele ki koyook `Kamuktaindet Weeriinnyi ne ki kisich ineegei konyo ng'wony, si kobiit kesapchee eng' ineendet.

Bukuit Ne Tilil

⁹ Kigeng'aany eng' niito chamyetap Kamuktaindet eng' acheek, keele ki koyook `Kamuktaindet Weeriinnyi ne ki kisich ineegei konyo ng'wony, si kobiit kesapchee eng' ineendet.

BUKUIT NE TILIL

⁹ Kigeng’any eng’ nito chamnyetab Jehovah eng’ achek, kele kigoyok Jehovah Werinnyi ne kigii inegei konyo ng’ony, si kobiit kesopche eng’ inendet.

1 JOHANA 4:9 Referencias Cruzadas

TAUNET 22:2

Koleenji, “Imut weeriing'ung', nooto ne ineegei, ne ichame, Isak, ak iwe agoi emetap Moriah, si igoite eng' olooto koek kagoochinet ne kibeelei eng' tulweet age ne tuun amwaun.”

TIENWOGIKAL 2:7

Abartoi ng'atuutyetap Kamuktaindet. Ki leenjo Kamuktaindet ne Toroor, “Ii weeriinnyu; kaasichin rani.

MARIKO 12:6

Kita kotinyei anyun agenge, nooto weeriinnyi ne chamat: ki iyookto ineendet eng' let kwo ole mi icheek, kole, ‘Teechei weeriinnyu.

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

JOHANA 10:10

Nyoonei choriindet si kochoor, ak kobar, ak kong'em kityo: ki anyoo si kobiit konyoor saboondo, ak kotepto saboonooto inne.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

JOHANA 3:18

Ma kirwookyin chii ne iyani ineendet: ago ineendet ne ma iyani, ko kagirwookyi, amu ma iyan eng' kainetap Weeriitap Kamuktaindet ne ki kiii ineegei.

JOHANA 5:23

si kobiit koteech tugul Weeriit, ko uu ye teechei Kwanda. Ineendet ne ma teechei Weeriit koma teechei Kwanda ne ki iyook ineendet.’ ”

JOHANA 6:29

Kowolji Jeso koleenji, “Ni poisyetap Kamuktaindet, ale oyan ne ki iyoogu ineendet.”

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

JOHANA 6:57

Ko uu ye ki iyookwo Kwanda ne sabei, ak asabe amu Kwanda; uu nooto ineendet ne ama, sabei agine amu anee.

JOHANA 8:29

Ak kimi tuwai ak ineendet ne ki iyookwo; ma pagaakta aneege; amu ayae kotugul tuguuchooto chamaksei eng' ineendet.

JOHANA 8:42

Komwachi Jeso icheek koleenji, “Nda ka Kwandang'wong' Kamuktaindet, ta kaochama; amu ki anyoo abunu Kamuktaindet. Ki ma anyoo aneege, ago ki iyookwo ineendet.

JOHANA 9:3

Kowol Jeso kole, “Ki ma yai chiichi tengekto, anan sigiikyik; ago si kobiit kotook poisyosyegap Kamuktaindet eng' ineendet.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

HEBRANIK 1:5

Amu ki mwachi malaikaisyek ngorcho koleenji, “Ii Weeriinnyu, kaasichin rani”? Ak kogeny, “Aegu Kwanda eng' ineendet ak koek ineendet Weeriit eng' anee”?

1 JOHANA 3:16

Kingen eng' niito chamyet, amu ki igoito saboondanyi agobo acheek: ak kanyool kigoite saboonwekyok agobo che kitupche.

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.

1 JOHANA 4:16

Ak kingen ak ki kiyan chamyet ne ting'enech Kamuktaindet; Kamuktaindet ko chamyet; ineendet ne menyei chamyet komenyei Kamuktaindet, ak komenyei `Kamuktaindet ineendet.

1 JOHANA 5:11

Ak paornatanooto ko ni, keele, ki koonech Kamuktaindet saboondap koigeny, ak mi sabooniito Weeriinnyi.

1 JOHANA 5:13

Kasirwak tuguuchu, si kobiit onai ole otinye saboondap koigeny, okweek che oyani kainetap Weeriitap Kamuktaindet.