1 JOHANA 4:6 - BUKUIT NE TILIIL Sireet ne Dutero Kanon

⁶ Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

Bukuit Ne Tilil

⁶ Kiboo Kamuktaindet `acheek. Ineendet ne ingen Kamuktaindet kogaseech; ineendet ne ma po Kamuktaindet koma kaseech. Kingen eng' niito muguleldap imanit, ak muguleldap keniisyet.

BUKUIT NE TILIL

⁶ Ki bo Jehovah achek: inendet ne ingen Jehovah kogasech; inendet ne ma bo Jehovah ko magasech. Kingen eng’ nito tamirmirietab imanit, ak tamirmirietab kenisiet.

1 JOHANA 4:6 Referencias Cruzadas

2 ATEPTAP PEETUUSYEK 18:21

Ak ki le, ‘Awendi ak aegu tamirmir ne kenisyei eng' kutusweegap maotikyik tugul.’ Ak ki mwa ineendet kole, ‘Iberberi ineendet ak iterteer; ui anyun ak iyai ko uu nooto.’

ISAIAH 29:10

Amu kirong'jok Kamuktaindet ne Toroor rwondo ne nyigiis, ki kogeer konyekwok, okweek maotik, ak ki kotuch kandoikwok, chooto ko keerik.

ISAIAH 8:20

Onamge ak ng'atuutik ak paornateet! Ngot koma ng'alaal icheek koosup ng'olyoondoniito, ko amu ma mi lapkeiyet eng' icheek.

HOSEA 4:12

Soomei piikyuk kirwooget eng' keetiik, ak iboorchin icheek kiroktonywa. Amu ki imaas icheek `sabeetap kugoinatet, ak ki koba koyai kugoinatet, kometo Kamuktaindennywa.

MIKAH 2:11

Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.

MIKAH 3:8

Ago kanyiia iman kimnateet eng' Kabuusetap Kamuktaindet ne Toroor, ak eng' kirwooget, ak eng' kamuget, si kobiit amwachi Jakobo pistoennyi, ak amwachi Israel tengektanyi.

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

JOHANA 10:16

Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.

JOHANA 10:27

Kasei kutinnyu keechiirekyuk, ak angen icheek, ak kosuba.

JOHANA 10:3

Yaatyin ineendet riibindetap kurgeet; ak kasei keechiirek kutinnyi: ak kuurei keechiirekyik eng' kainaikwak, ak kondoe icheek.

JOHANA 13:20

Amwaiwok, iman, iman, ale, Ineendet ne taachei age tugul ne ayoogu ko kataacha; ak ineendet ne taacha ko kataach kineendet ne ki iyookwo.”

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

JOHANA 15:26

Ago ye kagoit Kagaigaindet, ne tuun ayookwok kobunu Kwanda, Kabuuset ne Tiliil ne po imanit, ne punu Kwanda, konyo kobaoryanjo:

JOHANA 16:13

Ago ye tuun kagonyo ineendet, Kabuuset ne Tiliil ne po imanit, kondoiywok agoi oit imanda tugul: amu ma mwaei ineegei; ago mwaei tuguuk tugul che kasei: ak kong'ang'wok tuguuk che pwoonei.

JOHANA 18:37

Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”

JOHANA 20:21

Koleenji Jeso anyun kogeny, “Ingotep kaalyeet eng' okweek: ko uu ye ki iyookwo Kwanda, ayooktook ak okweek ko uu nooto.”

JOHANA 8:19

Koleenji anyun icheek ineendet, “Mi ano Kwandang'ung'?” Kowol Jeso kole, “Mongeno, anan Abba. Nda ki konaa, ta ki ongen Abba agine.”

JOHANA 8:23

Ak ki leenji, “Oo po oli po ng'wony, aa po parak: oo po ng'wonyuni; ma po anee ng'wonyuni.

ROMANIK 1:1

Paulo, otwogindetap Jeso Kristo, ne ki kiguur koek kayooktoindet, ne ki kitabaanji logoiywek che myach che po Kamuktaindet,

ROMANIK 11:8

ko uu ye siraat kole, “Ki kogoochi `Kamuktaindet ne Toroor icheek rwondo ne nyigiis, ak koonyek che ma keerei kiy, ak iitiik che ma kasei kiy, agoi peetuuniito.”

1 KORINTOEK 14:37

Ngo pwaati chii age tugul kole maotyot, anan ko chii ne mi eng' atebeetap Kabuuset, ko ingonai tuguuk che asirwok, kole chooto ko ng'atuutyetap Kiptaiyat.

2 KORINTOEK 10:7

Ogeere tuguuk che miitei taitap konyekwok. Ngot komang'ugei chii age tugul kole po Kristo, ko ingoruchi niito kogeny ineegei, kole, ko uu ye po Kristo ineendet, ke uu nooto agacheek.

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

1 TIMOTEO 4:1

Ago mwaei Kabuuset ne Tiliil kotook, kole tuun eng' peetuusyek che pwoonei koistoegei alak kayaneet, koepchin iit tamirmirik che ibeeti piich ak kaneetisyosyek che po oik,

2 PETERO 3:2

si obwaat ng'aleek che ki mwa maotik che tiliileen eng' tai, ak ng'atuutyetap Kiptaiyat ak ko Yetindet eng' piikwok che kiyooktoi:

1 JOHANA 4:1

Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.

1 JOHANA 4:8

Ineendet ne ma tinyei chamyet koma ingen Kamuktaindet; amu Kamuktaindet ko chamyet.

1 JOHANA 5:19

Kingen keele ki po Kamuktaindet acheek, ak miitei ng'wony komugul eng' pounatetap ineendet ne ya.

JUDA 1:17

Ago okweek, chamanichu, obwaat ng'aleek che ki komwa eng' tai che kiyooktoi che po Kiptaiyandennyo Jeso Kristo;